AnyMomentCafé

營業中

休息中

星期六約咗朋友行街街，行到好攰諗住搵個地方休息吓，朋友建議可以去呢間cafe唔講唔知，原來呢間cafe已經開鋪十六年，老細非常健談，歡迎大家去搵佢吹水🤣<秘制咖哩雞配法包> $110咖哩汁係比較杰身，啲雞肉沾滿咗咖哩汁，感覺比較偏向港式咖哩，今次夾埋法包食!不過溝白飯食都一定好好食😙<意式肉醬配法包> $110肉醬味道濃厚，入面嘅餡料幾多，加上烘得酥脆幾法包好夾，輕食之選🤪<挪威森林> (火龍果+奇異果) $61呢個名改得好特別💕配搭對小編黎講幾新奇～火龍果和奇異果🥝清爽新鮮，飲完應該可以排毒🤣🤣<香蕉士多啤梨奶昔> $57因為有香蕉，呢個飲落去比較濃稠，好飽肚haha<芝士薯條> $62薯條熱辣辣上枱，仲有附上番茄醬，芝士醬汁幾好味，聽講喺老闆自家調配嘅醬汁，隱約食得出有蜜糖芥末醬嘅味道，份量又大份，好適合分享

星期六出到旺角，條街鬼咁多人，又熱，朋友提議搵間樓上cafe坐吓，傾吓計。上網搵吓有咩介紹，就搵到呢間，不過個大廈入口真心有d難搵，搵到差d想轉場，搵第間算數，好彩最後搵到，無轉場，因為真心鍾意呢間cafe嘅氛圍。🗺講返cafe嘅位置，原來要喺彌敦道與砵蘭街中間嘅小巷行入去先會見到大廈入口。最初只係沿登打士街行，搵極都搵唔到36號，以為自己去左結界。🤣☕餐廳氛圍有咩咁好呢？我同朋友第一次上嚟，但侍應(其實都係廚師，仲可能係老闆😂)已經視我們如熟客一樣，同我地有講有笑。其實唔只我地，cafe今日都幾full，佢每一枱都會行埋去同客人傾計，教玩broad game等，整間cafe就充滿著和諧開心嘅氣氛。🥰餐廳食物質素亦都唔錯，我地叫小食為主，🔸️雜錦併盤: 有滷水雞翼、春卷、咖哩角。雞翼大大隻又夠入味。🔸️墨魚卷拼芝士丸 : 墨魚卷配泰式辣醬味道唔錯；芝士丸有爆醬芝士，記住要襯熱食。🔸️秘制咖哩雞配法包:法包唔係幾夠香脆，但搭配咖哩汁/雞肉食又幾好味，雞肉都幾滑，最特別係面層灑有咖哩粉，令入口味道更香。🔸️士多啤梨奇異果沙冰: 微酸，奇異果味較特突出🔸️薄荷檸檬花茶: 顏色好靚，仲可以添飲♟呢度仲有

係驚喜丫😍😍 今晚去左旺角一間樓上cafe loaction都幾方便 去到仲有賓至如歸嘅感覺😂 店舖唔係好大 大概有5-6枱 不過每張枱就可以坐到好多人😊 一入門口已經見到勁多card game 亦有唔少人玩緊👍🏻 食物飲品都有唔少選擇 我地係老細推介下揀左秘制咖哩雞配法包 卡邦尼碎煙肉三文魚意粉 芝士薯條同埋蜜糖雞翼🤤 咖喱係佢哋自己調製嘅 味道果然同出面唔同 咖喱好香 雞肉都幾嫩滑 麵包沾左咖喱汁好好食👅 卡邦尼碎煙肉三文魚意粉 上面有非常多三文魚 意粉味道香濃 勁creamy👍🏻小食亦都好出色 芝士薯條份量好多 但係薯條每條都非常香脆 然後上面鋪滿熱熔芝士非常邪惡😆 蜜糖雞翼有六隻 炸得香脆 再淋上蜜糖 冇得輸😋飲品方面選擇真係琳琅滿目 我哋揀咗一杯特濃朱古力同一杯水蜜桃益力多沙冰😍 兩杯味道都唔錯 朱古力本身想+1球雪糕 但係老細話會令到朱古力味唔夠濃 所以我哋放棄咗😂 好彩冇令我哋失望 真係幾濃 沙冰又唔會好甜 估唔到樓上Cafe會有呢個質素🌟