群記清湯腩 (已結業)

心血來潮去大埔搵好嘢食。老豆成日同我講大埔群記好多人排隊，就唔啱時間真係冇得食架。見兩點幾應該唔多人排隊就走咗去食。價錢中等，咁就叫咗個必叫嘅清湯腩河。個碗米粉河粉正常size，但好多料，牛腩舖滿成碗，食極都仲有餸送飯。一讚，味道唔錯，加埋可樂gur一gur, 爽丫

難得經過大埔，　想試下大排長龍既細店群記鋪頭細細但人客多多，　排左１５　至２０分鐘終於坐低叫左一個牛腩河粉雖然好多人給高評價，　但我只覺得尚可接受，　只算中上既級數河粉夠林。　清湯不錯。牛腩好夠肉味，質感夠彈牙　呢樣值得讚賞！不過可惜牛比較實，　但整體係幾好味。。但我覺得不值得排甘耐。。間吾中食一次都ＯＫ！

我好少去大埔區,今次難得嚟到都要試一試大埔既美食先~~~係大埔墟泊好車行過對面就見到群記清湯腩,有6-7人掛排隊,等左5分鐘就到我地,入面環境好迫,幸好我地都坐到單邊2人位,難得嚟到老公話梗係食d平時少有果d,他選擇食爽腩河我食牛腩河清湯充滿濃濃既牛味,又唔會好"蘇",牛味剛剛好,好想一飲再飲,好味~爽腩邊位黏住的部份係帶爽口,同一般牛腩真係不一樣,而我的牛腩同樣好味,我仲要求的牛腩要"林"d,食落口又真係比平時果d偏"林"小小,啱晒我~~雖然份量比較少,但係做足人客既要求值得一讚~~~