麥金.麥金馬來西亞特式茶啡室 (已結業)

是但食評🌟💬✰砂煲老鼠粉🍜 惹味 味濃 😋其實就係銀針粉加埋肉碎🍖、豬油渣🐷、🐟魚亁炒，上面仲有隻半熟蛋🍳鹹香夠惹味，食得濃味既人應該會鍾意😍✰馬拉沙嗲串燒🍢 不過不失 🙂雞🐔牛🐄豬🐖都合格，唔會好乾，但都唔係話好juicy！唔係好覺果隻燒烤味🍢！沙嗲汁甜甜地，有D花生味🥜，但唔夠濃，有D普通🙂✰肉骨茶🥣 可以任添，愈飲愈好味😍佢唔似平時飲嘅肉骨茶咁霸道，飲飲下D藥材味🌿 肉味先慢慢出黎。加上可以任添個湯，飲飲下就飲左幾碗，都唔覺得燥🥄豬手🐷、雞腳🐔、豬肚🐖都煮到岩岩好，軟硬適中😍✰椰香南洋燒麵包 🥖 外脆內軟 但似普通咖央多🙂似普通咖央多 冇咩椰香🥥 咖央唔夠香 但烘得幾好 外脆內軟 預期會有D炭燒味 都最後係冇既 唔係唔好食 但唔會特別想再食🙂

年初四打算去大角咀食日式料理，點知全部都未開。差唔多行哂成個大角咀，見到呢間金黃色字招牌既馬拉茶室。見到門口個餐牌寫住有馬拉火鍋🍲，$288一份 (兩人用)，等位個陣已經mark實呢個火鍋。點知入到去侍應話今日冇做呢個火鍋，但其到其他枱都有打邊爐🤓😂，到依家都唔知究竟係個邊爐賣哂定其他原因。好食指數 : 7/10CP值 : 7/10回頭率 : 6/10價錢 : 7/10

難得出九龍順便搵下好嘢食😜見到朋友介紹馬拉菜幾吸引！呢間麥金.麥金裝修都好有特色Qr code自助落單方便快捷上菜仲好有效率🙋🏻‍♀️轉眼間已經放滿枱👏🏻開餐啦🥳🧡古仔路肉骨茶 “細滲” one combo1人份量都好大碗😲好足料有一字骨、雞腳、豬手仔、豬肚、腩肉仲有油炸鬼、豆卜吸滿汁超正呢連同火爐上枱🔥保持溫度熱辣辣❤️‍🔥忍唔住飲咗一大碗湯底好濃藥材味🤎甘香但唔會苦夠曬滋補又有驅寒作用非常適合我呢個怕凍嘅中女🤣🤣🤣💯店員仲會主動幫忙添加免費無限肉骨茶😌飲到夠👍🏻💚玻璃魷魚炒通菜鮮嫩爽滑🦑配上炸蒜+秘製醬汁甜甜辣辣好惹味，食唔停口😋💛仁噹牛肉+參巴椰漿飯試試東南亞地道特色菜式🍛燉牛肉軟腍配乾咖哩醬入味份量多🍚綠色飯好有椰香花生脆魚仔撈飯食👍🏻口感豐富❤️泰式生蝦我的最愛😍唔洗多講！蝦肉新鮮爽口，個汁好～正～自己食曬成碟超滿足呀😋🫶🏻🤎馬拉沙嗲串燒豬🐷牛🐮醬汁幾好味肉嫩👌🏻唔會燒到鞋柴柴✨

運動完，肚子空空，突然間想起好耐無食肉骨茶，就到大角咀呢間小店食個下午茶，一個下午茶餐可再加小食或菜類，共兩款，而我一行兩人，叫左兩個下午茶餐，即奶黃油雞扒飯同肉骨茶，另外再加四款小食（串燒、泰式鳳爪、小食拼盤、芥蘭），肉骨茶無限添飲，肉骨茶添飲了三次，店員姐姐仲笑話，鐘意飲就飲多啲，呢間小店食物幾好食，一定會再幫襯。

呢間餐廳裝修好新，環境好好，佢啲餐具都好靚，地方好乾淨，好啱同朋友嚟傾計食野，價錢都算公道最愛飲美祿恐龍，不失望，好濃味另外叫左兩個粉麵，好抵食，勁大碟，食到好飽第一次食老鼠粉，個名好得意，原來即係銀針粉，好香好惹味，銀魚仔同肉碎好夾，好食！辣椒板麵仲以為會好辣，點知都唔算辣，啱啱好仲有馬拉菜必試肉骨茶，唔太苦，幾易入口，仲可以添飲，都幾抵整體都不錯，食物質素幾好，價錢都合理，經過會再encore！😋

今日又去大角咀試新野 麥金 裝修好有風味扮舊時既東南亞餐廳打開餐牌 原來個價錢唔貴難怪幾次經過都見到幾多人叫左肉骨茶$68 小滲 即係咩都有有豬肚 豆卜 豬手 豬腩 一字骨 雞腳 都幾多餸豬肚係最好食嘅其他肉類都係一般般可以無限添飲肉骨茶個湯 味道有陣藥材味 都幾好飲 佢地都好樂意幫你添湯叫左招牌芽菜雞飯$63雞味淡淡 但好滑係嫌肥左d 塊雞皮都幾厚唯有唔食雞皮都有幾多芽菜喺下面個薑黃飯都幾香略嫌呢個只係暖暖地唔係好夠熱另外叫咗個喇沙面個湯嘅味道都唔錯美祿恐龍跟餐加$18正常的一杯 係好飲嘅唔使加一 總括來講 性價比唔錯會返嚟食

去完大角咀搵朋友，知道附近有一間馬拉菜，於是就走去試試，裝修傳統中帶點懷舊，雖然店面面積不大，但樓底亦都高，所以感覺開揚。既然食馬拉菜當然要點<肉骨茶>，這裏餐牌有不同的肉骨茶配搭選擇。我們就是了大骨肉骨茶，用料十足，藥材味重且濃，店員還很細心給了手套我們方便食骨頭點了招牌芽菜雞飯，雞肉份量頗多，肉質嫩滑不肥，黃姜飯味香不油。娘惹叻沙， 面底揀了米粉，叻沙味濃，小小辣，料也多，蝦🦐蜆， 豆卜，魚片，蛋，如果成碗食晒，應該都幾飽肚，幸好可以開心分享。馬拉沙嗲串燒，燒得剛剛好，不嚡口，最正係個沙嗲醬，好多花生粒👍🏻甘香蝦，秘製醬汁惹味，蝦新鮮彈牙。飲品點了，怡保白咖啡，又香又滑，不太甜，桔仔話梅水，甜甜酸酸帶點鹹的感覺，解渴一流。

要試這間餐廳，首先俾3樣野吸引，第一：名字，麥金.麥金馬拉特式茶啡室，真係好得意。第二：裝修有濃濃的南洋大宅風格。第三：肉骨茶任飲。首先要贊的一定係個無限添飲肉骨茶，絕對唔求其，真材實料，香，滑，厚身。叫左招牌芽菜雞飯 $63，檳城香炸滷肉卷 $33，古來咖喱魚 $35，砂鍋老鼠粉 $68招牌芽菜雞飯 $63，其實同海南雞差不多，D雞整得好滑而且鮮雞味濃，個黃薑飯一定要試，好香，夠干身又夠軟，一流。檳城香炸滷肉卷 $33，很驚喜，裡面餡料豐富，個醬汁開胃，外香內軟，雙重口感。古來咖喱魚 $35，炸魚，火候控制得好好，唔會過濃。砂鍋老鼠粉 $68，D老鼠粉條條都好似老鼠尾，好得意，而且好彈牙。細滲 $68，肉骨茶，裡面有餸，我係肉骨茶精，唔使講，超級中意。馬來亞拉茶 $11，個茶好滑，D奶味同我地港式奶茶唔同，奶香得黎有一種好似係肉桂的味道。很喜歡這間餐廳，會介紹朋友來。

「Makan」代表食物或者吃的意思。這家以馬來西亞地道食品作主打的店子裝修很有特色，今天中午時分來到，座無虛席，要等一會才可入座。隨著午飯人潮過後，二時後就比較容易有位。 看看餐牌，店子聞名的肉骨茶有多款選擇，包括大骨、皇帝骨、一字骨、豬手仔、雞腳、小骨、三層肉豬肚及豆卜金菇。也提供大滲，即大雜燴，適合多人分享，還有一人份的細滲。首先問問店員今天有沒有皇帝骨肉骨茶 $53，皇帝骨即排骨邊，是豬胸口的軟骨和肋骨連接的部分，雖然不是最滑的位置，但少油而且肉骨茶味道濃郁，每啖也有香濃的藥材味，比坊間多家店子優勝，肉香也有藥材香，更貼近馬來西亞風味。 店員隨即奉上肉骨茶湯，並向我們說，可以再添加。還放下調味碟仔，為我們調教醬汁，兩款醬油適量，再加入蒜蓉，拌勻後來配肉吃更惹味，如果嗜辣的還有辣椒仔呢。 玻璃魷魚蕹菜 $21，魷魚蕹菜是馬來西亞地道的街邊小吃。這兒做得不錯，魷魚滑嫩爽口，蕹菜剛熟，瀝乾水份，否則成碟水汪汪，醬料亦非常重要，能提升整道菜式，撒上金蒜，更加香口。 仁噹牛肉撈配參巴椰漿飯 $60，「辣死你嗎」是馬拉語椰漿飯的諧音，青綠的椰漿飯因為烹調時加了斑蘭汁，入口椰汁

近來真係開咗好多馬拉餐館，今次嚟到大角咀呢間，感覺同深水埗嗰間好相似，但係我覺得呢間好食啲。首先一定要嗌嘅係佢個肉骨茶啦，佢喺未上正式嘅肉骨茶之前已經比定一碗湯嚟飲。最鍾意藥材味嘅我覺得非常好飲，藥材味好夠濃，而且唔會好油膩，成餐飯我應該飲咗四碗湯左右啦。另外一定要嗌嘅就係咖哩麵啦！佢比較特別，唔係一般有米粉又有油面果種，而係剩係得油面係碗湯入邊，椰汁味好重，入面啲雞非常嫩滑好好味，好易入口。最期待嘅就係佢個伽央多士，伽央多士最緊要係個包烘得趣，而佢入邊嘅醬料又唔可以太甜，加埋一齊真係一絶！講到馬拉點可以唔係拉茶同咖啡呢！呢度嘅拉茶真係非常出色，又唔會好似泰式奶茶咁甜，但係又有一種好香嘅茶香味，十級推介！不過咖啡就好似咖啡味唔係太夠，奶味偏重，但係相信都會有唔少人鍾意飲嘅。