阿元來了 (鴻圖道)

營業中

休息中

一入舖頭成個環境氣氛已經好台灣 連員工都係講普通話嘅見到佢45分鐘用餐時間唔洗擔心 因為啲食物基本上落單後2分鐘內送到 阿元魯肉飯 $43大碗飽肚好味又抵食 個魯肉整得好好 唔會一pat嘢咁 啲酸瓜係我嘅最愛蚵仔大腸麵線 $40蚵仔量多 大腸味好出 麵線都好地道 整體有啲咸 不過台灣小食就係咁 但如果當主食就唔飽玉米起司蛋餅 $30必嗌！！個蛋餅完全係以前喺台灣食過嘅味道 仲有個甜甜辣辣嘅辣椒醬好出色 配搭好夾 我平時唔會點辣椒醬都忍唔住要點皮蛋豆腐 $30一開始比佢外觀嚇親 好似嘔吐物😂😂不過！！好好食皮蛋豆腐撈埋好易入口 味道唔會太重 好開胃另外嗌咗 白桃綠茶 同 冬瓜茶 建議大家小甜～整體好滿意💗下次想試蚵仔煎 好似係觀塘夜晚/西環晏晝先有 我哋兩個人想試多啲野食埋單$191夠飽有凸 正常應該食$120左右

朋友經常黎食，上一次專登晚上去，但由於太多人試唔到。今次趁完左活動，3:00前往去食個下午茶，下午茶時段不用等位，而且唔多人。環境非常有特色。讓我回想了台灣的旅行及美食。魯肉飯（小碗）（ $33 ）古早味的魯肉飯，飯上的魯肉為半肥瘦，配上醬汁配飯一流。食落唔會有太肥膩的感覺。小碗比相像中大碗，女仔非常適合叫細碗，這樣便可以試不同的美食了。塩酥雞（$37）香脆的塩酥雞，啖啖肉，不會有太厚的粉團。惟雞肉有少少「鞋」。玉米起司蛋餅（$30）最愛食台灣蛋餅的我，當然要叫蛋餅啦。蛋餅皮來自台灣，另外蛋餅上及辣椒醬的醬汁都非常有台灣的味道，懷念台灣的日子。如果餡料可以在豐富點則更正。手作風味水果茶（$35）大推，好好飲，係有少少甜。但茶底好飲，水果味濃。有豐豐的水果在內，百香果、橙、蘋果、青檸、菠蘿等。皇室奶茶加仙草（$22+$3）

sᴇᴄᴏɴᴅ ᴠɪsɪᴛ ^▽^ 〖 蚵仔大腸麵線 $40 〗〖 焢肉飯 $45 〗〖 魯肉飯 $32 〗⚠️記得睇清楚< 阿元魯肉飯 >先係正常size ➔ 有菜+蛋就咁魯肉飯係mini size 空肚食唔飽的😢〖 玉米起司蛋餅 $30 〗比起好多人recommended既肉鬆起司蛋餅 個人覺得玉米🧀好食好多cheese味會相對突出 😍適合好鍾意食🧀同時又對肉鬆冇乜特別喜好既人𝐃𝐨𝐮𝐛𝐥𝐞’𝐬 𝐖𝐡𝐞𝐞𝐥 𝐏𝐢𝐞𝐬 創意紅豆餅📣 𝐁𝐔𝐘 𝟑 𝐆𝐄𝐓 𝟏 𝐅𝐑𝐄𝐄 𝐑𝐄𝐂𝐄𝐍𝐓𝐋𝐘👍🏽全部都係即叫即整〖 𝘽𝙪𝙗𝙗𝙡𝙚 𝙏𝙚𝙖 𝙁𝙡𝙖𝙫𝙤𝙧 珍珠奶茶餅 $13 〗Nth special 〖 𝙊𝙧𝙚𝙤 𝘾𝙤𝙛𝙛𝙚𝙚 𝙁𝙡𝙖𝙫𝙤𝙧 奧利奧咖啡餅 $12 〗 Recommend 〖 𝙋𝙚𝙖𝙣𝙪𝙩 𝘽𝙪𝙩𝙩𝙚𝙧 𝙈𝙤𝙘𝙝𝙞 𝙁𝙡𝙖𝙫𝙤𝙧 花生麻糬餅 $12 〗Recommend 〖 𝘾𝙡𝙖𝙨𝙨𝙞𝙘 𝙍𝙚𝙙 𝘽𝙚𝙖𝙣 𝙁𝙡𝙖𝙫𝙤𝙧 經典奶油紅豆餅 $12 〗 Nth special〖 𝙊𝙣𝙞𝙤𝙣 𝙖𝙣𝙙 𝘽𝙖𝙘𝙤𝙣 𝘾𝙝𝙚𝙚𝙨𝙚 𝙁𝙡𝙖𝙫𝙤𝙧 洋蔥起司培根 $13 〗幾重

依加出緊嘅post大部分都係前排去，好耐冇出街堂食啦🙁•店內裝修到好似台灣夜市咁，環境幾好😍 •🥢 阿元魯肉飯 $42飯面除左有魯肉，仲有半隻蛋、幾條白菜仔同幾塊醃蘿蔔，魯肉大小一致，有口感，又唔太肥，而且魯肉汁都幾多，食到底都仲有👍🏻•🥢 玉米起司蛋餅 $30餅皮好薄，口感煙韌，中間夾住一層蛋，芝士同粟米都足嘅，但蛋餅包得有啲鬆，一夾就跌左唔少粟米出黎😂 味道都可以，仲可以點隔離嘅甜辣醬，但整體唔太特別•🥢 招牌珍珠奶茶 +$25珍珠係細細粒嘅黑糖珍珠，口感唔軟爛，叫咗微糖，飲落茶味出啲•🥢 洛神紅梅汁 +$11叫左少冰同甜度不變，但飲落都偏甜，飲過其他地方嘅洛神花茶係酸味比較出，但呢個洛神花+紅梅汁反而唔太酸，味道似利賓納😂

阿元來了！台灣來了！ 前往台灣嘅入口係唔起眼嘅停車場中，但好快就會見到有人龍。好彩中午大約1點排隊，都唔係排咗好耐就有位。一入去就係另一個世界。嘈雜嘅汽車聲慢慢淡出，取而代之係一首又一首熟識嘅台灣歌。阿元來了嘅環境完完全全係台灣90年代風。海報、車站、戲院牌匾、街邊小食店...一幕幕都令我同友人感覺置身於台灣。 可惜阿元名氣太大，多人食，好難打卡。小提示：有心理準備要搭枱架！ 阿元除咗帶來視覺同聽覺享受，味覺當然都出食。我同友人二人太多嘢想食，所以決定share。叫咗招牌阿元滷肉飯、玉米芝士蛋餅、芋泥蛋黃卷，同埋兩杯奶蓋茶。蛋餅係最好味，有Q彈嘅感覺。本身蛋餅味道較淡，加埋面頭嘅醬汁好夾。不過就唔建議點甜酸醬食。芝士配玉米嘅組合永不出錯。蛋餅唔膩，食完仲想再食。阿元滷肉飯分量都唔少，夠兩個細食女仔食。滷肉肥瘦適中，唔會有太多罪惡感。滷肉汁配飯唔會咸，一口接一口。豆腐都好入味。芋泥蛋黃卷驚喜一般，友人仲話似中式甜品。$30 得兩件，性價比一般。芋泥甜度適中，亦好足料。炸粉算薄，第一啖已經有芋泥。不過相對芋泥，蛋黃分量太少，食到最後先食到少少。加咗蛋黃係唔同，有層次，除咗芋泥嘅甜，仲有蛋黃