阿元來了 (鴻圖道)

營業中

休息中

今次大概等咗10幾分鐘就入到去食啦 今次試咗以下幾道菜:1. 滷肉飯(細碗) 2. 皮蛋豆腐3. 柯仔煎4. 梅子雞扒滷肉飯好好味 推介👍 皮蛋豆腐 點解打爛咗嘅?😅 鍾意食平時嗰種多啲 柯仔煎幾好味 唔會好腥 梅子雞排好脆好多汁 可以落多啲梅子粉😋

一入舖頭成個環境氣氛已經好台灣 連員工都係講普通話嘅見到佢45分鐘用餐時間唔洗擔心 因為啲食物基本上落單後2分鐘內送到 阿元魯肉飯 $43大碗飽肚好味又抵食 個魯肉整得好好 唔會一pat嘢咁 啲酸瓜係我嘅最愛蚵仔大腸麵線 $40蚵仔量多 大腸味好出 麵線都好地道 整體有啲咸 不過台灣小食就係咁 但如果當主食就唔飽玉米起司蛋餅 $30必嗌！！個蛋餅完全係以前喺台灣食過嘅味道 仲有個甜甜辣辣嘅辣椒醬好出色 配搭好夾 我平時唔會點辣椒醬都忍唔住要點皮蛋豆腐 $30一開始比佢外觀嚇親 好似嘔吐物😂😂不過！！好好食皮蛋豆腐撈埋好易入口 味道唔會太重 好開胃另外嗌咗 白桃綠茶 同 冬瓜茶 建議大家小甜～整體好滿意💗下次想試蚵仔煎 好似係觀塘夜晚/西環晏晝先有 我哋兩個人想試多啲野食埋單$191夠飽有凸 正常應該食$120左右

Yuan is here @ kwun tong - Average taiwan food with nice deco 😳💛 👧🏻 ate...皮蛋豆腐 $30爆蛋雞肉飯 $42肉鬆起司蛋餅 $35創意紅豆餅 - 蘿蔔絲 $12 皇室奶茶（+仙草凍） $22（+$3）👧🏻 wants to say...未變黃店之前已經喺堅尼地城店試過幾次 今日嚟到觀塘終於有機會試吓佢呢間分店 仲可以順便試埋由阿元來了喺台灣帶過嚟嘅大伯創意紅豆餅 冇得去台灣都可以試下佢啲夜市紅豆餅😳😩環境方便 我覺得觀塘店比堅尼地城店大啲坐得舒服而且裝修設計更加用心 有舊戲院、舊車站同夜市攤販等嘅裝修（類似仲有啲雙妹嘜嘅deco🤣真係好用心）係個location 冇咁方便街 離觀塘站大約10分鐘嘢食方面 個人認為除咗蛋餅同埋創意紅豆餅比較好食之外其他都好一般🙉🙌🏻 個蛋餅就好足料 個醬好match個芝士肉鬆 又唔會剪得好燶啱啱好❣️個紅豆餅我就試咗個鹹嘅 攞過嚟嘅時候熱辣辣 食落好有驚喜 估唔到白蘿蔔絲個清甜會match到紅豆餅個餅皮😻個奶茶不過不失 分量都對得住佢個價💛反而係個皮蛋豆腐同我想像中好唔一樣 開頭以為

呢間位於觀塘既台灣特色食店，其實都開左一段時間了，但一直都未食過佢，有日同行友人話想食芋圓於是就黎左食喇！兩條友仔竟然是叫左唔少野架先俾個全圖大家睇😂本身叫既時間都唔覺得咁多架，當時嘛係覺得好肚餓咋，一黎到就知道出事吃，完全表現到眼闊肚窄既後果。佢地最經典既阿元滷肉飯滷肉結構分明肥瘦相間，滷肉汁配合埋珍珠米，呢個配搭其實係好滿足，每一啖飯都有汁充斥着，但又做到唔油膩！香菇肉羹麵呢個反而有點小失望，因為個汁唔算太夠味道，但肉羹就好彈牙。呢個皮蛋豆腐有點唔係我預期既感覺但食落都幾清新既😂九份芋圓食落甜而不膩，而且芋圓好彈牙，好正呀！再叫埋杯胚芽珍珠奶茶成餐飯就覺得自己好似去左台灣避世咁而且店員望落同聽落都似台灣人架我地兩個人又食到肚子脹卜卜再食唔晒，都只係百幾蚊，係今時今日嘅香港黎講，真係好抵食架喇😎

唔記得影香芋珍珠奶茶， $26一杯，冇芋頭香味，珍珠係細珍珠，都算有d咬口。叫左微糖，但都幾甜。總括而言，呢間算有啲係食環境，打卡影相係唔錯嘅！店員都好Nice，服務唔錯！d嘢食唔算好好食，大部份都係正常，唔難食，過得去。(但嘢飲可以係其他地方飲。)呢個價錢嚟講d嘢食算係OK，性價比ok。但未必會再番去食，想食台灣嘢食，可以試其他鋪頭。

對於經常性去台灣既我其實對香港既魯肉飯真係好高要求但今次去哩間既魯肉飯 暫時係食過咁多間入面 好食又扺食首先一入到去已經wOw左出尼無諗過係工廈入面會有咁精致設計既餐廳waiter 都係用好台式既普通話同你講野個感覺完全係係台灣一樣落單方面就係採用台灣大部分餐廳以紙仔落單落左單無5分鐘 野食都已經到 魯肉飯真係無得輸但皮蛋豆腐真係食唔到太多 個口感好似嘔吐物 個人唔太接受到野飲方面 珍珠奶茶真係好好飲D珍珠好好食總括尼講 係香港中都係一間有心思 價錢合理又好食既台式餐廳

又係食美食既時候，今日試既係由西環黎到觀塘既台灣美食。最初見到地址都知係牛頭角地鐵站嘅附近，但要搵一啲都唔容易，因為佢個入口喺後巷，只要你認到人龍，就會搵到佢既入口處。地球已經阻止唔到香港人食美食嘅熱誠，即使條街好熱，排隊人數好多，大家都好樂意繼續排，但都有人因為長長的人龍而放棄，係我前面起碼有50人，今日只係星期二既夜晚。結果，我排左大約半個鐘就入到，出奇地快，大概都係因為呢間野番枱能力好高。入到去最吸引我嘅就係呢度嘅裝修，會令你感受到呢度有大笪地既氣氛，好有台灣氣息，侍應們都係講普通話。事不宜遲，拿拿聲介紹一下呢度既野食，由於佢每款野食大概都係$25-40不等。眼闊肚窄既我，叫左差不多成十樣野食，依家就為你地續一介紹；鹽酥雞：香脆，好味，份量較多涼拌白筍：白筍清甜，配合沙律醬都幾特別焢肉飯：其實係魯肉加焢肉，焢肉雖然肥，但入口即溶，堅好味蚵仔麵線：面唔多，蚵仔新鮮，但湯略為過酸頁丸湯：普通至極，頁丸得兩粒，要廿幾蚊，個湯又係味精，可以不叫魯肉飯：肥瘦得宜，味道又好蚵仔煎：呢個都好一般，佢個底全部都係薯粉，上面係蛋餅，好漏，如果人少千萬唔好叫皮蛋豆腐：有別於外面，佢係杯裝，張材料打碎

原來這間店舖比較難找，我們要問一間台式飲料店才知道這間呀元來了是從後門入的我們要等大約15分鐘，先在外面點餐。這間店舖別有風格，裏面有很多台灣特色的裝修。魯肉飯超級肥美的魯肉，令人垂涎欲滴！果然不負所望，非常好吃！滷肉飯的肉汁拌飯，十分開胃！如不介意太多肥膏，可以把所有通通吃完！皮蛋豆腐我們以為是一片片的豆腐及皮蛋，怎料是將這兩個食材攪拌在一起。很香滑的豆腐，配上淡淡皮蛋的味道，也是拌飯之選！茉香珍珠奶茶這個很大杯！而且有很香的茉香味！珍珠非常煙韌，而且不會太甜，可以把整杯喝完！鹽酥雞即叫即炸，香味撲鼻！非常脆口，而且炸粉不會太厚，雞肉鮮嫩，而且份量也是頗多的，兩個人吃不完！這間有台灣的味道，而且裝修特別，下次可以試試其他食品！

比西環的坐得較舒服入口有 d 難搵，記去要行去後街。我地星期日下午黎，唔洗等位✌🏻服務員都係講普通話，好似去左台灣咁 lol皮蛋豆腐 （凍食黎既，賣相雖然唔係幾吸引，但食落ok)唔記得咩米線，有 d 似碗仔翅，略嫌咸炸雞扒，即炸，正😍去台灣必食既花枝丸! 忍唔住食左粒先記得影相😁好味會再幫襯👍🏻👍🏻

今日同友人補祝生日，友人選了這間台灣食店，但本身個人都幾喜愛食台灣食物，如花枝丸、大腸麵線首先位置唔係咁清晰，係google map顯示係鴻圖道28號，但係實質係鴻圖道28號再行右再見到一條好唔明顯既巷仔，好多車泊係度既位置行入去，我足足兜左兩個圈先到幾經辛苦終於搵到，可幸唔駛排隊就有位，入到去就即刻點野食，叫左魯肉飯、控肉飯、柯仔煎、皮蛋豆腐、百香果紅茶、綠茶、芋圓，本來極度想叫大腸麵線，但點知晚上才有麵線失望...食物方面，魯肉飯一般，味道唔算特別好味，而控肉飯係因為想知控肉係咩底下叫既，原來即係扣肉，不過肉質夠'林'，所以都唔錯，而柯仔煎係我食過咁多間最差既，可以用難食來形容底層有層透明帶膠狀質地既野，而芋圓都算可以。整體來說，令我失望但唯一要讚既係店員服務態度良好，知道我地得兩個人，一見有獨立枱，即安排我地唔駛搭枱

一直都想試阿元，適逢觀塘店開，所以便來試一試，晚餐時間，友人大概等了20分鐘才有位，場內長期滿座。飲品叫了薑母奶茶，薑味不算濃，如不用即棄紙杯賣相會更佳😂友人則叫了咖啡磚奶茶主食方面叫了 ，招牌魯肉飯 ，十分抵食，魯肉量多另外，叫左個香菇肉羹，胡椒味濃小食方面叫左椒鹽魷魚，皮蛋豆腐魷魚味道香口，係幾道菜中最出色的，值得一試。起初以為皮蛋會鋪左豆腐上，但誰知豆腐和皮蛋完全混和左，味道特別，豆腐味強正 又抵食，但店鋪不提供食水