翠亨邨 (利舞臺廣場)

營業中

休息中

是咁的，個人覺得香港酒家多如天上繁星，有好食難食，有高檔平民。要打破平野冇好野嘅定律，真係除左汪阿姐張床褥之外，冇邊個做得到。不過，一百蚊樓下食半隻雞，好多地方都做到，而且質素唔差。咁俾成兩百蚊食半隻雞又係咪要食完之後有高潮咁高要求呢，又唔係，不過你叫得翠亨一靚雞，係咪應該起碼雞有雞味，並唔係一碟手撕沙薑冰鮮雞呢。唔係話你唔好食，不過賣相差，點做招牌菜呢。碟滷牛腱算係不過不失啦，68蚊還可以，個滷水係有啲唔同嘅。枝竹火腩炆龍躉頭腩，味道不俗，個煲就夠大啦，魚就碎上到不能再碎，賣相就唉，放多幾條綠色嘅蔥都唔會蝕嘅。好啦，終於有碟靚啲，紅酒梨黑醋脆豬柳。賣相係正嘅，不過果兩排响碟邊嘅橙紅色紅酒梨，冇紅酒味，亦冇梨味，又幫唔到碟fusion進化版嘅生炒骨，佢嘅存在價值响邊呢，單純伴碟？到個黑醋，我諗住一係意大利陳醋，一係滇江香醋，兩者特色係酸而不澀，帶甘甜，有獨特香味。好明顯佢用嘅係something else, 唔酸唔甜，老實講你俾是但樣出味啲我都收貨。唯一可取係豬柳粒尚算脆，咁就128蚊。最安慰係個煲杏汁白肺湯，例牌四人份，$238 。七個人夠分，仲有兩碗半添飲。白肺夠白，乾淨冇腥味，杏

利舞臺翠亨邨應是開業不太久的酒家，地方比以前的酒家企理，地方亦更見寬敞，加上平日晚市時段人客不算多，用餐環境寧靜良好。服務方面，店員普遍主動有禮，印象不錯。食物方面，菜式份量略為小巧，取價亦不便宜，以致性價比難取高分。一行十一人點了以下美食：鍋貼牛奶拼均安魚餅：鍋貼牛奶夠特別，鍋貼夠香脆，面層牛奶夾層奶香不算濃郁。均安魚餅炸得金黃不膩口，彈牙度中等。紅酒梨黑醋脆豬柳：豬柳無骨腍身，肉香不俗。黑醋汁酸香醒胃，味道和脆豬柳頗合襯。菜式當中加入少量梨肉，亦多添一份清新感。楓葉蜜餞羊仔鞍：羊仔鞍羊味不算濃但夠腍身，味道主要來自蜜汁，入口帶甜。粟子炆滑雞煲：雞煲熱辣吸引，香氣四溢，雞件切得細一點，但入味滑身。粟子稍硬。如煲中追加多一些香口食材如香葱香蒜食味會更佳。清蒸原條沙巴躉：沙巴躉頗大條，應足所述的兩斤重。烹煮時間剛好，但魚肉仍有點韌，或許魚身實在過大。味道方面，魚香只屬中規中矩。大漠風沙脆皮琵琶豆腐：「大漠風沙」帶點微辣，提升菜餚惹味道。琵琶豆腐成品和預期的有點距離，豆腐不夠滑及香，質感亦見鬆散。疊影滑豆腐：菜式賣相佳，豆腐切得薄，見刀功，香滑度亦比琵琶豆腐好多了。豆腐配上蕃茄炒蛋，其實比