高興 (已結業)

位於觀塘工業大廈內的高興cafe， 舖內嘅裝修 好似將牛頭角下邨搬咗入來。另一個角落就變成60年代舊式💈髮廊，環境裝修好特別，絕對係📷打卡嘅好地方。豆豉鯪魚🐟炒意粉 🍝：其實都來過好幾次，但每次都會叫同一個主菜。因為第一次來時吃過後，覺得很特別，很好味。初初聽落個名怪怪地，但是居然出奇地好味及融合， 豆豉鯪魚味道亦能融入意粉，曾嘗試過回家自己煮，可惜煮不到這味道 。不過，最可惜是每次碟底都會有一大堆油，如果店家可以改善到就很好了。另外 加12蚊有餐湯今日係粟米忌廉湯🌹玫瑰荔枝沙冰：荔枝+🌹+沙冰好配合，喜愛荔枝味的人都會是必然之選。但是，今日少了很多荔枝味，可能因為我今次點少甜，所以就加少了荔枝汁。紅豆抹茶pancake ：根據朋友分析，紅豆應該是日本十勝紅豆，全部超大粒，硬度煮到剛剛好，不太硬亦不太淋，厚厚的pancake有兩層，但仍是都很鬆軟，配雪糕一齊食 一流。當日朋友生日，自己帶咗個生日牌來插上，霎時間變為一個生日蛋糕🎂，所以來這裏慶祝生日都是一個不錯嘅選擇，如果店家有生日牌及蠟燭提供就更正了。pancake份量大到當主菜食也很飽。整體嚟講 都係一個食晚餐唔錯嘅選擇， 還有，以

2018年5月27日。晴。觀塘。呢晚約咗朋友喺觀塘食飯諗住咁多工廈，咁多餐廳，要有排諗食咩朋友就提議佢食過呢間唔錯咁就唔洗諗啦～星期日晚6點幾上到去，有少少難搵，要經停車場閘口先入到去門口牆身有啲塗鴉咁嘅畫入到去唔算多人，靠牆嗰邊嘅長沙發無人坐餐廳嘅裝修走懷舊香港風有啲霓虹燈燈箱裝飾，一入門口嘅corner設計咗好似舊式理髮廳嘅位，幾有趣餐廳嘅另一邊有個台，睇來可以俾人表演，可能有時會有live band show（？！）如果係嘅話個氣氛應該唔錯落完單啲野食好快就到齊啦呢個黑松露醬粗薯條不得了！咁大兜都只係$42，薯條香脆，黑松露醬唔知係唔係現成嘅，但係都好濃郁足料，啲醬我哋全部食晒！大推！高興必點之選！蒜香雞肉橄欖油意粉少辣，不過恰到好處雞肉好多，但我鍾意個意粉多啲，未做到al dente，韌度都ok，惹味可口反而個意大利飯就無乜驚喜，海鮮都幾足料嘅，有青口、大蝦、帶子同蜆肉意大利飯嘅質地太腍，有少少水汪汪嘅感覺味道亦偏淡飲品方面飲得出係用糖漿調出來，但味道都唔錯，唔會過甜，沙冰顏色好靚，不過味道都係偏淡餐廳免加一，絶對抵食！！

M佬：中文題！你知唔知快樂、愉快、高興有咩分別？ A姐：都係開心咁解！ M佬：錯！錯！錯！ A姐：你最叻，你講啦！ M佬：高興係可以食架！無錯，高興係可以食架！今日我哋就去到觀塘工廈內嘅高興。呢間餐廳以昔日公屋情懷為設計主題，除咗有屋邨委員會嘅牌匾同懷舊電話之外，最吸引嘅都係「妹妹理髮廳」，牆身仲有古董電髮罩，睇到A姐以為可以一路食飯一路電髮。地中海香草焗原條鱸魚將原條鱸魚加上香草同海鹽焗製，上枱仲有半個檸檬同酸酸甜甜嘅車厘茄橄欖油自行調味。鱸魚勝在無乜細骨，夠晒大條，食落啖啖肉好方便，而且肉質幼嫩，加上香草同海鹽，我哋覺得咩都唔洗點，簡簡單單就食到魚嘅鮮味。而且一啲都唔貴，性價比超高，絕對係必食首選。美國頂級肉眼扒 (9安士)五成熟嘅肉眼扒煎得啱啱好，而且肉質鬆軟，牛味香濃，夠晒大塊，不過就略嫌唔夠厚身，口感就差少少。玫瑰荔枝沙冰估唔到玫瑰同荔枝可以咁夾，仲唔會死甜，好fresh又唔膩。蜜瓜青蘋果青檸冷壓果汁所謂冷壓果汁，其實係將蔬果喺指定溫度下，利用高壓形式壓製而成嘅冷壓果汁。呢杯果汁以瓜味最突出，飲落仲略帶青蘋果同青檸嘅微酸。經過冷壓嘅果汁，相對能夠保存蔬果本身嘅營養，容易被腸道