鮮芋仙 (V Point )

營業中

休息中

知道鮮芋仙一直都多人食，無諗到9點幾10點都要大排長龍！呢日嚟到至少有20人以上排緊隊，但因為好想試試佢有幾好食，所以決定排一次！排左至少半個鐘之後終於到我哋，當日有人食飽離開個時，門口就有位員工會安排隊頭既人坐低，所以完全唔驚人多混亂。叫左兩份甜品，份量超大。招牌豆花豆漿：豆花同豆漿都唔算太甜，配料有芋圓、芋泥同珍珠。芋泥先係入面最驚喜嘅！芋頭打成蓉而唔係一舊芋頭放落去，口感嫩滑creamy，超鍾意！-芋薯圓Q麻薯牛奶冰：大推！份量極大，一個人肯定食唔晒。牛奶冰滿到就嚟瀉，配料都唔馬虎，有大芋圓小芋圓冬瓜條雪糕等等⋯⋯除咗面頭既焦糖同雪糕外成個甜品都唔會過份甜，必食😍雖然出面真係大排長龍，但質素同份量絕對配得起。有機會仲會試，但等無咁多人排隊先

疫情放緩就約好朋友行街大家記得出街都要注意衛生呀~！我話一定要消費顏色圈，佢就話出街一定要嚟鮮芋仙😂好！批准！嚟到都有探熱搓手果d，出面好多店都無做朋友想食呢個大拼盤結果⋯⋯我地三個人都食唔曬因為個冰好大舊，越食越凍😆牛奶冰香甜，芋薯圓好得意，早知加多幾粒😋😋今次嚟終於加到芝麻湯圓，仲加埋芋頭大滿足😆😆

終於俾我食到鮮芋仙💛次次經過都好多人排隊今日我5點鐘去食終於唔使排不過店內都係keep住full house人氣指數唔講得笑☺️-餐牌多野揀 好多都好正咁呀☺️-先黎招牌仙草沙冰好大碗 份量超多😆入面有芋圓 仙草凍 仙草沙冰另外再加左湯圓同珍珠你睇相都見啲珍珠多到爆😂芋圓口感當然出色 一定唔會粉 而且好chewy 好煙韌 好有咬口☺️-另外叫左芋薯圓Q麻薯牛奶冰😋超震撼！勁大碟！最頂有雪糕 然後有好重牛奶味嘅冰 係幾甜嘅我好中意😂其他配料逐一講下-芋薯圓！ 我大推呢個比起芋圓 我更中意有料係入面嘅芋薯圓咬出黎睇到入面嘅芋料 有層次而且好好味個皮嘅質感 厚薄程度剛好超正呀！話說我好想食嘅Q麻薯賣晒店員話我可以揀兩款加3蚊嘅配料 或者一款加6蚊嘅配料我揀左6蚊嘅芝麻湯圓返黎睇返啲相原來Q麻薯有8件咁多我揀芝麻湯圓得兩件咋😭😭😭😭😭講返個湯圓入面芝麻料好多 個皮我就覺得稍為厚左少少冇芋薯圓個皮咁出色不過整體都係好好味-冬瓜凍同小芋圓都係一貫嘅出色口感 賣相 完全無問題-呢個牛奶冰真係好大碟 大過我塊面😂如果我食到Q麻薯就好了😭同埋轉左芝麻湯圓俾多少少我都好呀😭-叫之前唔知會咁多咁飽仲有杯小芋圓冬瓜

因為向來我跟我朋友都喜歡吃芋圓，剛好在CWB為我慶祝生日。朋友就提議不如吃芋圓，就是造樣我被帶到鮮芋仙了。我們點了芋薯圓Q麻薯牛奶冰，因為有幾種芋圓都有。可以一次過吃幾種芋圓，牛奶冰對我來說有點偏甜，但是配的4種芋圓都很好吃~~但是對兩個女生來說份量有點多，如果是跟另一半來吃要看對方的對甜品的食量如何。這樣一大盤的牛奶冰才$52，如果是在我家附近我應該會每天都去吃。

之前係內地食過鮮芋仙，是日晚上係銅鑼灣vpoint 竟然見到有分店！晚飯時間仲未見到人龍，但食完飯再去就人山人海，排隊排到出面了。現場係自助形式入座，大家要一邊排隊一邊搵位，有少許混亂，店面不算大，中間座位坐滿有少少擠迫。因為好想食麻薯，所以點左呢個牛奶冰，非常大盤，牛奶味都好重，以呢個價錢有咁多配料算唔錯，同埋配料同個冰底都好夾，唯一美中不足係冰粒有少少太粗，咬到頗粗既冰粒，但整體都唔錯，會再光顧嘗試其他甜品。

芋薯圓Q麻薯牛奶冰 🍡🍨🍠🍼尼個真係超高cp值，又好味，份量又多，款式又多最頂果層有個雲呢拿雪糕🍨，味道都好好食，個咪唔會係好假，好cheap 個d味而啲冰、全部嘢食表面都有一層焦糖汁🍦，尼層汁令全部嘢食嘅味道昇華😋😋配料方面最有驚喜嘅係芋薯圓，原本以為佢係將芋頭同番薯溝埋，但原來係個皮係用番薯整，而個餡用芋頭整，完全估唔到😱d細細既小芋圓，份量好多，溝埋落啲冰度就好好食而Q麻糬，好煙韌，仲有兩個口味，但係我就分唔到係咩黎😍😍而啲冬瓜凍，以為佢會Hea Hea地，但係都好好食

今日收工後仲早約左朋友去銅鑼灣食晚餐，時間未到便來到燈龍街的鮮芋仙食左個甜品先原定計劃來此店食熱的芋圓或仙草，一入到門口便看見有顧客食一大碟的牛奶冰好像好吸引需要自行去櫃檯拎餐牌，再去order有部bibi機響後，自行拎 食完都記住自行拎去回收處芋薯圓Q麻薯牛奶冰 $52芋薯露 Size就像西米露，但食落有煙韌的口感同平時大大粒的芋圓也有分別小芋薯 做法係湯丸，看落似芋圓，食落都以為係湯丸，一咬原來入邊係流心的芋溶流出來Q麻薯 一條條的麻薯口感煙韌有2款口味冬瓜凍 似冬瓜晶瑩剔透，軟軟的啫喱倒了很多牛奶，煉奶，黑糖令到個冰超有味，最上還配搭了一球雲尼拿雪糕味道 賣相 衞生 服務 抵食 推介

🍰ᴅᴇssᴇʀᴛ·招牌仙草沙冰 $45﹟果然係招牌甜品😍最底層有透心涼既既仙草冰, d冰都夠碎, 清甜冰涼岩曬夏天食, 中間就有滑嘟嘟既仙草凍, 而最上層就當然係超級煙韌既芋圓😋粒粒都好有嚼勁, 好Q彈!﹟一開始可以唔好落奶試下個仙草既原汁原味, 食到咁上下可以落奶食, 又係另一種風味😗🍰ᴅᴇssᴇʀᴛ·芋薯圓Q麻薯牛奶冰 $52﹟一睇就知依個冰山份量唔野小, 中間有牛奶沙冰同埋雲呢嗱雪糕on top, 而側邊就有成4種唔同既材料, 分別有長條形既黑糖同牛奶味Q麻糬, 迷你小芋圓, 爽滑既冬瓜凍, 仲有自家出品既芋薯圓, 橙色既蕃薯表層包住入面既仲有芋泥, 味道好夾, 有口感😋份量咁十足當然強烈建議搵埋朋友仔一齊把冰山劈開😂🗻🔨

呢日烈日當空, 好鬼熱,遊行到灣仔, 停下來休息一下, 咁岩畀我地見到-鮮芋仙!有芋圓甜品, 有小食, 有飲品。落單後拎住呼叫器坐低等食,呼叫器響時, 就可以行出COUNTER拎食物。 我地叫左:芋薯圓Q麻薯牛奶冰( $52)同招牌仙草冰沙 ($45)。芋薯圓Q麻薯牛奶冰( $52)呢款有芋薯圓, 小芋圓, Q麻糬,冬瓜凍。一個甜品, 多重滋味呀!一上枱, 真係嘩左一聲, 好大碟! 好似座山咁!2-3個人食都可以!$52真心抵食呀!牛奶冰好好食! 香甜練奶味!啖啖都香甜, 唔會只係得出面個層有味呀!內裡都有味的!小芋圓, 細細粒, 煙韌~芋薯圓, 我本身以為佢係大粒芋圓來咋, 但原來..入面有餡嫁! 好似湯圓咁入面有餡!有芋蓉係入面!Q麻糬都好煙韌香甜!最後仲有冬瓜凍~呢個相對就淡味D~但口感都唔錯!似爽口既JELLY!招牌仙草冰沙 ($45)呢個有芋圓, 仙草凍, 仙草冰沙,CALSSIC D囉~但味道都好好!好消暑!