咖啡灣 (已結業)

由於公司係荃灣咖啡灣附近，所以我同同事午餐經常去食，不過老公係港島返工所以一直冇機會同佢去食，之前係openrice搵食時先發現原來咖啡灣係寶琳開左分店，好近我地屋企，今晚就輪到我帶老公食好野，收工係寶琳站集合一齊上去。😄我地未到7點就到餐廳，客人未算好多，咖啡灣好近地鐵站，由地鐵站上扶手電梯轉灣就到。餐廳裝修同荃灣分店都係同一個style，走可愛路線，座位寬敞，坐得幾舒服。😊我地今晚點左一客沙律，一客意粉同一份甜品，由於咖啡灣食物一向都比較大份，兩個人都應該夠食。凱撒大帝沙律 $63每次去咖啡灣我都會食呢個凱撒大帝沙律，沙律菜新鮮爽脆，沙律汁唔會太酸，煙肉粒味濃香脆，非常醒胃。👍挪威煙三文魚黑松露野菌忌廉義大利麵 $86老公好鍾意食煙三文魚，呢個意粉黑松露味道濃郁，麵質香滑軟腍，好惹味，而且份量唔少，兩個人share剛好。紫薯雪糕窩夫 $88紫薯雪糕窩夫係呢度招牌菜式之一，賣相非常吸引，窩夫外層香脆，加上香甜嘅紫薯，配搭得好好。👍岩鹽焦糖鮮奶咖啡 $36老公點呢款岩鹽焦糖鮮奶咖啡好有特色，岩鹽可按自己需要加，老公都讚咖啡夠香滑。綠茶鮮奶 $36我呢杯綠茶鮮奶賣相好可愛，唔會太甜，綠茶

今日同朋友一齊行新都城，因為冇帶BB所以可以行得輕鬆啲，行到新都城以其見到新開就呢間野，睇落去都幾靚，就同朋友去試吓食點知一入去就中伏，俾咗張二人台我哋，狹窄到想郁都唔得！真係肥啲都坐唔到，但都入咗嚟，算啦試吓佢啲嘢食先，最後點左香草忌廉汁大蝦意大利麵，凱撒沙律🥗，深海魚炸薯條🍟，熱情果菠蘿🍍和綠茶鮮奶凱撒沙律好快黎到賣相睇落都唔錯，沙律嘅份量都算唔少，主要係生菜多跟住嚟到係深海魚炸薯條🍟，深海魚食落係魚柳，外表都幾脆但就偏鹹，所以我同朋友都無食晒，薯條都係鹹，雖然有沙律醬俾我哋點但整體都係過再嚟就係我哋個主菜香草忌廉汁大蝦意大利麵，一黎到我同朋友都好滿意個賣相，但食落口都係比較鹹，點解會整到咁鹹破壞晒我哋嘅食慾仲有兩杯嘢飲未講，首先講下朋友杯綠茶鮮奶，黎到個賣相真係唔錯架，嗱嗱聲比手機食先，朋友呀呢杯野飲係佢哋特飲，所以點都要試吓，但佢話飲落口後話星巴克仲俾佢仲好飲，下次唔會再點最後都我杯熱情果菠蘿，呢個都係普普通通嘅嘢飲，冇乜特別總結：畀我感覺係金玉其外，敗絮其中，嘢食偏鹹，地方窄，下次一定唔會再幫襯，食咗我三百幾蚊都唔知食咗啲乜落肚，唯一好係侍應會不斷同你加水，知係咪知道佢食物偏

做人父親甚艱難，對囝囝好似對Boss看待，今天，小Boss嚷著要去商場新開張的餐廳，只因看到門口放了一座LEGO摩天輪以及一座大樓十分吸引，既然小Boss下了命令，下屬必然遵從。「咖啡灣」是第三間分店，主食西餐，餐廳門面是通透的玻璃有很高透明度，看到內大家食得開懷的模樣，相信食物不會差吧?!不一會，我們被安排入座，餐廳整體裝修簡約，白色牆身掛了不同的小擺設，而每個燈飾有隻小鳥陪伴，營造悠閒cafe的格局。小Boss見到餐牌上很多窩夫雪糕，即時嚷著要食，其實小Boss不說，我都會叫的，因為圖片中的窩夫雪糕很吸引，看得心情很愉快，很難抗拒吧。🎡綠茶鮮奶$36造型特別又可愛，一看便聯想到某卡通片的故事人物，小Boss看了很久也不動口，應該是不捨得整花個可愛圖案吧。將綠茶和鮮奶混和一起，令深綠色變成淺綠色，一呷有清清的綠茶，感覺清新。🎡手作特級和牛漢堡$98手打的和牛十分鬆嫩，厚厚和牛煎得香口，一口咬落去很快，而小Boss目標對著那和牛漢堡旁邊的薯條，口含一條，手拿一條，仲忙過我啊!🎡桂花蜜橙柳雞翼$62究竟蜜橙是主角?抑或雞翼是主角?其實兩者不相伯仲，雞翼烤得香口入味，蜜橙多汁鮮甜，一併