Green Waffle Diner (擺花街)

營業中

休息中

約左朋友收工係附近食飯，發覺呢度裝修幾靚，又有幾多好評所以就一於試下！本身見佢舖頭名叫green waffle，以為啲野食係偏健康，但原來除咗有keto friendly既set之外，亦有普通西餐，例如意粉，risotto，burger咁，減肥既人士同朋友一齊出黎食飯都唔驚👍🏻我地想食下菜，所以嗌左個細既牛油果雜菜薯粒鑊仔作為小食，點知黎到份量都幾大，兩個人都夠食。入面有薯仔粒同4～5款雜菜，撈埋個半熟蛋同啲芝士食都幾惹味，有啲驚喜😌但入面有啲炒西芥同青椒，偏中式味道，同其餘餸唔係太夾，如果走左呢兩樣菜，整體味道應該會好好多🫢之後主食就嗌左和牛漢堡配薯條，和牛幾juicy，口感唔錯，但入面配左BBQ汁，有少少蓋過左啲牛味，有啲可惜…最後甜品就點左芒果士多啤梨窩夫，本身叫左窩夫轉班蘭味，但最後個侍應無落到🥲個窩夫整體幾好，有蛋味，個芒果亦夠甜！整體黎講，呢間野食味道唔錯，但未算好突出，食完之後無話邊款有特別深刻既印象想再去食，加上每款單價都唔平，係其他區可以搵到更抵食既🫢

Green Waffle 係心目中必食餐廳之一，佢嘅窩夫一直都係最好食，今次去開中環就試吓中環分店，位於擺花街最上端，裝潢好有美式快餐店感覺，座位不算好多，但樓底夠高好有空間感。中環分店星期五六仲開到零晨3點添！煙肉薯粒鑊仔 $94 （baby）叫咗餐廳名物鑊仔薯粒，baby size 二人分享剛好。鍾意佢個skillet 夠晒熱，薯仔粒夠晒香口，配合煙肉、洋蔥、青椒等配菜，還有最好食的芝士，上面再加隻温泉蛋，味道和口感都極佳。不過個人就覺得cajan chicken 比煙肉更好食。自家製和牛漢堡配薯條 $208漢堡份量都好足夠，非常大個，和牛鮮嫩鮮甜，整體都不錯。原味窩夫 $34食完薯粒和漢堡其實都已經飽，但甜品是用第二個胃的，所以還點了窩夫。今次點了原味窩夫，沒有任何餡料和topping，只加牛油和楓糖漿，更能吃到窩夫原本的蛋香味道，而且外脆內軟，大讚。