水記

營業中

休息中

儘管大家說米芝蓮伏味甚濃，但佢就似名牌一樣，呢個系列唔靚，都大排人跟風潮聖，總是令人期待。我都一樣，睇左米記好一段時間，當中有伏有唔伏，咩都試過。但有一樣野我覺得永遠冇好既就係牛腩麵鋪。佢黎黎去去都係推1）九記牛腩，2）華記清湯腩，真心鍾意食港式牛腩點會去呢度，港島區又點只得佢地，我的首選必定係呢間中環水記。黎呢度，食爽腩同牛什就最好，牛味濃肉質又唔鞋，今次先介紹牛什麵。食清湯牛腩/什，最緊要係個湯底入唔入得口，出面好多都係落勁重味精，食完又鹹又口渴，根本唔係人食到的味道。呢間你會食到好濃郁的牛骨湯底，但睇落又好清好乾淨。係呢個凍冰冰的日子飲呢口湯，特別滋味！佢個麵條亦非常彈牙，浸住湯吸收左牛湯味又唔會變軟，非常好👍🏻係街食內臟其實好鬼驚，最怕唔乾淨，尤其係腸，呢間你會見到所有內臟新鮮又乾淨，仲要呢間的是肥牛腸，脂肪香又有彈牙口感，唔會係啤到霉，正野！細細碗牛什麵，你睇到既係簡單野，但食到既係全部係心機野，比起出面的味精牛，呢度的清湯牛更是出色百倍，只能說米記還欠你一個推介。

環境: 大排檔, 坐圓櫈價錢: 好抵食味道: 超好食牛什麵: 落足料充滿住牛什, 有牛肚, 牛肺, 牛膀,牛腸等.!全部都憫得好林好入味不得不提靈魂所在係個湯底, 食得出係用左好多既牛肉,牛骨先可以整成既濃度, 個湯底清得黎係好重牛味應該係多年累蹟先有如此深厚既功力, 令我忍吾住飲埋D湯佢下次要食牛腩麵