丸十あぶり牧場 (已結業)

每星期都遊走花墟一帶，上次試左岩鹽非常普通，今次食晏擇左去左丸十あぶり牧場我食嘅係香蔥鮪魚蓉海膽丼，呢個係我去親都必叫嘅，鮪魚蓉幼滑，肥瘦適中，略嫌不夠魚油味，但配上壽司飯非常好食，同行友人叫左特上海鮮丼，有三文魚，蟹肉，油甘魚，甜蝦同埋帶子，Lunch食刺身真係唔好期望太多，呢個除左飯調得好食，刺身就一般般咁相信嚟親呢度每枱必點玉子燒，我最鍾意食係明太子肉子燒，明太子咸咸辣辣咁，玉子煎到非常軟滑，每一啖充滿蛋香！非常好食😋呢間食個午餐大概$500，食左成碗飯好飽，除左特上海鮮丼 比較一般，其他兩樣都好食，食飽飽就可以去街街啦！

好多鋪頭都嘗試過做主題餐廳，以特定嘅卡通人物做招徠，但有時偏偏喧賓奪主，食物嘅賣相就好靚，而且好有噱頭，打卡一流，但偏偏忽略咗一個重點——食物嘅本質同味道先係餐廳最重要嘅元素。丸十係唯一成功令我改觀嘅主題餐廳，以我兒時好流行嘅XO加上近年人氣不減嘅蛋黃哥做主題，除咗可以打卡之外，食物質素亦相當高👍🏻一入餐廳已經見到大大個攤位俾客人打卡👍🏻連餐枱都用係XO同蛋黃哥，粉絲一定好開心😃本身唔係卡通迷嘅我，反而最欣賞佢嘅menu，連封面都係皮製，非常有質感👍🏻燒和牛肉丼伴有溫泉蛋一隻，份量都算多，米飯唔係一般嘅白米，顏色帶淺黃，口感煙韌有咬口👍🏻溫泉蛋雖然有些許失手，賣相唔太靚，但入口順滑蛋味鮮濃，唔錯😋和牛燒到六七成熟切片上碟，肉味濃郁，雖然未至於入口即化，但亦算質感鬆軟冇乜筋，加上少量醬油同白芝麻味道更香👍🏻明太子玉子燒超有驚喜😍口感軟熟，蛋味香濃，加上味道鮮濃而且帶有鹹香嘅明太子作點綴，令無論賣相定味道都生色不少❤️先生嗌嘅特上海鮮丼亦係相當有驚喜！用上牡丹蝦、海膽、三文魚子、呑拿魚、帆立貝、三文魚同油甘魚，無謂份量同新鮮程度都絕不欺場！件件都肥美又新鮮🤩海膽顏色鮮艷，味道鮮甜濃郁，質感幼

昨晚準備睇容祖兒演唱會，開頭諗住到紅磡才吃晚飯的，但又怕太多人，所以選擇到旺角新世紀廣場的丸十あぶり牧場食晚餐。 餐廳內環境光線柔和， 座位舒適。其實我本身是被這類的燒肉香味吸引入來的， 但發現時間有限，所以不能點燒肉了，唯有點了兩個丼，再加一點小食吧。 昨晚點了限定的日出富士丼(伴玉子）$188和特上海鮮丼$168，小食有自家製明太子玉子燒$58，香草羊肉串$35，然後甜品有牛奶軟雪糕$40。日出富士丼～ 賣相真是好像一座山⛰️，有半熟玉子在外層，慢烤西冷， 牛肉薄切，可惜入口的時候感覺牛肉沒有味道，比較淡。特上海鮮丼～ 刺身滿滿的已經將飯蓋過了， 每一款刺身都很新鮮，海膽夠鮮甜，但紫菜淋了。香草羊肉串～ 羊味不太突出， 如果不喜歡吃羊騷味的朋友，這個就啱了。自家製明太子玉子燒～ 熱辣辣軟淋淋的玉子燒， 配上鹹鹹的明太子，非常好吃。最後點了兩碗牛奶軟雪糕， 開頭諗住$40一碗都唔平呀， 點知雪糕一到發現份量咁多又抵返！ 平時食雪糕我好怕太凍， 一啖起兩啖止， 但這一杯雪糕真是很好吃，牛奶味濃郁， 入口軟滑，還可以選擇抹茶味啊！好可惜今次時間有限沒有吃燒肉， 希望下次有機會再來這裏食燒肉