煮打菜打冷小菜館 (已結業)

平時冇乜幾可會入筲箕灣，今次入去搵朋友，地膽話食呢間就信佢啦！常見小菜同打冷菜式都有得揀，仲有幾款較有特色ge「煮打菜」。打冷唔想左諗右諗，所以叫左滷水拼盤（小），三個人份量岩岩好，每款都不錯，唔會滷得大鹹，醋、辣椒油同埋魚露任你點，另有芽菜執底，幾爽口。潮式爆花蠔餅擺設好似Pizza，d脆脆真係好爆！食落「索索」聲，非常鬆化，仲一d都唔油，唔會炸到好似食緊薄罉咁咁多麵粉，蠔仔份量合理，都幾大粒，新鮮無沙。蜜椒薯仔牛柳粒就食得多，但蜜椒吊燒骨都係第一次食，排骨肥瘦適中，夠晒淋，炸完再落鑊加埋蜜糖黑椒兜兩兜，排骨掛滿晒蜜椒汁，面頭再灑上腰果碎，極之香口，送酒一流。蝦醬落得岩岩好，香而不鹹，通菜亦夠新鮮爽脆。紅燒茄子排骨煲好足料，茄子拉過油保持到紫色，排骨亦同蜜椒吊燒骨一樣係好貨色，熱辣辣！香噴噴！我地好鍾意食蠔，一碟蠔餅點夠喉，整窩蠔仔肉碎粥先，蠔仔同樣新鮮飽滿，加埋芫荽真係一碗接一碗，最後全窩清晒！

同2位朋友行街，其中一位朋友話好攰唔想再行，咁啱路經一間餐廳，於是就入去坐，順便當早D食晚飯。可能係太早嘅關係，餐廳裡面唔算多人，其中一位朋友仲細細聲講間野冇人會唔會中伏架佢主MENU係紫色嗰份，而另外黃色MENU就精選D菜式做廚師推介。最後我同朋友決定叫 紅燒茄子排骨煲($88)、蜜椒吊燒骨($98)、滷水拼盤(小) ($88)、蠔仔肉碎粥(每窩$102)、蝦醬通菜($70)、潮式爆花蠔餅($96)蜜椒吊燒骨呢個食落有驚喜，佢喺排骨表面搽上蜜糖再燒，表層食落有D焦糖香，黏黏地甜甜地，而裡面肉質食落軟滑，肥瘦適中滷水拼盤(小)，裡面有 墨魚、紅腸、腎、腩肉、大腸、生腸、豬耳、鵝腸、喺底下仲有D芽菜。雖然叫做小，但其實份量都唔算細下。味道都OK，但如果可以滷得再入味少少會更加好，佢上菜時跟左3隻醬俾你點黎食蝦醬通菜，炒得好惹味，唔會太重手鹹得濟，水準之上潮式爆花蠔餅上菜時成個PIZZA咁佢唔會好似部分餐廳D蠔餅咁，蛋漿加蠔仔喺平底鍋到煎到扁一扁咁，係會見到佢係有個層次喺到，所以食落口感夠鬆脆，唔會成口油，有少少蔥花調下味，同埋蠔仔數量都算多紅燒茄子排骨煲，茄子同排骨都煮得夠淋夠入味，但始

近排都係食日韓西餐，今日約左男朋友食飯想食小菜。男朋友帶我去食佢之前去過的煮打菜，佢半年前食同我講同銅鑼灣某出名大排擋一樣有水準。滿心期待咁去食，事前都上左openrice 睇下comment 大部份人都話好食。大約六點九前入座，店舖位置唔係大街。但地鐵站行過黎都容易搵到，係正逸東邨對面。難怪有咁多一家大小的熟客，一上門口就見到寫住2015 年旅遊局的獎又有不少明星黎過。卡位數量不多得四五枱，我們以為都算早到。淨返得十人既圓枱，只可以同人撘枱。但衛生環境還好，會比熱茶你洗餐具。十人枱坐六個人，隔住一個位都算坐得鬆動。睇下餐牌都有好多選擇我地揀左滷水鵝拼墨魚，蒜蓉牛油焗蜆，紅燒茄子排骨煲加個靚仔同啤酒 $25大支蒜蓉牛油焗蜆重口味之選，雖然一上枱以為係得殼同洋蔥。蜆肉大隻肥美，唔係普通沙蜆係花甲，份量唔多大約有11-12隻。食咁多隻得一隻有沙，味道鮮甜。滷水鵝拼墨魚一上枱睇到滷水鵝，我同男朋友對望下咩我地叫左滷水鵝皮同骨？完全無肉，我地應該叫淨墨魚算。$98 寧願食燒味飯，呢碟餸令我以後blacklist 佢。完全係呃人紅燒茄子排骨煲不過不失送飯之選整體來說，好普通。滷水令我對佢無哂信心