影片
更多
2012-01-26
593 瀏覽
公司新入伙, 一行10個女人黎左呢度食. 我第一次黎, 一早聽同事講呢度係正野, 原來真係好好食~!廢話唔多講, 以下係我地叫左既野:1) 手撕雞 - 成隻雞上菜, 好有氣勢. 唔好睇隻雞咁大隻, 食落係超嫩滑~!!2) 賽螃蟹 - 滑滑既蛋白, 師傅既手勢一流. 我地叫左唔使加蛋黃, 唔加一樣可以咁滑溜! 同埋味道非常適中. 呢一碟好快清左~!3) 沙鍋餛飩 - 好足料, 個湯好清甜.我地要左個大D既, 一鍋夠哂咁多個人分之餘每個人都至少有一隻餛飩~4) 松子魚 - 魚炸得好脆, 淋左酸甜汁上面都冇整淋到~! 魚入面又唔會炸到乾哂, 仲好嫩滑. 個汁唔會太酸, 襯埋個魚好開胃. 5) 片皮鴨 - 隻鴨夠哂大, 片左好大碟出黎. 配埋D皮同西芹+蔥一齊食真係好正~!! 後來因為鴨肉太多, d皮食哂都仲有鴨肉剩~6) 蒜蓉炒豆苗 - 好大碟. 但太好味好快食哂~! 7) 小籠包 - 呢味就真係唔得啦, 睇賣相都知道唔得. 皮太厚. 唔趁熱食仲會索哂D湯汁.....是唯一扣分既一味.8) 炸銀絲卷 - 好味, 唔會太乾又夠脆.整體來說係好好味, 咁既質素一定有下次. 我D同事話, 以前佢地
廢話唔多講, 以下係我地叫左既野:
1) 手撕雞 - 成隻雞上菜, 好有氣勢. 唔好睇隻雞咁大隻, 食落係超嫩滑~!!
2) 賽螃蟹 - 滑滑既蛋白, 師傅既手勢一流. 我地叫左唔使加蛋黃, 唔加一樣可以咁滑溜! 同埋味道非常適中. 呢一碟好快清左~!
3) 沙鍋餛飩 - 好足料, 個湯好清甜.我地要左個大D既, 一鍋夠哂咁多個人分之餘每個人都至少有一隻餛飩~
4) 松子魚 - 魚炸得好脆, 淋左酸甜汁上面都冇整淋到~! 魚入面又唔會炸到乾哂, 仲好嫩滑. 個汁唔會太酸, 襯埋個魚好開胃.
5) 片皮鴨 - 隻鴨夠哂大, 片左好大碟出黎. 配埋D皮同西芹+蔥一齊食真係好正~!! 後來因為鴨肉太多, d皮食哂都仲有鴨肉剩~
6) 蒜蓉炒豆苗 - 好大碟. 但太好味好快食哂~!
7) 小籠包 - 呢味就真係唔得啦, 睇賣相都知道唔得. 皮太厚. 唔趁熱食仲會索哂D湯汁.....是唯一扣分既一味.
8) 炸銀絲卷 - 好味, 唔會太乾又夠脆.
整體來說係好好味, 咁既質素一定有下次. 我D同事話, 以前佢地黎得美利堅, 就一定係大時大節先黎到. 而家呢度已經普及化了, 唔係一時大節我地都可以來. 得閒對自己好D, 呢度又多一個選擇.
題外話/補充資料：
話說侍應哥哥見我地叫咁多野, 都怕我地10個女人食唔哂. 點知最後全部清~嚇左佢一跳. BTW, 呢度既侍應好friendly~!
(以上食評乃用戶個人意見 , 並不代表OpenRice之觀點。)
張貼
