桂花小幸 (將軍澳廣場)

營業中

休息中

今天行程排得滿滿的, 由早上一直忙到下午, 所以就在附近來一個下午茶. 特地來到這角落的台灣餐廳, 竟然已經開始排隊等候.  在等候期間, 先看看餐牌. 等了3個字, 終於可以入座了.  快快去付款, 然後去自助區取開水和小碗, 再慢慢等待美食來到.       麻辣紅燒腱心牛肉麵  小米到台式餐館通常會點紅燒牛肉麵.  味覺敏銳的小米, 表示牛肉麵的湯底有微微的酸味.         涼拌貓耳朵  烏醋加蒜蓉加辣椒拌黑木耳.  黑木耳十分脆口.  平時光顧這家台式餐館, 大多都是點粉麵. 今次就破例, 點餃子. 一份煎餃一份湯餃, 可以嚐到二種口味!     牛肉濃湯水餃   是水餃浸在牛肉麵的湯底裡, 有牛肉味的水餃, 感覺賺了! 而剛才小米表示湯底有微微的酸味,, 原來是真的. 先嚐餃子吧!  餃子皮不太厚, 容易咬開, 椰菜和肉餡比例均勻, 還有肉汁呢!          現做煎餃子    即是烚水餃變用煎方式來加熱煮熟.   不平均的啡色焦焦面, 是餃子在平底煎爐煎熟的証明, 並非油炸扮煎熟. 只是煎餃表皮較韌, 門牙需要多點牙力咬開. 中間餡料跟烚水餃一樣, 都是椰菜和肉餡

餐廳唔係好難搵~喺將軍澳廣場地下，環境都幾大 有幾個卡位!午市套餐嘅選擇都唔少，揀咗酥炸排骨嘅麻辣湯麵(小辣)，而前菜就係上湯浸時菜😋好鍾意呢一隻粗度嘅麵條，湯底亦好濃牛肉湯，可能因為叫咗小辣，所以對我來講麻辣味冇咁出，可以試吓中辣或者大辣🌶豬扒炸到好脆，配埋美乃滋醬正～再叫咗分別四隻麻辣紅油水餃同埋牛肉濃湯水餃~味道好似小籠包咁，啲肉汁🤤🤤紅油抄手味道好似豆瓣醬! 好適合啲唔係好食得辣嘅人😋午餐仲可以配台式奶茶，我加咗珍珠😚奶茶非常有台灣嘅感覺😝另一個餐叫咗紅燒腱心牛肉麵😄小菜係滷水豆腐一片片嘅牛肉嘅紋路好靚🤩

星期五夜晚想好好休息下食個靚飯，就揀左呢間裝修唔錯，幾有文青慢活風味嘅台灣餐廳食晚飯~叫咗個煲仔•塔香三杯雞飯套餐，套餐好豐富，有湯有飯，三杯雞份量算多，雞件都煮得幾入味，雞肉唔會太乾身，咬落都幾juicy，最喜歡佢有配埋上湯煮娃娃菜，令成個套餐感覺更豐富更健康，而且娃娃菜不會好鹹，配埋三杯雞一齊食會覺得味道啱啱好~餐湯係冬瓜蜜棗花生燉排骨，燉湯都舊俗了，入面見到不少湯渣，湯口都夠清，飲到冬瓜蜜棗嘅鮮甜味~我都叫咗碗花枝丸牛丸番茄湯麵，蕃茄湯底濃郁，酸酸甜甜夠醒胃，最喜歡佢有幾舊蕃茄，令成碗感覺更加fresh，麵條都夠彈牙，最欣賞佢花枝丸夠大粒，而且食到粒粒嘅墨魚，整體感覺夠彈牙，亦都食到墨魚鮮味，牛丸都OK，肉質夠爽口~小食揀咗桂花雞翼，雞翼啱啱炸起夠香脆，桂花醬比較清甜，連埋炸雞翼一齊食味道會比較清新，兩者味道都算夾，味道可口~牛肉濃湯餃子嘅味道就會比較濃郁，可能因為濃湯關係，餃子吸晒濃湯嘅汁，食落好juicy，餃子尚算皮薄，餡料都夠多~飲品叫咗杯蕎麥茶，感覺消濟，而且茶味充滿濃濃嘅蕎麥味，第一次飲感覺幾特別~ 宇治抹茶拿鐵抹茶味較濃，揀左少甜甜度啱啱好，拿鐵奶味會較重，但同抹茶味

鹽酥花枝丸，桂花雞翼，胡椒豬肚湯.....，已經食完事隔多日，還是覺得非常回味。桂花小幸是前一段時間與先生偶到的將軍澳廣場裡，當日行商場新嘗試的台灣菜。當日不經意地行經將軍澳廣場，見到桂花小幸，回味之旅就由那一刻開始.. . ...。室內的裝飾就像餐廳的名字一樣既有詩意又討人喜歡，整間餐廳就像精品藝術店一様，令人感覺清新中滿帶著藝術氣息，部份是卡位，夠闊落。鹽酥花枝丸3粒$23。花枝丸熱辣辣，夠爽口。煲仔三杯雞$48。三杯雞上到枱面還是熱氣騰騰的，加上金金黃黃的雞件，很是吸引，雞件看落不是大大件，厚厚肉又肥的那種，而是皮薄骨細的，應該似走地雞呢。以$48可以食到走地雞，真是抵食哦。挾一件試嚇，入口有少少酒味，雞肉嫩滑，入味。桂花雞翼3隻$23。桂花雞翼帶㸃微微的桂花香味，單是金金黃黃的外表，已令人垂涎，嫩滑多汁，真是十分贊。胡椒豬肚湯$58。有豬肚，酸菜白果，娃娃菜，腐竹其中豬肚有少少𡁻口，白果很淋甜，腐竹吸收了豬肚湯的味道，又淋又入味。整個胡椒豬肚湯非常濃郁好飲。牛肉濃湯水餃$28。水餃大大隻，肉味鮮甜，與濃郁的牛肉濃湯一斉食，更添美味。蜂蜜檸檬蘆薈$20。食肉類再飲酸酸甜甜蜂蜜檸檬

香港地不缺臺灣菜，但卻甚少有餐廳像桂花小幸，以桂花爲主打。星期五晚上排隊等候的人不少，過了一陣子店員通知我倆可以進去，找了個最裏面的空位坐下。餐廳有一面的牆壁貼著鳥語花香的牆貼，確實增添了不少典雅秀氣的感覺。這裏點餐需要到外面櫃員機先付錢，拿了號碼和收據回去座位，店員隨後根據號碼遞上食物。朋友的鹽酥鷄排滷肉飯($58)分量多，鷄排炸得酥脆，滷肉調味適中，整體味道不過不失。我點了份藥膳湯腱心牛肉麵($58)。湯底清甜，藥材香味芳香，沁人心脾。藥材味道把握的剛好-適當地襯托出牛肉味，但不至於濃郁到掩蓋過整個湯與麵的味道，非常有驚喜。臺灣湯底中我獨愛藥材湯底，回憶中以前曾經在宜蘭街頭吃過一碗當歸湯底麵，香濃當歸味道至今仍然回味無窮，筆墨難以形容。桂花小幸的這一碗，可以說是我在香港喝過最能媲美回憶中那個味道。牛肉濃湯水餃 ($36)也是非常不錯。水餃皮厚度適中，煙韌有口感。喝一口牛肉濃湯，鮮甜滋味在舌尖回蕩；再來一湯匙，這次水餃與濃湯一拼吃，鮮甜度極緻提升。桂花鷄翼($23)，拿起鷄翼蘸些帶桂花香甜味的醬汁，芳香的桂花味令鷄翼嘗起來變得非常清新，味道更特別，非常值得一試！