莎巴馬來西亞餐廳 (已搬遷) 新店位置

同 octopus 行完書展，想喺附近搵間特色餐廳食飯，就呢間。海南雞係必叫既，因為我鍾意食！半隻，份量頗足，雞肉算滑(當然有其他比佢更滑既餐廳啦，但就獨孤一味)。有三款醬汁跟，我鍾意辣味，食得開胃d銀魚咸魚芥蘭，芥蘭爽脆，愈食愈追住食(太惹味)油鬆餅，因為見到印巴藉師傅整緊，所以好想叫嚟食。佢已經跟埋小碗咖哩汁(都辣辣地既如果點得多)肉骨茶，係 octopus 想食。馬來西亞版本既淡口版本，飲後口腔回甘，足料，跟埋份油炸鬼粒(指定配料)。個人建議出一碗裝，方便少人都可以叫多幾樣野食椰青，好fresh，好飽都忍唔住食左少少椰肉好full好滿足，店員姐姐都讚我地犀利話我地今晚唔駛宵夜添～

馬拉佬提過常來此店,應該味道正宗吧!17:30來到,店員問有無訂位。我地無噃!呢D時間不用訂吧!六點多已坐了七成人!似乎真有訂位需要。青檸梳打$25,齋梳打+青檸,我唔鐘意囉,不過大熱天時,要叫來爽爽。肉骨茶(細)$68,比想像中少料/湯渣。只有四條肋骨、豆泡、很硬的腐竹。不過味道都ok!椰汁咖哩雞$68,椰汁不多,稀稀地,很有藩茄和香葉味,好食!薯仔略嫌未煮夠腍。油蔥餅$28,以為是中國青蔥,原來是洋蔥.....,洋蔥半熟了,,很甜甜。炸椰絲香蕉$28,連椰絲炸,所以加倍脆口,香蕉遇熱也溶起來,combination好好,仲好食過高力豆沙香蕉呢!