永年士多 (兆安廣場)

營業中

休息中

每次當我OT既時候…我也想哭。發覺人生除左返工好似無乜生存意義，如果要係份工劃上一個限期我希望係今晚，係做埋今晚呀，之後退休！！諗下好啦…出去「永年士多」整碗麵返去繼續做奴隸獸啦！👇🏻📌招 牌 麵 食 -▪️ 高 佬 發 辦 - $68▫️ 我朋友就嗌左呢個「高佬發辦」，一次過食勻豬腸、雞翼、豬紅、豬皮、冬菇、 豆卜，麵條揀左米粉，麻辣小辣，米粉吸收辣汁，夠哂惹味；最出色個豬紅唔會一夾就散，口感煙韌，好食。▪️ 四 寶 麵 - $60▫️ 我就揀左呢個「四寶麵」，一次過試哂永年四寶，包括豬腸、蘿蔔、豬紅、豬皮，麵條就揀左幼麵，麻辣中辣，呢個辣度對我呢D鍾意食辣既就岩岩好；豬腸濃香爽彈，蘿蔔腍滑入味，值得一試。📌小 食 -▪️ 斑 蘭 咖 央 多 士 - (+$18)▪️ 生 菜 魚 肉 - (+$20)▫️ 分別加左18蚊同埋20蚊要多個人人必嗌既「斑蘭咖央多士」同埋「生菜魚肉」，多士夠脆口，斑蘭醬唔會太甜；生菜爽口，魚肉夠哂爽彈；每人各加多15蚊就有杯永年特飲，我地試左「港式菠蘿冰」、「港式紅豆冰」，都係港式經典！

放工唔知食乜好，食碗車仔麵快靚正🥰🥰以前食永年要入到元朗，而家係銅鑼灣都食到。店舖裝潢主要用綠色為主調，而且光猛明亮。大碗麵 $72 👑轉 烏冬 +$2 | 加配 炸魚皮 +$13 | 墨魚蝦卷 +$13 有雞翼、雞翼尖、豬腸、豬皮、豬紅、蘿蔔、魚蛋、紅腸、魷魚同菜。唔使揀，包羅萬有，突然口痕想食烏冬就轉左烏冬，仲加左炸魚皮同墨魚蝦卷🤣🤣陳皮魚蛋經典製作，蘿蔔好清甜入味又腍身，魷魚好爽脆，雞翼同雞翼尖都入晒味同肉質嫰滑🫶炸魚皮又厚身炸得酥脆，墨魚蝦卷煙韌彈口，仲有粒粒墨魚有嚼頭生菜魚肉 +$18 (套餐價)用左鯪魚肉整成魚丸，份量好足，生菜底都好多，仲有好濃郁既麻油味🙂配埋胡椒粉，更惹味。鹵水雞翼尖 $25雞翼尖煮得好入味，雞皮肉質嫰滑惹味，份量仲好多腐乳通菜 $25腐乳甘香醇厚，通菜嫰滑無渣，夾埋通菜一齊食，回味無窮。紅豆冰 +$15 (套餐價)有1/3既軟腍紅豆，傳統港式紅豆冰❤️樽仔烏龍茶 $25一樽樽好方便，飲唔晒都可以拎走，茶味香濃微甘，可解食物油膩。

由新界元朗漸漸擴大版圖，延伸至港島及九龍也有它的蹤影。 1) 大碗麵包含十款餸：豬腸、魚蛋、雞翼、蘿蔔、豬皮、豬紅、雞翼尖、紅腸、菜心及魷魚。 2) 三餸麵 + 生菜魚肉湯底用老雞、豬筒骨、雞腳、果皮及其他藥材熬製而成。由於混雜多種材料，味道亦偏濃厚，難以辨別原始材料。另外，各樣材料的甜度都有點太過，有點像台灣麵食的口味。 餐牌上也有很多小食加選，生菜魚肉便是其中之一。鯪魚肉比外間做得更加爽彈，玻璃生菜也是片片精瑩。此外，港式奶茶的茶底十分正宗。 「有些事，一萬年也不會變。」充滿甜味的車仔麵也會遇到懂得欣賞的人。

同老公食車仔麵次次都會食呢間！因為佢每個餸都好好食！尤其係韭菜豬紅！記得第一次食佢地出品嘅韭菜豬紅係食到哇哇聲，未試過豬紅係咁好食！甜甜地咬落去係juicy架！大家食過豬紅係Juicy未？我同老公都話呢間嘅豬紅係全香港最好食！蘿蔔基本上都無得輸，完全無根，入味得泥係甜架！今次試埋佢地個生菜魚肉，本來以為係好似照片裡面嘅魚肉咁不規則形狀，但出泥係魚肉球，食落彈牙，不過不失！我老公今次叫埋菠蘿冰，本人唔太好菠蘿 但呢個菠蘿冰好正，淡淡菠蘿肉，食住碗辣辣地嘅車仔麵一流呀！價錢又唔算貴，會繼續去！