文輝墨魚丸大王

營業中

休息中

其實今次係我第二次嚟食，兩次都係凳都未坐定就被催促食乜嘢，我覺得呢個都係香港文化嘅一種，生活節奏非常急促，連落order同食碗麵都係要快。上一次我都係食紫菜墨三鮮河粉，因為箍牙妹上次都食到，今次再食，墨三鮮包含墨魚丸，墨魚仔同墨魚頭，但今次箍牙妹覺得墨魚仔同墨魚頭都硬咗啲，而且份量上一次咁多，不過慢慢食都食到嘅，味道都keep到鮮味。另外我最鍾意佢嘅一點就係加咗冬菜，唔係好多店都有。不過我對個河粉質地就麻麻地，因為佢比較厚身，食落唔夠爽。

銅鑼灣「渣甸街」, 本地人又名「食街」, 顧名思義食肆林立。近年因種種的環境因素, 令推介食肆變得買少見少, 但至少還有「文輝墨魚丸大王」。舊式麵店裝潢, 店內非常有限的座位, 環境遠不及高級餐廳和新派食肆, 但店內總是座無虛席, 全因為它－「紫菜墨三鮮粉」。紫菜爽口、墨丸彈牙這些不在話下, 精粹在於－湯底。湯底清甜, 味道十足卻不搶其他材料的原味, 喜歡辣的還可以加上店內自家製的辣椒油, 其配合程度絕非三言兩語可以形容。

墨•墨•墨.. 咁重要嘅餸當然要講三次.. 我就係叫左碗紫菜墨三鮮粉.. 裡面有墨魚仔.. 魷魚蘇同墨魚丸.. 我相信無人會唔鐘童食呢個組合.. 其實內在格局同雲呑麵舖一樣.. 只係食嘅不一樣.. 沒有牛腩牛根而已.. 但足以人接人排隊等食.. 最特別嘅係竟然有賣燒賣同扎肉.. 好奇怪.. 哈哈.. 我相信食嘅唔多.. 看似多選擇.. 十居其九都係食墨魚多.. 麵底本身好普通.. 魷魚蘇就幾彈牙.. 其實食落就分別不大.. 但勝在有特色出面食唔到.. 而且呢個組合大多數人都喜歡食.. 同埋碗麵都大大碗.. 男仕們就唔怕食麵唔夠飽.. 順帶一提食完先知可以揀菠菜麵而且都係同價.. 下次我會揀菠菜麵試下..