和氣食堂 (河畔花園)

營業中

休息中

朋友大力推介，佢屋企附近有間人氣超高嘅平民屋村嘅日本餐廳。CP值超高。地點唔太易去，要坐馬鐵or 巴士 or 揸車。泊車好難，要有比$320 嘅心態，睇你好唔好彩。晚上9點都full 哂， 要食嘅記得早幾日打去book.如果唔係walk in 要等到2046.見差唔多檯檯都有叫嘅芒果三文魚加州卷果然係必食。好fresh, 芒果同三文魚好match柚子芥末燒一口牛明太子雞肉串師傅燒得好好，個汁好高質。抵佢咁多街坊同外區客人黎食野菜天婦羅稻庭冷烏冬天婦羅啱啱炸好，外脆內軟夠晒熱，個粉薄個烏冬就正正常常，點個汁就好開胃。一個人食啱啱好。

今日喺沙田放工就上網睇下有咩嘢好食😬見到呢間日本嘢好評幾多😄就call姊妹一齊去左食野去到嗰陣就嚟滿曬人好彩我哋得兩個人所以唔使等就可以即刻入去食嘢發現餐牌都幾多選擇😊由於兩個人比較細食但係又好肚餓😂就嗌咗一個主食再加埋啲其他嘢呢度啲壽司都幾好食但刺身就有啲貴😅而且呢間仲有埋串燒最緊要嘅係呢間平有平食貴有貴食無論食幾錢都會覺得滿足😏環境都唔錯一個人食抑或同朋友聚聚舊都好好對於我嚟講回流率都頗高😉

意外 - 果然係意料之外！隱身係屋苑中間，低調得黎又高質！生蝦刺身比一黎刺身黎講大隻同厚身多少少，凍既程度岩岩好，唔會有冰，亦唔會暖左！😁加州卷我一向都麻麻架啦，但加左芒果同三文魚就唔同講法啦！咪咁睇以為d芒果好生會酸呀，其實好甜好夾三文魚，咁既季節都食到香甜芒👍🏼👍🏼👍🏼太愛三文魚啦，叫多左個三文魚五味！有牛油果（最愛）口感一樣軟滑細膩，海膽份量好大方得體，炙燒既鹽上面有陣陣既咖哩味仲有炙燒芝士又香又濃！最驚喜係呢個炸魚仔 - 小池魚！炸粉好薄，香脆得黎唔熱氣唔硬，條條手指咁長咋（我d手指好似有d短）😍😍😍串燒要左燒雞翼，我鐘意食，表面乾身，但入面一d都唔乾！小番薯又甜又好味！最黎黎個黑豚肩燒丼，肉質完全唔同，個醬汁好夾，好好送飯！