影片
更多
2012-10-06
238 瀏覽
朋友吹雞開餐, 為食四人幫定必二話不說飛身撲出啦!!! 呵呵... 今次鎖定嘅目標係... 有朋友未食過嘅PizzaExpress...朋友試吓網上訂位功能, 見到呢晚餐廳Full咗, 大家正煩惱緊轉去邊樹食之際, 我死唔信邪咁打去餐廳試吓Book位... Oh... 比我Book到喎!!! 不過Book 7:15pm就要8:45pm還枱, 得個半鐘真係唔多夠喉!!! 想轉地步但又懶... 算啦, 食咗先, 到時再轉場食甜品囉...因為要好早還枱比人, 所以我特別提醒大家要準時到, 攪到大家都好大壓力... 嘩咔咔咔...幾年前食過亞士厘道分店, 印象好差, 又嘈又迫又唔好味... 海運呢間分店間鋪大好多d位又多好多, 仲可以一邊食飯一邊欣賞維港夜景, 咁仲使唸嘅, 緊係過o黎海運呢邊食啦!!!未食過嘅朋友未到, 我地好抵死咁不停Whatsapp佢, 將揀o野食嘅討論全部放上Whatsapp, 最尾一句係"你可以揀自己杯o野飲", 嘩咔咔咔...討論期間, 我口快快咁話叫個6人餐, 不過比大家Band咗... 查實我係有先見之明, 知大家叫4人餐食唔飽, 結果真係... 大家都話未試過
朋友試吓網上訂位功能, 見到呢晚餐廳Full咗, 大家正煩惱緊轉去邊樹食之際, 我死唔信邪咁打去餐廳試吓Book位... Oh... 比我Book到喎!!! 不過Book 7:15pm就要8:45pm還枱, 得個半鐘真係唔多夠喉!!! 想轉地步但又懶... 算啦, 食咗先, 到時再轉場食甜品囉...
因為要好早還枱比人, 所以我特別提醒大家要準時到, 攪到大家都好大壓力... 嘩咔咔咔...
幾年前食過亞士厘道分店, 印象好差, 又嘈又迫又唔好味... 海運呢間分店間鋪大好多d位又多好多, 仲可以一邊食飯一邊欣賞維港夜景, 咁仲使唸嘅, 緊係過o黎海運呢邊食啦!!!未食過嘅朋友未到, 我地好抵死咁不停Whatsapp佢, 將揀o野食嘅討論全部放上Whatsapp, 最尾一句係"你可以揀自己杯o野飲", 嘩咔咔咔...
討論期間, 我口快快咁話叫個6人餐, 不過比大家Band咗... 查實我係有先見之明, 知大家叫4人餐食唔飽, 結果真係... 大家都話未試過食完咁多o野, 竟然仲咁唔飽...
Dinner for Four有2款頭盤*+1款沙律+1款薄餅+1款意粉+甜品拼盤1客+飲品4杯, 咁多o野先HK$458, 其實都算好抵食!!!
Ginger Ale--凍檸茶係Unlimited Refill, 不過大家今晚一反常態, 4個一齊揀Ginger Ale, 加檸檬同冰一齊飲, 好飲過咩都唔加... 朋友第一次飲, 佢以為係薑汁湯丸果種薑水, 好好笑...
焗麵包球--必吃!!! 而且要趁剛出爐仲熱辣辣時吃, 麵包超香超鬆軟!!! 浸個包入去我最愛嘅Genovese香草汁, 香味爆燈, 百吃不嫌!!!
焗蘑菇--都唔明, 餐牌明明寫焗蘑菇, 點解會有一半係焗麵包球嘅呢?!! 大家一致認為呢個焗蘑菇好味~
意大利火腿沙律--嘩!!! 又有焗麵包?!! 仲咁大舊?!! 齋食麵包都食飽啦!!! 沙律好新鮮, 配料又豐富, 意大利火腿又大片又有鹹香, 鋪係面嘅芝士好有奶味, 好好味!!!
山羊芝士薄餅--薄餅鬆軟, 配料有我最愛嘅山半奶製成嘅山羊芝士, 羊羶味濃, 好味!!! 乾蕃茄鹹鹹地, 都好好味!!! 不過朋友就覺得好膻, 真係難為咗佢喇...
意大利香草意粉--全晚最好味!!! 水牛奶製成嘅Parmesan芝士味道馥郁香濃, 加上強烈嘅香草味及油潤嘅橄欖油, 意粉入口滑溜, 咬落彈牙... 不過份量細咗d, 一個人食都嫌唔夠喉... 唔明點解朋友又覺得好膻, 個醬汁剩係得羅勒葉同Parmesan芝士咋喎...
甜品拼盤--朱古力蛋糕最正, 香濃嘅朱古力味, 蛋糕鬆軟... 芝士蛋糕唔係我杯茶, 但係都OK好食... Tiramisu好得, 忌廉軟滑, 蛋糕鬆軟, 咖啡酒醇香!!!
VIP房內有自制Pizza活動, 我地食完佢地先啱啱整起拎去焗, 肯定已經好肚餓喇...環境同Service都好好, 食物質數又高, 呢個價錢簡直係超值!!! 唯一美中不足係要早交枱...
張貼
