深宵食堂

營業中

休息中

窩夫與蝦子餅有一段時間沒有吃過串燒了，星期日在旺角逛街後去深宵食堂開餐。餐廳佈置很有心思，窩夫特別喜歡牆上的宮崎駿動畫海報。除了落單紙上的燒物、炸物和一品料理等，還要留意黑板上的「深宵限定」。打頭陣是厚燒牛舌($38)，一串有三塊，爽口彈牙。鹽燒雞軟骨($28)的鹹度剛剛好，不會燒得太乾。甲羅燒($78)上鋪了大量蟹籽，口感卜卜脆，蟹膏鮮甜，拌勻後塗多士來吃，十分滋味。川燒茄子($68)很大條，加了大量蒜蓉和辣粉，非常惹味。香蒜焗蠔($52)同樣加了大量蒜蓉，香氣撲鼻，焗蠔熱辣辣的，要小心燙嘴。汁燒雞髀菇($28)切得厚厚的，爽脆多汁。芝士蟹肉玉子燒($78)份量足，滲出淡淡蟹肉的鮮味。冰燒菠蘿($38)的賣相吸引，一咬下去發現原來是冰凍的。飲品方面，點了一杯巨峰提子梳打($38)，味道不錯。

自從新冠肺炎疫情爆發，都已經好耐冇出夜街，現在疫情都見受到控制，仍然都未敢鬆懈，都有做足安全衛生措施，政府的限聚令都開始沒有太緊，所以今晚相約友人逛下旺角，順便來到位於旺角深宵食堂食晚飯。地方環境雖然不是好大，天花懸掛了日本的油紙遮、紙燈籠、日本動漫的擺設，店中播放了不少日本懷舊昭和年代日劇歌曲，讓我們仿似身在日本當地客人自己剔點菜紙選擇心儀的食物，茶式分類有前菜、主食、一品料理、炸物、燒物及甜品等......牆身有個黑板寫上了特別的精選，可以跟店員落單。好有氣氛 踏入夏天，天氣真是熱又悶焗，先點了兩杯烏龍茶($16 each )解渴，烏龍茶可以減輕食物的油膩感，無糖的烏龍茶又可以消滯，最欣賞玻璃杯真是好cute 以下是今晚點了的食物 煙肉荔枝卷$38~鹹香的煙肉包住大大粒的荔枝肉 ，一啖咬下有煙肉的鹹香，也有荔枝肉的清甜，兩者的配搭產生美妙的反應，鹹中帶果甜，吃起有的有煙肉的微焦香，輕減煙肉油膩及鹹味，一串有3粒，都值一試 甲羅燒$78~全場最矚目的菜式，蟹蓋填滿了大量的蟹膏及搶眼的蟹籽，舀起小匙放在多士佐食，一咬有甘腴馥郁，蟹籽都有卜卜脆，放在微脆白多士佐食更有豐富口感，賣相又美，

今晚和朋友去開旺角買野，順便過來食下串燒，疫情嚴峻下食堂依然滿座要等位，只好懷著佛系心態緣份到自然好快有位啦。店仔細細充滿日式風情，佈置仿如櫻花樹下，跟妳的約定有點溫馨。食物價錢貼地，食完可以用「美味一餐」四字來形容。甲羅燒 $78傳統和風小食，甲羅就係蟹蓋，蟹蓋放滿了用味噌製過的蟹膏，再添加了鮮美蟹肉和粒粒蟹籽，口感味道更具立體，用烤爐燒香蟹膏香味四溢，塗上多士輕食，啖啖咸香一試難忘，充滿幸福感，是必食之選。芝士蟹肉大啡菇 $48大啡菇一開四唔駛切幾方便，芝士鋪面啖啖蟹肉鮮美，菇肉軟身本身點整都咁好味，所以唔駛點讚。豚肉蘆筍卷 $38薄薄香口的豚肉捲住鮮嫩的小蘆筍，淋有醬汁不難想像有多好味。大蔥雞肉串 $32大蔥燒得淋身甜美，雞肉質嫩有肉汁，味道唔錯。名古屋雞翼 $42雞皮燒得有點過份香口脆卜卜，只好不顧儀態用手食係咁啜，雞肉嫩滑好入味，雞翼三隻其中一人要食少隻，友情的考驗來了。鹽燒鯖魚 $48鯖魚開半邊呈上，外皮燒得香脆，肉質嫩滑唔油膩，幾入味無魚腥味，時運高我食唔到細骨，幾好味。豚肉生薑燒丼 $48份量唔多細細碗，豚肉放得滿滿，肉塊係肥左少少，但就好入味，仲有醬汁洋蔥撈飯入口甜美

疫情下好耐好耐無同老公出街食好嘢啦！疫情無得返「鄉下」，今晚就約埋老公掉低兩隻小魔怪，嚟到日本風深宵食堂撐枱腳深宵食堂餐廳店面不大，日本情懷裝修風格，而家做緊限枱令座位情況緊張，所以想去要早d book定呀！不過亦都因為限枱令每枱客人都有一定距離，食得好安心👍🏻呢度最正係每碟美食份量不大，兩個人可以試到好多唔同美食❤️一坐低可以慢慢自己揀食物自己tick，有燒物/料理/前菜/飲品/炸物/主食，好多好多不同選擇🤩 我地兩個人點咗10幾樣食物，好鬼滿足！賣相已經好吸引，燒熟程度恰到好處，一咬落去好Juicy，肉質好嫩，一d都唔韌，好正我最鐘意食海鮮，呢個扇貝好鮮味，呢個味道令我想起北海道的燒扇貝，真係一解鄉愁呀！見到甲羅燒即點唔洗諗，大大啖蟹膏再加蟹子，配埋烤多士一齊食，真心好好味大滿足老公超愛食雞軟骨，上枱時以為一般貨色，但咬落去先見真章，好好味呀！鹽燒咸咸地同雞軟骨簡直絕配，燒到剛好金黃色，熱辣辣唔會硬晒，連高要求的老公都比個like佢👍🏻蘑菇同芝士蟹肉好夾，夾埋一齊放落口，有蟹肉味芝士味同時有大蘑菇汁，超級好味😋超級凍的菠蘿，同時又輕輕燒過，好特別，食哂其他再當飯後甜品剛剛好！有蟹的美

難得同幾個朋友聚舊，想搵間靜靜地嘅地方慢慢傾計。朋友就介紹咗呢間樓上串燒店，最重要仲係黃店。一打開門嗰吓有啲嚇親，個佈置都幾有日式風格，店舖嘅木枱木凳都好有風格。菜單上嘅菜式唔多但係簡潔，一睇就睇得明。朋友介紹咗幾款唔同嘅招牌食物，第一個就係黑松露炒烏冬，撈埋嚟食個炒烏冬充滿黑松露味而且又唔會太咸，可惜個份量唔多要叫多一份嚟食。甲羅燒亦都係另一個必食推介，係蟹蓋上面有蟹肉蟹膏蟹籽嘅醬，塗上去薄薄嘅多士，每一啖都充滿蟹肉香味。食完埋單店員仲送上幾個口罩俾等地，係一間好貼心嘅黃店。

深宵食堂淨係電視睇過～行行下街經過原來有餐廳～一於試吓～一出𨋢就好似去左日本居酒屋咁～好有風味既裝修～主打甲羅燒 $78蟹蓋裝住滿滿輕輕燒過既蟹膏，鋪滿脆卜卜蟹子，軟綿綿蟹肉，「不」一匙放上外脆內軟既多士，豐富既口感，一流既味道☺️小妹串燒必食：厚燒牛舌$38/串，勁爽口鹽燒雞軟骨$28/2串，脆卜卜最鍾意❤️蒜燒茄子$68，軟淋淋茄子加上蒜同多款調味料，另有一番風味仲竟然有八爪魚丸$32～成日睇卡通片見到啲主角大粒大粒放入口所以愛上左🤣 燒得外脆內軟，唔係成舊淋的～good👍🏻

知道男神💜鐘意食串燒🍢收左工之後 當然會帶佢食好野啦之前係旺角行街無意中發現🌟深宵食堂🌟今日就一於試下佢入到去見到佢既裝修好有日本風格好似日本既居酒屋🏮坐低之後我地就急不及待叫野食因為怕食串燒會口乾所以就叫定一杯巨峰提子梳打解渴芥末八爪魚🐙聞落有好強烈既芥末味食落煙韌、有咬口但吾會蓋過八爪魚🐙既鮮美汁燒白鱔一串有4件皮脆 肉質嫩滑燒完都仲可以保持佢既肉汁👍🏻吉列廣島蠔呢個係我地兩個既至愛！睇落好大隻😍炸得香脆又可口配合埋醬汁更突顯蠔既鮮味呢個一定要趁熱食呀☺️甲羅燒個蟹蓋放滿左香濃既蟹膏蟹膏上仲有蟹子做點綴下面仲放左香脆既多士比你有兩種選擇既食法😋個人就比較鐘意就咁食蟹膏🤤🤤黑松露炒烏冬佢地重點在於香濃既黑松露😍😍至於烏冬就彈牙可口而且吾會太油👍🏻鹽燒雞軟骨燒到個皮脆卜卜而且雞肉肉質嫩滑都算合格汁燒雞髀菇佢用自製既醬汁燒醬汁滲入雞髀菇 係吾錯既~~辣酒焗蜆個人認為吾太辣 幾好份量都算多

今日食飯揀左間日本餐廳今次唔係食壽司，而係食串燒呢度佈置得好有日本居酒屋feel，以日式木屋為主題天花板仲有好多櫻花裝飾、日本紙傘、海報咁座位都好舒服我叫左串燒必備嘅雞腎同埋牛舌，都係水準之上仲有唔少特色串燒，例如葡萄豚肉串、煙肉茘枝卷我都揀左煙肉蠔卷，估唔到咁夾！！好香好濃鵝肝什菌石鍋飯，有大大塊鵝肝，又香又滑配埋雜菌，仲有d蟹籽，買相滿分！辣酒煮蜆蜆隻隻新鮮， 充滿酒香而且辣得好正，好刺激！甲羅燒真係必食推介！蟹膏蟹肉非常香濃， 成個口都充滿住蟹嘅香味，非常過癮搽匀香脆嘅多士食，口感好豐富！喜歡食蟹唔可以錯過！呢度唔算好嘈雜，食d串燒，同朋友傾計真係一流！

最近睇左一套梁嘉輝的電影，叫深宵食堂，所以見到旺角有這間餐廳，所以試下，響油麻地港鐵站出響旺角方向行見到一個好細的門口的Ladder Dundas 3樓就係，一開lift門就已經係餐廳的櫻花裝飾，一梯一伙，枱椅以木色為主，感覺都好日式風情。店員遞上一叠點菜紙，有各款肉類、菜類串燒及小食，還有飯同烏冬。先來客燒雞翼$28，好香口，雞皮燒到淨返少少油份。甲羅燒$78蟹蓋放滿濃味蟹膏及不吝嗇的蟹籽，旁邊配上烤多士，味道襯落帶出蟹膏香味。燒牛舌$38，好爽口，用左大量黑椒，好惹味。豚肉露荀燒$38，豚肉薄薄的好香脆。叫左咁多串燒，當然要叫杯麒麟啤酒解渴，煙肉荔枝卷$38，甜甜地，好味。蒜片一口和牛粒$68，牛肉夠淋，牛味夠香，還有鮮菇片和蒜片夾埋一齊食。吉列廣島蠔$38，都好大隻，和風炸雞$48，雞件大件，有雞皮連住，好脆，炸漿夠薄。大阪燒$42，有椰菜絲，好爽脆。牆上貼上不同的日本漫畫海報，

今晚和舊同事約在舊公司對面的深宵食堂吃日本菜。原本安排坐了的位置很冷，細心的待應即時安排另一邊靠窗的位置，可以望到舊公司和彌敦道， 回顧我們的少女時代。鰻魚玉子燒 - 打咭一流， 厚厚的玉子燒 包著原條鰻魚， 一口咬落去， 口感軟硬交集很特別。甲羅燒 - 蟹蓋放滿蟹膏蟹醬蟹子， 搽於小多士吃。四塊的確不夠吃。黑松露炒烏冬 - 本身覺得佢平平無奇 我之後濃烈的黑松露味撲鼻而來， 氣味誇張到隔離檯的人也聞到。 烏冬軟硬適中， 彈牙可口， 配上野菌雜菜，好吃。日式炒野菜 - 蔬菜菇類菌類 集於一身 配以日式調味， 吃肉的同時也要吃多點菜，救救地球。名古屋雞翼 - 芝麻粒雞翼 味道有少少辣， 雞翼尖唔好嘥。 吃了一口雞皮是微脆， 感覺沒有很多脆粉。蒜片一口和牛粒 - 和牛粒大細適中，油花ok， 好嫩滑，蒜味不大易入口。鹽燒羊架 - 有羊騷味但不太濃。而且廚師很細心 羊架肉切開 一條條， 方便夾起及咀嚼。是身心都好滿足的一個晚上，和同事談了足足兩小時，暢所欲言。

最近追緊電視劇深夜食堂，一間餐廳既菜單只有幾款食物，但充滿人情味。原來香港都有間餐廳叫深宵食堂，出於對呢套電視劇嘅迷戀，我約左女友去試試。餐廳大約有六、七枱，天花掛滿具日本特色既迷你雨傘，牆上亦貼滿櫻花裝飾。餐廳食物比電視劇嘅深夜食堂多好多，餐紙總共有七、八頁，每頁最少十款食物。豚肉蘆筍卷既豚肉薄如紙，加上上菜時熱烘烘，一咬勁多汁，而且口感超脆，好似薯片咁。鹽燒秋葵看似簡簡單單，但適量既鹽就已經帶出秋葵既味道。厚燒牛舌有咬口但唔韌，牛味相當濃厚。雞皮食落完全唔膩，每塊雞皮都好乾身脆口。甲羅燒即係即松葉蟹膏釀蟹蓋, 亦會加蟹肉。每次去日本旅行一定會食極唔停。呢個甲羅燒加左味道濃郁，配多士仲好味，感覺上無咁鹹。自己作為黑松露狂迷當然要叫黑松露烏冬。黑松露既獨特香味加上洋蔥既甜令人難以抵抗。重頭戲當然係芝士蟹肉玉子燒，用蕃茄汁寫上「深宵」二字。蛋非常輕盈，蛋汁滿溢，同時亦有拉絲效果，不過蟹肉既鮮甜味冇咁突出。雖然餐廳同電視劇相比完全大相徑庭，但每款食物都幾高質，沒有奢華裝潢卻有説不到既窩心。