田家雲南米線

營業中

休息中

好耐無出過南盛街一帶，附近好似多左好多食肆，聽朋友講有間新開既米線舖，朋友試左話佢啲米線唔同平時食開果啲米線，係幼身米線，食落又幾好食喎，加上佢個湯係無添加味精，可以試下。所以我就睇下係咪真係咁好食。最近天氣太悶熱，所以我點左個撈米線（$38），無湯無咁熱，今次我唔係堂食係叫外賣（+$1）拎走，可以返屋企慢慢嘆。撈米線可加其他配料（$6-$15）價錢合理，我今次無加配料，但叫左一份雞翼（$36）。撈米線我平時係其他地方都有食過，因為我外賣既關係，好多時啲米線都會一餅野咁，次次打開個外賣都時撈好耐先可以食，但係田家唔同，佢地無一餅野咁，我仲要隔左20分鐘左右先打開，睇下啲米線，條條分明架，未食就已經覺得好正😆。好易撈，配料都好夠，試一啖唔會好油好漿住漿住咁黏口，係好清爽又唔膩果隻，啱哂而家啲天氣食，幼米線原來都幾好食，咬落幾好，真係唔發脹架，唔怪得之無變一餅野咁。個雞翼，應該真係燒架，平時果啲呃人多，會炸左先，呢個雞翼一啲都唔油，好食。食完成個米線，我一啖野都無飲過，應該真係無添加味精架。