蝦麵店 (蘭杜街) (已搬遷) 新店位置

灣仔做野0既朋友帶我黎食，佢話呢間lunch成日排長龍架!今次因為佢早左蛇出黎先唔駛等(12點左右啦~)我見到有好多隻麵都係辣，但喉嚨又痛，唔食得辣啦~跟住睇到有福建滷麵，嘩﹗我即時就想叫，因為去過福建旅行，食過好食，但又搵唔到香港邊度有得食，今次終於再食到喇不過我問左係咪辣先，個店員話走左蝦湯就唔辣，咁我就走蝦湯。woo~碗麵好大碗，見到入面好多料，個賣相真係落過心機，d蝦雖然唔係原隻而係一隻分兩隻咁擺，計埋都有4隻，都ok啦~個湯好似蛇羹咁結，好鮮味，我一邊食麵一邊飲湯，真係好暖肚，不過到而家都分唔清面頭d黃色絲係雞蛋定腐竹唔知滷麵仲有邊度有得食呢?