畢打奧餐廳

營業中

休息中

15/10/2023📍畢打奧餐廳睇完Milmilk 條片先識呢間老牌西餐廳出片之前其實無咩人食條片出左2個月就仲係好多人食當晚7點左右都好多人等位餐廳好多座位 坐滿人嘅時候都幾嘈1. 餐湯&餐包 有羅宋湯同忌廉湯揀 幾大碗 味道唔錯餐包就冇乜特別 暖暖哋 唔想咁飽就唔好食啦 🌟：2.5/52. 新西蘭西冷牛扒 （$159）嗌咗medium rare肉味係有嘅 都咬得開加埋蒜蓉汁好食啲薯角同西蘭花都冇咩味🌟：3/53. 美國肉眼扒 （$189）都係嗌medium rare 加黑椒汁同西冷差唔多 但更加腍身肉味都濃少少🌟：3.5/54. 焗法國田螺 （$69）一共6隻 本身已經有牛油同調味肉質彈牙 幾好食下面仲有薯蓉又係勁香牛油味 正👍🏻🌟：4.5/5 我哋兩個人食咗 ～$460 （連加一）🌟：3.5/5

【跨越逾半世紀港式扒房🥩北區老字號‧畢打奧餐廳】#MC帶你去上水「畢打奧餐廳」相信上水街坊無人不知，由1947年開業，可能喺香港最歷史悠久嘅英式酒吧與餐廳。. 🥩美國肉眼扒肉眼扒肉質厚但鬆軟，size 更加唔洗講，一啲都唔吝嗇，大大塊咁比你😆鐵板燒得非常熱🔥牛扒愈來愈熟，所以一定要盡快食。小編掛住影相，本來嗌左5成熱，食個陣都變7成有多😮‍💨🦞+$29 酥皮焗龍蝦湯牛扒套餐會有免費餐湯，分別有忌廉湯同羅宋湯。餐湯仲可以加錢轉酥皮焗龍蝦湯㖭，今次就試試個龍蝦湯。酥皮不過不失，咬落脆口，略為唔夠金黃。嗰湯非常熱，可能有酥皮焗住，真係有啲熱到要涼一涼先飲🤭龍蝦湯味道幾香濃，但飲多幾啖有少少咸。🥯餐包係熱辣辣真係即叫即烘👍🏻，唔會太硬👍🏻.🪑環境枱櫈之間都好闊落，食得好舒服☺️.⚡️ 小編覺得港式扒房買少見少，依啲英式舊餐廳比到你香港情懷、舊世紀既扒房既氛圍，有興趣既朋友不妨一試😉.⭐整體︰7.5/10⭐食物︰7.0/10⭐環境︰8.0/10⭐價錢︰8.0/10.==============================📍畢打奧餐廳（上水）地址︰上水符興街35-39號交通︰港鐵上水站 A3 出口

入上水找朋友食餐晚飯，陪我過生日佢話有間西餐廳都唔錯同成日都好多人幫襯就約去食啦，你上水廣場行過去要大約10分鐘左右餐廳名Better Ole 都真係見到唔少人企係度等緊，好彩朋友已訂位 英式餐廳，有好多部電視播緊足球比賽，當晚無直播有就肯無位了職員服務態度殷勤，只要見到你都一定回應，只係有少許人手不足檯與檯相隔密度都算還可以點餐美國肉眼扒＄１７９原隻燒春雞＄１４９跟餐加焗酥龍蝦湯加＠＄２９個皮好脆，龍蝦湯好香濃美國肉眼扒跟鐵板上要七成熟熟透程度剛好，肉質夠厚亦夠淋，個燒汁都唔錯原隻燒春雞隻雞都幾大隻，個皮脆好香肉質鮮嫰，都好多肉，正！最後上埋蛋糕（自己買）加埋生日歌~完美😍😍😍

朋友點明餐廳選址去粉嶺火車站 或 上水 食西餐日本野或者打邊爐一搵之下先發現原來北區都好多日本餐廳不過集中喺聯和墟咁今次都係食西餐啦 反正我未黎過。。拎住google map 由上水火車站行過去大約五分鐘左右喺個分叉路口位置 唔難搵餐廳表面個感覺真係幾老派不過明明都係七點幾 周圍環境都比較黑加一枝燈柱喺道 就顯得周圍都好靜入到去坐低 朋友就問係咪有happy hour職員話要坐吧枱先有？？？竟然有枱嘅限制？！咁唔緊要 照過去囉 反正邊道都一樣我地啱啱企返起身行過去然後另一位員工話我地食野 坐返另一邊都可以做返happy hour比我地不過野飲跟餐係再平啲？？？即係其實有冇枱嘅限制。。？餐廳內部都好大 分左三個area 一邊係吧 好似範圍好細一邊係餐廳 即係我地身處嘅位置另一邊係個紫黑色昏暗嘅環境 唔知係冇開定係有啲咩特定用途因為醉翁之意在聊天所以當時都冇咁留意有咩食而家先知有得加甜品一陣餐包就到個樣成舊石咁( ´▽｀) 少少乾身 牛油自己搽好似有得加錢轉蒜蓉包 不過冇特別想食就冇加跟餐嘅啤酒係特價 大杯生啤但好似同平時出面飲嘅味有少少出入朋友話可能係個紅湯辣辣地有少少影響對唔住我個紅湯