樂湯雞麵館 (登龍街) (已結業)

前幾日去左朋友屋企探小朋友, 夜晚係銅鑼灣登龍街搵左間餐廳食飯。餐廳主打雞湯米線, 我哋叫左砂鍋花膠雞湯翅米線, 湯底味道清甜, 花膠煮得夠淋, 份量好多, 食落無味精, 唔會覺得口渴。我哋亦叫左醉雞米線, 湯底有好濃既藥膳味, 雞肉食落幾嫩滑。另外我哋叫左兩款小食, Wasabi海蚻手雞配上麻油整, 食落好香好開胃, 花雕豬手已經去骨, 佢既花雕味好濃郁入味。平時出街食飯好多時都多鹽多油, 但呢間啲雞湯無味精飲落好健康, 整個人暖笠笠。

‼️砂鍋雞湯翅超正！！🔥湯底濃郁，雞油味香，飲完會漿住個口，好足料😍😍最緊要係，食完冇口渴嘅感覺，唔覺有味精🫡雞肉好滑，唔係雪藏雞咁有陣霉味，雞有雞味🫣仲有魚肚（呢個價錢唔會真花膠啦下話🤣）、火腿、翅（？）二人套餐仲有鮑魚汁飯、海蜇手撕雞、雲腿娃娃菜，全部都好足料！值得一提係，娃娃菜嘅湯底都係用咗雞湯煮，味道好一致🤣我哋加咗15蚊將其中一個飯轉做藥膳湯粉絲，藥膳湯湯底都好味，有陣輕輕嘅花雕味👍🏻不過同雞湯底相比就唔太濃郁🫢埋單每人150左右，飽到捧住肚走，CP值超高‼️