味火鍋 (雅仕洋樓)

今晚睇完戲同一班 friend 去尖沙咀搵食，朋友介紹味火鍋放題，不限時任食，夜晚10：00先到，一去到全埸爆滿。首先選左酸菜魚+4隻龍蝦做頭盤先，酸菜魚幾麻，酸菜有啲咸，但魚都幾滑，OK啦。半隻波士頓龍蝦麻麻地，味道一般。我地選擇麻辣鴨血及牛肝菌做雙拼湯底，先黎一大盤海鮮拼盤，有蝦，生蠔，扁貝，蟹柳，石斑，蝦丸，墨魚丸，非常豐富。再上牛肉拼盤，牛小排，牛肩胛，封門柳，牛板鍵，份量大約每款每人2塊左右。之後就按個人喜好任選食物，黑毛豬肉都厚身好味，牛唔夠可以再叫肥牛，其他配料正常水啦。最尾來一個 Mövenpick 雪糕作結尾，大滿足。總括係好低食既，依359+1，仲有啤酒任飲，服務都幾好，仲要我地食到差不多1：00, 下次會再黎幫襯👍

任食邊爐嚟講佢頭盤已經非常多選擇，我哋揀咗芝士焗波士頓龍蝦同埋芝士焗生蠔，兩個都係非常高質，生蠔好新鮮，唔會好似出邊加埋沙律醬焗整到啲海鮮變晒味，兩個都非常好食！兩個人以上其實可以揀雞煲，不過驚太飽。然後海鮮拼盤都係非常正！鮑魚仲係新鮮識郁而且入口非常彈牙！海蝦鮮甜！值得一試！。一定會再嚟過

由於疫情期間已經好少約朋友一齊出去食飯,咁啱今日有野要出去尖沙咀做開,所以就同老婆同朋友出去開餐,行行下見到間新開張既打邊爐,梗係入去八掛下啦!!去到鋪面已經覺得裝修好靚仔, 好吸引!!見到張菜單, 諗都唔諗就上去坐低左!!上到去之後就叫左D小食送下啤酒!!嘩, 估唔到火煱店D小食都咁出色!!尤其係個炸雞軟骨同手拍青瓜!!直頭拍得上專門店, 送酒一流!!之後梗係黎到主菜啦,難得同朋友一齊梗係食得豐富D!!佢呢個焗開邊龍蝦又係好正!!就算佢係芝士焗都唔會遮左龍蝦個原本味道!!最重要係!! 佢隻龍蝦啖啖肉, 又多膏!!食到我同肥妹仔都大滿足!!之後再黎多個雞煲先!!雞煲個賣相非常靚仔, 而且味道好正宗!!D雞件好入味啖啖肉!! 配菜又多!!完全喜出望外, 估唔到多款得黎樣樣都專最後梗係黎到重頭戲打邊爐!!嘩~~ 不過我唔記得左影個爐!! 講句梳先!!我地揀左豬骨湯同麻辣湯!!豬骨湯出色, 好鍾意佢果種胡椒味~ 正!!佢原本個餐包左呢個牛肉!!上面有牛小排, 封門柳, 牛肩胛!!講真見到個擺盤已經覺得好精美!!味道更加唔駛講, 一流!!樣樣都好鮮味!!而且仲要分到隻隻牛唔同味道, 抵讚!!(