滿小館

營業中

休息中

性價比：10/10呢個午市花膠扒套餐包括：1️⃣滋味燉湯：足料冇味精，平時叫都要 $48 一盅2️⃣蠔皇原件花膠扒：比手掌仲要大嘅花膠！大大啖咬落去，非常滋補！3️⃣高湯浸時蔬：蔬菜份量係一碟正價份量既一半4️⃣瑤柱蛋白炒飯：一啲都唔油膩，炒得相當乾身5️⃣$98 已包括加一及茶芥🤩 呢度嘅「白桃烏龍」茶本身係 $14 per head，依家 free 埋真係不得了。茶本身帶有清香既白桃味，勁高質，絕對唔係一般酒樓嗰啲劣質茶葉。更難得嘅係，餐廳座位寬闊，無論係同朋友食飯定係見客食飯都非常適合，絕對係私心收藏🥰

就到中秋，屋企人提議出去食下中菜，上網見到呢間新派中菜最近好多人討論😆超近尖東站，出站行5分鐘就到，餐廳環境好寬敞，又唔會太過嘈吵。款式選擇多，最特別係除左傳統嘅中菜，呢到都有啲混合其他元素嘅菜式，食落更有新鮮感🤩🔸片皮鴨 （一食HK$328）本身就好鍾意食片皮鴨，店員仲係切片時比我睇左下個烤鴨，十分大隻呀😜烤鴨嘅皮為食落仲有脆卜卜口感，特別欣賞佢處理嘅餅皮，熱辣辣之餘，每層都有張蒸紙再隔住，咁就唔會痴埋一齊啦🙌🏻而其他配料例如青瓜、京蔥，都比得好足，唔驚食到最後無野包😋🔸 冰鎮咕嚕肉（HK$128）見到好多人打卡，第一次食堆係冰山嘅咕嚕肉😆一開始又熱又凍嘅口感好特別，仲有菠蘿同士多啤梨，食落好fresh好適合夏天食呀☀️就算去到最後啲冰融融地，咕嚕肉成塊變凍左都好好食呢～🔸松露帶子蝦球 （HK$148）中式炒蝦球就食得多，呢碟就加入左松露，露筍配彩椒都幾夾，蝦球大大隻好彈牙🦐🔸蟲草花泡菜苗 （HK$88）當然要返個蔬菜健康啲啦，泡菜苗帶鮮味而且唔會太鹹，可以清清味蕾呢～🔸茶葉 - 白桃烏龍另外比較中意嘅係呢到除左普洱/鐵觀音/香片，仲有特別啲嘅茶葉，今次就叫左呢個白桃烏龍，香甜得黎都好

食西餐日本嘢食到厭厭地老公公司附近新開咗間滿小館～一於接佢放工，再一齊撐枱腳茶嗌咗白桃烏龍，有個火喺下面㷫住👍🏻茶味好清香😋好欣賞見到枱枱都食冰鎮咕嚕肉 $128真係好好食😋冰鎮咗，面頭層酸甜醬，好似食冰糖葫蘆咁，肉質亦好鮮嫩，好Juicy! 茶香煙燻雞 $298上菜嗰一刻，一揭開蓋，超級香嘅茶香煙熏味，即刻擁晒出嚟，每一啖雞都食到茶味同埋煙熏味，好入味，而雞嘅肉都好鮮嫩，即是雞胸都唔鞋口脆米海皇泡飯 $138加埋脆米，好好味嘅湯飯😋好足料，好多小柱同埋蝦仁🍤 湯嘅味道亦比我想像中冇咁濃八味金磚 $68炸到皮脆內軟嘅椒鹽豆腐😋自己試過好多次，都失敗！呢道餸真係唔易煮～食到好食嘅，特別欣賞亦都叫咗燉湯 杏汁白肺要預早訂，花膠又一早賣晒，嗌咗黑蒜竹絲雞～好好飲最後仲有腐竹薏米糖水送😋😋偶然食下中菜真係唔錯～呢間真係好有誠意，好多功夫菜整得好好味😋中秋都要再encore ❗️臨走仲見到有個新張午市套餐$98 有燉湯 花膠扒 瑤柱蛋白炒飯 同菜都相當抵食～包埋加一茶芥附近番工可以一試

/滿小館🇭🇰/#sa尖沙咀篇 ➖➖➖好耐無食過中式菜😆😆呢間中菜都有幾多點心、小菜～有啲款式都幾少見 新開期間仲免茶芥❤️➖➖➖1️⃣花膠扒套餐 $98 /1位 🌟(7.5/10) 套餐午市會有四款食物 ☺️$100 內食幾樣野都幾抵！▪️燉湯: 龍鳳果燉龍脷葉 有清肺止咳作用 龍鳳果清甜 皮不澀 有啲似雪梨咁 ▫️蠔皇原件花膠扒:套餐重點😆花膠都幾大塊入味 唔會太咸 有咬口不太硬🖤▪️高湯浸時菜:菜心夠翠綠爽脆 清清地 仲有蟲草花 多啲湯就更好 ▫️瑤柱蛋白炒飯：比想像中細碗 一人餐都算多 希望再多啲瑤柱蛋白！➖➖➖2️⃣八味金磚 $58 🌟(8/10) 金黃炸豆腐🤤雖然熱氣不過香口豆腐外脆內嫩滑 唔會好易散！ 平時至愛之一❤️❤️➖➖➖3️⃣冰鎮荔枝西紅柿 $58 (7.5/10) 造型幾似刨冰🍧 番茄已去皮 幾juicy 下面嘅汁甜甜地 食到荔枝肉 中和番茄酸味酸酸甜甜又夠凍 夏天食岩晒➖➖➖4️⃣酒釀醉蝦 $78 (7.2/10 )蝦夠新鮮甜 大大隻 入面好多蝦膏😝酒味唔算太重 ➖➖➖5️⃣避風塘蘿蔔糕 $42 (7/10) 本身會以為好辣 有隻大辣椒無想像中咁辣但幾惹味 比較少食到粒狀蘿蔔糕 如果再爽口就更正😇