友利冰室 x 勿當奴 (D2 Place TWO) (已結業)

朋友食過呢間黃店話好好食我經開D2 Place就嚟試吓啦真係好好食想再嚟又平果然冇介紹錯呢度係俾咗錢落咗單先搵位坐我哋2:00去到等咗一台就可以入呢度嘅文宣好靚最重要係佢哋有毛孩守護文宣！！！！唔支持佢都唔得啦位置都幾好坐好闊落可能因為工廈既關係比較大呢度食物嘅選擇唔多但樣樣都幾得意同埋好飽肚既感覺價錢好抵食呀男朋友叫咗燒鴨胸牛肝菌意粉配樽仔奶茶（$68+$8）個樽仔奶茶好好飲！！！！！絕對推薦出面嘅奶茶又甜又重奶味呢度嘅奶茶茶味超濃！！又唔甜好好飲直情想買支走至於燒鴨胸牛肝菌意粉好搞笑原來係廣東燒鴨份量老實講就真係幾細...........但味道就真係確實幾好食特別係個燒鴨胸酒樓嘅燒鴨好大陣「蘇」味同埋好鞋口架嘛佢呢度嘅鴨胸又香又滑雖然得三舊但真係幾好食！！意粉硬度啱啱好我略嫌就食唔到牛肝菌味但味道真係唔差㗎！仲好有創意我呢一個餐先至不得了人肉饅頭配薯條汽水先係$38咋！！！！！人肉饅頭係饅頭加玉子加叉燒個叉燒偏瘦但係好鬆化又甜！！我個人鍾意食瘦叉來講佢真係好好食！塊玉子都食到甜味但其實比叉燒遮住咗個味既薯條又脆又熱好好味！！！！重點係咩啊係又平又好食我一定會返嚟encore呢個人肉

本應個場都有少少靜諗住應該唔駛等好耐點知去到都有十鬆啲人排緊隊好事嚟嘅 靜嘅都係非黃店 熱鬧都係黃店🤩等咗5個字左右 都還好排隊果陣已經比餐牌你點咗餐 比曬錢 拎埋嘢飲先入座小馬拎咗枝裝可樂一轉身已經有店員話幫佢開埋會唔會太貼心一行到入去佢哋嘅文宣真係由外到內再到返外啲隔牌好鬼靚😍😍😍首先係意粉嚟到先第一個感覺係.... 嘩....好鬼細碟呀每人撩兩啖左右就食曬燒鴨有配酸梅醬俾你但係呢個中西合璧都ok秒速食晒意粉之後再等咗一陣主角就上枱喇對於有一大Pat薯蓉喺下面表示興奮🤤🤤我一開9舊 切嘅時候要好小心一嚟驚酥皮同牛柳會散開二嚟驚成舊飛咗出碟外味道方面 我覺得幾好味首先我每舊酥皮同牛柳都無分開到咁濟另外件牛柳話就話well done但都唔會太韌醬汁方面 重黑椒味之餘 仲有蜜糖嘅甜味幾特別 令冇乜味嘅薯蓉增添色彩如果有幸再去 都幾想返兜💛(一人餐係$128)價錢合理P.S.:最後我哋兩個都夠飽 但碟意粉再大碟啲會好啲西式二人餐 $198一人威靈頓牛柳配蜜椒汁 🙆🏿‍♀️燒鴨胸牛肝菌意粉 💁🏿‍♀️樽裝奶茶 🙆🏿‍♀️枝裝可樂

友利冰室x勿當奴 💛荔枝角黃店💛-D2 Place 開咗間新黃店💛 食物質素好，價錢又抵！玩味十足，最重要係真係好黃！💛 今次淨係食咗友利冰室系列，下次一定要試埋勿當奴系列！ 擺脫M記！值得提嘅一點係，加$8有可樂，仲要係最愛嘅玻璃樽支裝可樂！😍-🔍 瑞士無骨雞飯瑞士汁味好香， 攞嚟拌飯一流🤤 不過啲雞有啲凍，如果熱返啲就更加好🤔-🔍 燒鴨胸牛肝菌意粉幾特別嘅fusion菜🤪 但食落又幾match! 如果分量多啲就更加好🤪-📍友利冰室x勿當奴 (荔枝角)荔枝角長義街9號D2 Place二期1樓109號舖