金潮小廚

營業中

休息中

18：30去到不用等位，8個大人1個小朋友，店員都好主動按排夠寬敞的枱，坐落急不及代即刻嗌9個餸，不用5分鐘就上枱了。超正~超有速度~黃金蝦$156，好新鮮爆牛肉小朋友超鍾意食9個餸都係$966超抵食。

師傅早一排成日同食神講, 幾時得閒帶師傅去見識下佢間飯堂呀, 結果喺一個多星期前, 師傅就收到食神嫂嘅邀請, 相約一同去佢地間飯堂度食晚飯; 師傅收到邀請當然十分開心, 更窩心係食神夫婦真係記得師傅曾經要求過嘛! 於是放左監後約埋食神就齊齊去攞位, 未夠七點已經排緊隊攞飛仔, 仲要話七點九先有位, 師傅一向都知呢間食店出晒名, 所以要等都唔出奇; 但出奇在到左七點九時都不能入座, 原因係食神嫂同炒股明尚未到; 雖然呢間食店假假地係食神嘅飯堂, 諗住會比少少面啦, 但呢間食店一於少理, 都話係知你係食神定師傅, 一於冇面比, 就算食神出埋美男計亦慘敗收場!好唔容易先有位, 坐底後當然由食神同食神嫂發板, 於是一口氣就柯打左蒜蓉粉絲蒸聖子, 黃金蝦, 鯇魚皮, 啫啫通菜, 梅子骨同埋胡椒蜆! 落完單唔使等好耐就有得食, 率先登場嘅係鯇魚皮, 於是二話不說即刻開餐, 鯇魚皮入口真的十分爽, 一d都唔腥而且十分新鮮, 非常美味, 加上伴碟嘅花生亦是卜卜脆, 絕不腍口, 呢碟鯇魚皮作為頭盤確實不錯!師傅之後再試梅子骨, 梅子骨聞落去醋酸味頗濃, 但食落口又絕非這回事, 梅子骨肉身鬆軟, 入口酸中