8鍋臭臭鍋 (金巴利道) (已結業)

秋風起朋友想打邊爐，但可惜冇book到枱，尖沙咀附近啲火鍋店都已經full booking。經過見到8鍋臭臭鍋又唔算特別多人，所以就決定去治一治個邊爐癮6點9到開始等位，等得到唔算太耐，大概兩三個字就可以入到去我哋叫咗台式麻辣鍋同芝士牛奶鍋，其實我都幾鍾意一人一個邊爐又唔使用公筷又衛生望到好似好滿咁，其實個底浪咗好多菜，慢慢食下食下都食得晒。肉同丸嘅份量都係唔算太多，嗰半個王子麵簡直係成個邊爐嘅神髓！我叫嘅係台式麻辣鍋，湯底又唔算太麻但辣辣地其實都不過不失，食完之後又唔會話好口渴太多味精咁如果唔係太揀飲擇食其實都OK，因為入邊有好多款嘢食，每樣兩三舊都幾過癮。見到麻吉燒忍唔住叫咗一份！麻吉燒真係點食都好好食到最後一個完美嘅結束就係將個粉絲揼落個湯度煮，索晒成個湯底嘅精華，煙煙靭靭咁好了不起！你話佢係咪頹到好似食快餐店嘅邊爐佢又唔係，豪華到出去火鍋店每人食3/400蚊又唔係，佢就係in between嘅level，對得住自己個價錢嘢飲選擇又多，強烈推薦柑桔檸檬梳打，酸酸甜甜解膩一流

尖沙咀一人台式火鍋🥘上次經朋友介紹之下，食左呢間台式火鍋店，一直念念不忘，今日又嚟試下。餐牌都有介紹，因為有八款不同特色既湯底，因而命名為8鍋，每款湯底各有特色，有辣有唔辣。🥘 蕃茄白豚鍋配料非常豐富，分別有娃娃菜、白豚肉、蓮藕、蕃茄、粟米等。本身想食清少少既蕃茄湯底，蕃茄味好濃郁，白豚肉熟左就儘快食，否則煮耐左會有啲韌。其他配料就正常發揮，勝在一人一鍋夠哂大份。🥘 粉絲個鍋可以選擇跟白飯或者粉絲。食到最後先加，吸收哂個湯既精華，掂！🧋 冬瓜茶冬瓜茶都幾大杯，甜度適中，唔錯

以前一直想試呢間，因為貪佢一人食一鍋，又可以保持衛生。但係因為平時好多人排隊，唔知要等幾耐咁，所以未有機會去食。今次我同朋友剛好要過尖沙咀，順便行去呢間嘢望望，發覺唔洗等位就立刻入去食我地坐個位置既冷氣比較大，好彩侍應幫我地安排坐另一座既位置我就叫左招牌臭臭鍋，呢個名令我不禁想起台灣，台灣既食物真係唔錯架，尤其係臭豆腐！大部分鍋都係$115，包一鍋同一碗粉絲。等左冇幾耐，侍應就好快上菜比我地食！招牌臭臭鍋，小辣。香噴噴既臭臭鍋，好有臭豆腐既氣味！賣相好豐富，好吸引食！然後等佢的湯滾左先試下飲湯。其實湯的味道唔太食到台灣個種臭臭鍋既味道，可能味道唔夠強烈，但味道不過不失。所以係呢方面有少許失望既。我覺得豚肉份量岩岩好，如果胃口大既人會覺得肉既份量會好少。呢隻豚肉既味道好好食，好新鮮如有再多啲肉就好啦！其他蔬菜都OK新鮮的。佢會有4隻唔同醫汁比你落：辣椒汁、沙茶醬、蒜蓉汁、豆瓣醬沙茶醬真係好食，所以就揀左沙嗲醬最後埋單都要$115 再加一服務費。我覺得一個鍋要食成百幾元唔算話好抵食，因為冇乜包飲品整體來說，我是比較喜歡一人一鍋的特色、豚豬肉都幾新鮮。如果胃口大應該食唔飽，可能要叫兩份

一個套餐$88, 包一個鍋, 一杯飲品和粉絲或飯, 加一埋單約$100, 一試無妨。套餐有9款鍋可選, 每個鍋的材料都有想食的, 心思思, 選擇困難症又發作。最後選了咖喱奶蓋鍋配粉絲, 加$6轉了一杯茉香奶綠。鍋的材料有娃娃菜, 豬肉片, 奶蓋, 沙葛, 黃金魚子球, 甜不辣, 炸魚蛋, 魷魚圈, 蟹柳, 四季豆, 粟米, 粉絲, 炸枝竹, 金針菇, 鳴門卷和沙白。先來茉香奶綠, 味道淡淡的, 性價比不高。粉絲份量不多, 略嫌過少。鍋連爐同上, 等了很久也沒滾, 見火力不足, 肚子打鼓了, 便向店員查詢食物是否已預先煮熟才上桌, 爐只是保持食物溫度, 店員回覆是, 並幫我添加酒精塊以加大火力。整體來說, 食物種類不少, 但份量略少, 味道中規中矩, 可以一試。

自從五月交左份畢業論文之後，我做左成個月廢青，大部分時間都係屋企食雞加埋最近天氣真係熱到呢，無咩特別，真係唔想出街，但食得多屋企飯，又想出街食下飯喎，所以就約左朋友出黎，順便陪佢出尖沙咀買野，我地行左一陣，已經大汗叠細汗，頂唔順喇，要揾餐廳食野嘆冷氣休息下，我地行到去韓國街，見到呢間專食臭臭鍋，好似好得意喎，而且價錢相宜，一於試下環境尚算大，氣氛舒服，一入去就嗅到火鍋嘅氣味，值得一讚嘅係，佢嘅冷氣相當稱職啊，超舒服😌我同朋友一人揀左個鍋，再加左個麻辣臭豆腐當前菜，有別於港式臭豆腐，呢度果啲不是油炸的，所以感覺健康啲，臭味惹味，配埋麻辣粉，相當好味而火鍋方面，我當然要試招牌臭臭鍋喇，我揀左小辣配粉絲，湯底彌漫住少少類似臭豆腐嘅味，好啱我口味，而餸菜方面亦十分大方，種類多，份量亦頗多，扺我最鐘意係佢個米血糕，煙煙un un，而最尾個粉絲係精華，勁吸湯，食完大滿足而我朋友就揀左個香蒜牛肉鍋，除左湯底唔同之外，配菜亦有少少唔同嫁，分別有，牛肉片，蟹籽丸，甜不辣等等，我朋友食完都話正而8鍋係飲品方面，亦一點也不遜色，話明係台式邊爐，當然要配返台式飲品喇，珍珠奶茶、果汁紅茶/綠茶、沙冰樣樣齊，而且

由於上次食過招牌臭臭鍋同麻辣鍋好好味，詳情可以睇返我上一篇post!!! 都預左要排，一去到勁多人，等左半個鐘左右先有位!!!今次諗住搞搞新意思，試下另外既鍋，於是試左沙茶牛肉鍋同藥膳羊肉鍋，咁就出事啦!!!等食其間搞搞醬先!根據官方教學👉1茶匙蒜+2茶匙豉油+3茶匙沙茶醬or豆瓣醬，完全遮左蒜味，要加多茶匙蒜囉本身個鍋就跟粉絲或者飯(本身個鍋都有粉絲or公仔面or烏冬)，但可以加$12要滷肉飯!上次盛讚既滷肉飯今次完全唔得，唔夠汁又冇油香👉👉👉failed沙茶牛肉鍋冇味囉要自己外置4茶匙沙茶醬先掂囉藥膳羊肉鍋，一句講曬👉聞就有味食就冇味，又少羊肉，食完仲好空虛仲偷聽到隔離台要加湯竟然係加水囉😱p.s.如果真係要食，一定只可以食招牌臭臭鍋同麻辣鍋

今日同朋友食lunch行吓行吓黎左呢間8鍋臭臭鍋我呢個火鍋達人梗係拉朋友一齊入黎試試佢～環境都幾舒服，係卡位啊我自己叫了蕃茄白豚鍋同menu個張圖係一樣架，賣相好掂一個人食咁大碗真係好幸福豚肉都幾多，而且好滑！佢仲有真蕃茄！個湯其實幾清甜我自己選左配粉絲索曬成個湯勁惹味！而且好煙un，唔錯唔錯！我同朋友仲加了麻辣餃入面係有dd辣，但都唔係好辣反而我覺得好香，d肉都鮮嫩餃子皮都唔會太厚，唔錯啊！我覺得依家愈黎愈少一人一鍋呢間都算係幾有質素，而且lunch都幾平，可以加錢叫野飲

連續幾星期都見到入榜"餐廳排行榜 - 每週最高評分"一早就book mark左，就係等個機會去試試當日收工就即刻去，18:45左右到，餐廳仲有位未full，有限時，所以就等埋朋友先入座啦剛好有張2人梳化枱，因為眼見全場都會搭枱，梳化位就可以擺下野，始終冬天又有袋又有外套，建議穿戴得方便d去食，另外我地坐近門口位，但食完都係全個人都好有"邊爐味"，所以唔好著d咁吸味既衫啦佢有8款鍋可以揀，每款鍋湯底同配料都唔同，所以要睇定menu好好揀定自己要邊款，好彩得8款，因為有選擇困難證真係要揀好耐另外都有d小食同埋飲品可以選擇，如果肚餓同埋3個人以上就可以叫，因為淨係食哂個鍋都好飽menu上有教可以調配沙茶醬或者豆瓣醬，仲有埋比例，可以試試看，但其實湯底味道都好足夠，就咁食都已經好好食飲品不會太甜，百香果味不重，反而茶味好重，導致飲落有點苦味道岩岩好，就算冇叫少甜都唔會好甜，奶味茶味並重，都幾好等左一陣，主角終於出場啦有火熱住個鍋，同平時見到既粒芯火唔同，一舊睇落似膠既透明物體燃燒，個鐵座都好重，唔怕好易唔小心撞到倒瀉野一黎到，好香既蒜味，一食入面既野，都係滿滿的蒜味當中甜不辣好好食大部分食物都

好耐無打邊爐，但又唔想叫到成枱都係野食.....食唔灑又浪費......但又唔想去快餐店食了無新意的一人一鍋...係OPENRICE 呢度睇左輪見到呢間幾就腳.....所以就試下台式的一人一鍋等左一陣就有位啦, 睇餐單有8個火鍋可以擇(原來8鍋係呢個意思)......由於本人對台式臭豆腐興趣一般所以擇了芝士牛奶鍋~~~~~另外平時打邊爐...總係汽水啤酒...或者係竹借茅根...酸梅湯............呢度反而特別D...可以叫台式奶茶~~盤栽奶茶: 有香香的朱古力曲奇味道, 口感極佳, 而且都幾解熱氣~~~~等火鍋來的時候.....可以自調自己喜歡的混醬有生蒜, 沙茶, 辣醬選擇.....小弟愛蒜...所以落好多生蒜~~~同時....火鍋亦送到來...芝士牛奶鍋: 芝士味唔算重, 反而牛奶味香濃...令湯底又滑又甜, 令豚肉味道更佳...如果配牛肉...一定仲正~~而牛奶配野菜...野菜用料味道更甜.......呢個湯底值得推薦同時火鍋可以跟飯或粉絲....本人就擇粉絲......因為要索多D 牛奶湯 !!!