神燈海鮮酒家 (18廣場)

營業中

休息中

邊個話要食中菜一定要北上？隔咗一排又嚟佐敦呢間茶樓食個飯，會回頭皆因佢地水準依然好高，樓面服務態度好好既然入秋，蟹就一定係走唔甩，呢煲膏蟹炒糯米，真係嚿嚿蟹膏喺糯米之中蟹又多膏又好肉，糯米炒得香，飯焦勁脆卜卜蜜汁脆鱔唔講唔知，仲以為係鰻魚，啲鱔肉比鰻魚更豐厚，肉質則較爽朗，外皮燒得好香脆，唧檸檬汁食更提味食燒鵝唔使上深圳，更唔使去深井，咁黑嘅燒鵝只應神燈有，唔係燒燶咗，而係黑松露味嘅皮膚咬落啖啖黑松露香，點醬食更有雙松體驗雞煲有好多種，但同鮑魚叮噹馬頭，咁多咁大，又真係唔係度度有南非鮑魚一煲都有好多隻，隻隻都半隻手掌咁大，雞肉煲得好香嫩，不失主角光環咁靚嘅牛𦟌真係好少見，排得靚切得又靚，筋嘅花紋好均勻，原來點醋食係咁開胃，啱晒呢類冷盤配搭菜心嘅食法有好多種，好土炮咁配搭石澳梅菜，蒸到梅味入晒落菜心，咁特別嘅組合，北上一定食唔到啦樓面姐姐好好人，會不停睇住我地壺玄米綠茶使唔使加水，憑茶色深淺已經知道壺茶有冇水前菜係糖炒合桃，仲有啲白芝麻，真係會追住食到最後仲有牛奶布甸同桂花椰汁糕送，一甜兩味，幾飽都要食，好滿足

神燈？我細細個就聽過哩個名啦！前排上網見到神燈重開 真係忍唔住要試🙌🏻新神燈依然都保留左傳統粵菜同埋生猛海鮮嘅賣點 唔同嘅係佢哋多咗好多特色小炒！店內裝修以江南蘇杭典故為主題 平日人流都唔少 大家去之前記得book定位👍🏻·星洲麥皮蝦 $248第一次試呢道新加坡名菜 估唔到有成6隻大蝦！未食已經聞到勁大陣香味 大蝦已開邊處理 食落啖啖肉 仲有滿滿蝦膏👍🏻麥皮炸得香脆 可以媲美炸蒜 好特別嘅效果 唔錯唔錯！·伊比利亞叉燒王 $228賣相好吸引 望落飽滿有光澤 呈半肥瘦紋理 叉燒頭尾仲有焦香嘅「燶邊」仲要切得厚身👍🏻食落夠哂juicy軟滑 肥Glor都忍唔住WA左一聲啊！·百花炸釀松葉蟹鉗 $58/隻食落似即叫即炸 熱辣辣+卜卜脆 炸粉唔會好厚 表面亦唔會好油膩 一啖咬落去仲有淡淡鮮甜彈牙嘅蟹肉 食到中間仲夾雜左啲蟹鉗肉 掂！·石澳梅菜蒸菜心 $108梅菜預先炒過 鑊氣十足 再鋪上菜心面 香氣逼人 菜心亦十分爽脆多汁👍🏻·滷水拼盤 $178（掌翼、豬大腸、豬肚）值得一讚嘅係全部內臟都洗得好乾淨唔會有異味 份量都唔少 食落好惹味 唔會好韌！·杞子桂花糕最後員工仲主動贈送甜品 桂花糕晶瑩剔透

見有好多人都嚟呢間海鮮酒家食飯 啲餸都好吸引💓所以嗰日就同朋友嚟試吓🤤不過價錢都幾貴 食咗五個餸 要成千蚊🙈但係全部都有特色 仲有甜品送 唔錯😎.📌星洲麥皮蝦 $248呢款係呢度嘅招牌菜 幾乎每枱都食✨佢係新加坡嘅名菜🇸🇬用香脆燕麥包住彈牙海蝦🦐口感真係幾特別🥰麥片好易炒燶 真係好考師傅功力💪🏻神燈師傅曾經係新加坡大廚 夠晒經驗👍🏻麥片冇炒燶 蝦殼都炸到好酥脆😋最正係佢啲麥片仲有加埋鹹蛋黃同蔥一齊炒 相當惹味😌個蝦除咗夠鮮甜之外 仲好入味 啖啖鹹蛋黃香💛.📌百花炸釀松葉蟹鉗 $58/1佢哋係用咗松葉蟹肉 肉質鮮甜🤩蟹鉗外面係厚厚嘅蝦膠 再拎去炸🔥金黃色脆卜卜 脹卜卜啖啖肉🤤外面香脆 入面嘅蝦膠夠彈牙 雖然係炸但係唔油膩 炸皮超薄😍.📌燒汁茄子牛肝連 $158牛肝連其實就係大家成日聽嘅封門柳😎每隻牛都淨係得細細舊 相當珍貴😆肉質嫩滑 牛味夠濃🐮茄子炆到好軟熟 又入味🍆不過我就覺得醬汁太多 同偏甜咗少少🤏🏻.📌石澳梅菜蒸菜心 $108睇落煮菜心好易 但其實好難控制火侯😢呢到嘅菜心我好滿意💯唔會太硬唔熟 又唔會overcook太腍 夠清甜又嫩😍梅菜鹹度剛好 帶少少甜 配埋個菜心食就啱啱好😝.

唔講唔知，呢間 #神燈海鮮酒家 已經有50年歷史!! 咁有價值當然要帶鋒鋒到此一遊，小炒國際化得嚟鑊氣十足！🇭🇰紅燒妙齡乳鴿：烤得香脆嘅表皮，內裡是爽口嫩滑嘅鴿肉，一啖肉一啖油脂，甘香美味好juicy。🇸🇬星洲麥皮蝦：將燕麥烤焗做至香脆口感，覆蓋著新鮮彈牙嘅海蝦，以牛油烹調，鹹香得黎鮮甜味美，仲食到鹹蛋香味。🇫🇷法式蜂蜜芥末蝦球：用了葡萄酒、雪梨酒、蘋果酒3種調配醬汁，加法國蜂蜜芥末，香甜得嚟帶出一絲醇香。神燈小炒皇：很有特色的小炒皇，有豬板筋、油條、四季豆、馬蹄、腰果、蝦乾，色香味俱全，非常有鑊氣！石澳梅菜蒸菜心：菜心鮮甜幼嫩，梅菜爽脆有口感，令菜心帶鹹香味。