ALO ALO Vietnamese’s Cafe (已結業)

店舖裝修設計比較舒適好似家的感覺， 牆壁設計花花世界不少少女歡心可以影返幾張相,原來ALo ALo 越南話意思 歡迎光臨好特別,同埋食品湯底❎味精❎添加劑 食得健康啲❥ ❥ ❥老ME招牌蟹肉檬粉食得太多越南菜其實依度加入新元素去自家招牌菜加入蟹肉餅 ，秘製香料增加肉質鮮味層次好豐富 ，配料仲有魚肉片，豆卜，蝦米同埋蒽花特別香濃，麵底我揀選檬粉比較幼身好爽口，真心推介❥ ❥ ❥安格斯生牛肉pho 河牛肉無錯係安格斯牛超重牛肉味，配料加入芫茜同蔥，再配埋洋蔥🧅係靈魂精髓，提升牛肉湯味道，用幼身河粉滑滑已不會過腍，好味❥ ❥ ❥手工春卷呢間係用手工制即叫即炸，炸好春卷皮好薄裏面餡料好足料又夠脆，點埋魚露醬汁，鮮味提升，推介❥ ❥ ❥鹹檸七啱而家呢個時候飲鹹檸七舒緩喉嚨，酸酸甜甜又解渴❥ ❥ ❥青檸梳打青檸微微酸加入有氣梳打，夏天飲透心涼

之前見朋友介紹過呢間係上環嘅樓上越南菜，望到維港海景之餘，入邊嘅裝修亦都非常之少女風，有一大幅花花打卡牆，仲有一啲越南嘅裝飾物可以影吓相。今日就同朋友上咗嚟呢度食過午餐。呢度主打係北越嘅菜式，口味唔似南越咁落咁多香料，味道偏向自然，越南粉呢類菜式，通常用清湯處理。店名Alo Alo原來係越南嘅Hello Hello嘅意思。環境果然係朋友介紹咁樣，打卡一流呀。另外值得一讚嘅係，呢度有酒精可以消毒雙手，夠晒衛生。我哋今日就點左一款老ME招牌蟹肉檬粉（$88），同埋一款牛坑腩雞絲Pho($88)，小食揀香炸蔞葉肉卷（$48）。我呢碗蟹肉檬粉，蟹肉同一啲肉碎一齊，就喺面頭自己攪開，食落都幾有蟹肉味。個湯嘅味道幾清，而且感覺自然，原來係因為呢度唔落任何味精或者添加劑。朋友嘅牛坑腩雞絲河粉，朋友都大贊正呀，唔使幾分鐘就秒速清曬湯都飲埋。我哋嘅小食，出面係用一啲平時少見嘅可食用葉包住，入面係一啲肉碎，所以都幾飽肚，雖然係炸物，但係都唔算油膩。午市本身跟熱檸水或者熱柚子蜜，我哋就叫咗杯熱柚子蜜，另外加$20就試吓呢度嘅滴滴咖啡。越南嘅滴漏咖啡唔係落奶，而係落煉奶，咖啡嘅味道都幾香濃，飲完精神為之一振。