亞萊泰 (淘大商場3期) (已結業)

從前覺得泰菜都幾難整得難食（果然沒有比較沒有傷害😂😂），前個星期試食完另外一間所謂泰菜之後，一直覺得心情有啲缺失😂，今日終於約齊上次一齊中伏嘅屋企人再去食過，食番有保證嘅AROI THAI😋😋食咗好多次，第一次為佢寫食評🤣食泰菜，肉碎生菜包係必點，枱枱都嗌，肉碎有剩要嗌個白飯撈汁清底😋泰式豬頸肉炒茄子第一次叫，味道唔太咸好惹味～可以再encore！咖喱蟹肉農夫包⋯佢一到，連鋪喺面嘅蟹肉都係熱～蠔餅估佢唔到咁大份！同埋因為後到，所以食到尾有啲漏～咖喱蟹肉農夫包同蠔餅真係建議多幾個人嚟可以叫，一人食少少就滋味+唔會太飽啦☺️最後必點係芒果糯米飯，個芒果🥭勁甜完全唔酸，個飯如果涼少少就好⋯比較驚喜係佢連個椰汁都係熱～非常好食！AROI THAI有專人企喺出餐位等出餐，所有菜式嚟到都係熱辣辣嘅，食到底都仲係好熱👍🏻👍🏻熱食唔熱真係好影響味道同感受，所以我好強調佢真係樣樣都熱👍🏻（唔會好似另一間店咁，啲食物一落枱就全凍，你問佢佢仲要答你冷氣太凍、風太大 等等唔成理由嘅理由）嗌埋特飲埋單都係$53X！好食又抵食，而家多咗間伏店神助攻，呢排又比平時更多人等位⋯要食又唔想等位就真係要早啲食喇！

收工肥髀打電話來話想食甜品芒糯米飯，落車換在淘大呢間泰國菜買外賣，店面大裝修靚，米色主色唔娘，入內我去櫃臺落單，本來想出去等，收銀叫我坐低我（當時唔爆場）等咗一陣就出到芒果糯米飯（$55）外賣盒加$1，包裝簡單發泡膠盒，返到家打開賣相幾靚（以經過一輪車程）芒果比得幾多，酸甜唔假，果肉無筋好嫩滑，好味，白糯米飯加椰汁芝麻，有蕉葉墊底，賣相原錯，但質地太實，肥髀同外賣膠叉𢳂到膠叉斷咗，我用刀叉切成小塊，糯米稔韌，唔太甜煙韌，味道不錯！店員有禮斯文，又招呼我坐低等，幾nice糯米飯如果唔咁實會更好