Spring field (已結業)

係灣仔搵到呢一間嘅越式河粉💛 個日去到要排少少隊，入到去嘅位置唔算好大，不過整體環境都幾乾淨。叫咗一個生牛肉河粉，一個牛丸牛肉河粉，同埋牛油雞翼做小食😍 餐廳仲有漫畫好貼身咁教你點樣將香料同芽菜放入去湯入邊食❤️先講吓佢個湯底先係非常濃郁嘅牛肉味，絕對唔似其他地方食到嘅個d普通湯底。呢間餐廳話自己用嘅係澳洲和牛，食落去好嫩口，一啲都唔鞋🤩 牛肉丸亦都好爽口彈牙，真係食得出和牛嘅味道😋值得讚下嘅係佢嘅牛油雞翼！新鮮炸起個皮好鬆脆入邊既雞肉岩岩好炸熟🥰 連埋佢配嘅雨露汁，真係好好食！價錢唔係特別抵食，但值得一試👍🏿

不下經過呢間野十幾次，睇門口完全唔知佢係想賣咩，後尾友人推薦，先知道呢間原來食越南牛河，完全估佢唔到。店員服務態度友善得過份，無論入座、點餐定上菜都好好服侍，加分！✨招牌春園河湯底偏濃，配料包括洋蔥、蘿蔔粒，可以預料到湯頭有幾清甜，好順喉，另外附有青檸、金不換、辣椒、鵝蒂等，可以隨意調校味道。安格斯牛肉、慢煮牛𦟌條肉質軟腍，非常柔嫰，份量適中，✨牛油雞翼炸得香口，味道都唔錯，但唔算好有驚喜。✨招牌春園春卷餡料調味偏清淡，我幾鐘意，唔油膩，作為佐餐小食非常唔錯。呢度唔係食好正宗嘅越南牛河，就連環境都係偏cafe格局，不過就欣賞佢食物質素及環境服務都相當有誠意，幾值得一去㗎！（P.S. 佢同對面間cateye同一個老細，兩間質素都幾好！）