泰簡單

營業中

休息中

估唔到銅鑼灣都有間咁出色的泰國菜，仲要咁近地鐵站，裝修仲好靚，食物質素都唔錯😝😝椰汁雞湯 (small) 有少少辣，味道類似冬陰公，酸酸辣辣，但又好香椰香味～菠蘿炒飯份量好足夠2-4人食，炒飯炒到粒粒分明，仲有好多唔同配料，例如菠蘿、海鮮、肉鬆，食完好滿足～泰式烤魚用左鹽、泰式香料去烤，所以香噴噴，食落唔會好多骨，魚肉都幾滑幾入味，點埋泰式酸辣汁，仲yummy，不知不覺就食哂成條魚！芒果糯米飯好足料的芒果，堆到成座山咁高，底層係紫糯米飯，淋上熱辣辣的椰漿，再配上又甜又大粒的芒果🥭，yummy!白馬王子呢款特飲好有驚喜，由椰奶再加上馬蒂粒粒而成，飲落好有咬口，好清爽。

地址：銅鑼灣總統戲院頂樓 (銅鑼灣站D4出口行大概3分鐘，總統戲院隔離右手邊有入口直上餐廳)泰菜永遠都食唔厭，今次誤打誤誤撞嚟到銅鑼灣鬧市一間環境舒適，幾有情調嘅泰國餐廳。餐廳外面有一個好大嘅平台，提供非常寬敞的户外空間比大家放工輕鬆。如果大家怕吸到煙味，可選擇室內位置，環境同樣舒適，仲可以飽覽外面的景色。食物方面都算幾有特色，如出面好少食到的蟹肉米粉生菜包。芒果糯米飯造型都别出心裁，整到成個蛋糕咁，好適合叫嚟慶祝生日。其他菜式嘅味道就不過不失，炒金邊粉略嫌不夠鑊氣和過甜。蟹肉米粉生菜包 ($88) 👅: 88.63 分 皇宮大蝦蛋網炒金邊粉 ($138) 👅: 76.03分 馬拉盞炒椰菜苗 ($125) 👅: 81.11分 芒果糯米飯 ($60) 👅: 95.44分餐前小食(蝦片) ($13) 👅: 94.12分 環境: 👍👍 👍👍 👍回頭率: 👍👍👍 訂座: ✅等候位置時間: 地方大，不用排隊

好耐冇嚟呢間泰菜，今次同朋友試吓係咪同幾年前一樣好食😆呢度座位好多，仲有戶外位，如果涼涼哋都會幾舒服😉一坐低會先有蝦片食😆朋友一睇menu就話想食金枕頭 ($158)😋佢係一個麵包裝住咖哩同蜆肉，個包外脆內軟，而咖哩係嗰款泰皇咖哩，偏甜少少，唔辣嘅～配埋好多好多蜆肉，呢個好好食😌我哋仲叫咗個柚子沙律 ($98)～份量都絕對唔少，調味適中，酸酸甜甜，只係略嫌柚子肉有少少苦～另外仲有燒豬頸肉 ($96)～估唔到呢個都幾多，燒得好香而且仲保留到肉汁，配埋佢個辣汁食好惹味😚👍🏻要飲食均衡啲仲叫咗一個飛天通菜 ($95)～呢個冇咩特別所以都唔記得咗影相🫣不過食落有少少太鹹～最後梗係叫咗個芒果糯米飯 ($60)啦～我哋叫咗黑色，啲紫米好煙韌，芒果有一半甜一半酸，不過呢個份量就少咗啲，未夠滿足🤣整體嚟講都係一間幾chill同食物質素唔錯嘅泰菜😉

🇹🇭 泰簡單 🇹🇭食飯就是這麼簡單🥰小食拼盤 $195木瓜絲沙律 $76鮮椰青 $48芒果糯米飯 $50泰霸道 $598炭燒豬頸肉 $79一入到餐廳環境10分舒適就好似去咗泰國嘅spa咁樣環境暗暗地，又有一啲香味🥰木瓜絲沙律好正有埋蝦乾👍🏻小食拼盤各有特色，蝦餅非常彈牙😋豬頸肉燒完仍然10分Juicy😵唯獨係個泰霸道就有啲失望因為佢已經拆晒啲蟹肉出嚟係啲咖喱度但係又有啲蟹殼一齊所以食嘅時候覺得唔係好安心😓而且成個咖喱好鹹😅最後食返個芒果糯米飯😇芒果十分之甜，個糯米飯仲係熱嘅👏🏻非常之正嘅配搭😍價錢唔算相宜，但係環境都算舒適，而且店員都係泰國人，呢個都係一間尚算正宗嘅泰國菜但其實香港仲有好多間泰國菜都做得好正宗，價錢相對平少少，都可以有更多嘅選擇嘅🤪

我由港鐵銅鑼灣站行去餐廳，餐廳喺謝斐道517號總統戲院頂樓，好似行幾分鐘都到。大家去到總統戲院，望到呢個門口，寫住「泰簡單」，去到頂樓就到餐廳。我喺星期日大約2pm去食，唔使排隊直接入得。上網見啲人對餐廳評價唔錯，就決定嚟試試。我食完覺得啲食物大件而且抵食。餐廳門口整得幾靚。今次叫咗2個Lunch set，lunch set包野飲(凍飲冇加收錢），再加一個芒果糯米飯，埋單189元，平均每人94.5元。第1個餐係泰式鮮蝦炒金邊粉口感酸酸甜甜，幾開胃，而且個粉質地炒完唔乾身，幾易入口。個餐份量超級足，我食極都未食完，建議大家share啲俾朋友食，唔好浪費食物。第2個餐係豬肉碎煎蛋炒飯飯量同樣好足。我本身好鍾意食辣野，覺得炒飯嘅辣度唔錯，肉碎又惹味，同埋飯都炒得唔乾身。第3樣食物係芒果糯米飯我咬芒果前，勁驚佢好酸，但反而係勁甜。芒果再配上熱笠笠嘅飯，好好味。今次食嘅3樣食物中，最鍾意芒果糯米飯。呢個芒果糯米飯唔係set嚟，散叫。散叫食物另加1，即係55加1=60.5元。當我食到一半，先發現等多陣就有tea set，tea set唔止平啲，食物款色都同lunch set唔同，有啲都幾吸引。雖然

係灣仔行行下，H先生🧒話想食泰國菜🇹🇭，咁就上網搵下附近啦，點知就搵到佢。位於銅鑼灣總統戲院頂樓，一間分開indoor同outdoor(可吸煙區)，環境幾有feel😌-😋Pad Thai 皇宮大蝦蛋網炒金邊粉 $138👍🏻望落濕濕地，但食落又唔太濕，甜度適中，好食😍-😋炭燒豬頸肉 $98👍🏻燒得好入味，份量算多，幾個朋友share都得👯‍♂️-😋酥炸軟殼蟹 $168👍🏻味道好，有膏，但份量較少-😋芒果糯米飯 (有黑/白糯米揀) $55👍🏻望落好細，但食落好飽😂，芒果唔酸🍋-另外一提，餐前小食 - 每枱都比既蝦片要$13，但物超所值，非常好食😋

泰國餐廳成日食同音字「太」黎改名就好常見嘅，今次依間泰簡單係銅鑼灣都好出名就真係一啲都唔簡單，門口較隱蔽，位於總統頂樓，未入去已經見到好多得獎既展示一入去既裝修又靚又精緻，非常吸晴準備坐低你就知點解佢係頂層！！佢有天台既户外座位氣氛完全無得輸餐牌實在好多選擇，從豪試佢既得獎菜到中價泰菜到淨飲野都得先試下佢嘅生菜包，賣相不錯份量相對唔多，但香料足，味道正唔會太辣而又夠味，風味十足，生菜可以搵佢加既另外叫左個燒豬頸肉，份量特多，十幾廿塊燒烤味好香，做到外脆而都仲有肉汁既，肉質亦算嫩依個菜推介，送酒仲一流加多個泰菜必食甜品芒果糯米飯，佢擺成好似四方體咁芒果係上面飯係入面，係靚既食既時候飯仲熱，加上椰汁配埋凍凍地既芒果係正既飯既口感相當不錯，黏得黎唔會好硬，加埋個汁好夾到芒果大舊多汁，略嫌有啲酸仲叫左個Asahi Tower享受下天台户外飲嘢既正個tower都係唔使四百，同你去酒吧飲差唔多，仲有蝦片任你食，實在係抵坦白講淨係食個氣氛環境都無得輸淨飲野都正，食物又高質，地點又就腳，絶對大力推介#市區得好緊要但完全唔噪#到依家都唔明點解走廊有張床#好正但唔想太多人知太多人去🙈

我和朋友聚會選擇左係銅鑼灣這間泰國菜，店鋪十分舒服，有得坐室內同室外，我地叫左4-5樣野到，食物好快上到，但份量麻麻，食物味道幾好，喇沙米線吾會好辣，但米線量好少，串燒既醬好好味，有點似花生醬咁但點落好配合，炸蝦餅炸得好脆好好食，芒果糯米飯好好食，但份量好少，價錢有點貴，但我都推薦大家去食下，呢間店係銅鑼灣，係總統戲院上面，睇完戲又肚餓不妨考慮一下，呢度位置好方便。呢間店既員工態度好好，我地叫錯左另一道菜佢地都願意同我地換。

銅鑼灣食店成日換新，無邊幾間捱到貴租，行過發現原來泰簡單都依然存在，所以今晚就同朋友上黎食飯。 記得良久之前都已經嚟過泰簡單食飯，都幾好味，仲記得招牌菜金枕頭好正，今次要再試下。  今次我地坐 outdoor，有泰國 feel，今晚唔太熱，唔太多人，飲啤酒吹下水，氣氛一流！ 如果怕熱，可以人土室內，地方都好寬敞，不過冷氣好大，要帶外套仔。  我哋兩個人叫咗四個餸：冬陰雞湯 $ 69冬陰公唔太辣，都夠足料，適合啲唔鍾意太重口嘅人，所以我就覺得麻麻地，我prefer 一飲落口就食道發熱果重辣虎蝦蛋網炒貴刁：即係 pad Thai  $108Pad Thai 就炒得好乾身，味道正宗，個粉都好爽口，呢個就值得 encore。金枕頭：即係法包+咖喱+蜆肉 $110 份量都幾大，兩個人真係食唔晒。今次個咖喱唔夠味，味道唔突出，一般般，係有d失望。芒果糯米飯 $50食泰國菜一定要食埋芒果糯米飯，佢個糯米飯唔太甜唔太椰，好多芒果，芒果都夠甜，正！今次都可以話不過不失，以前覺得好好食嘅金枕頭，今次就覺得水準一般，不過銅鑼灣兩個人食人飯，一個人頭$200 唔洗，其實都係算性價比好高，食物份量都算大，一大班

最近秋風涼爽，最鍾意就係BBQ或者露天食飯。但係係港島區，呢兩樣都好難做到。諗起銅鑼灣的泰簡單有露天區域，就打去Book位食個靚飯。實在太多人了，一行6人去到都重要等一等先入座。露天最舒服既就係有少少風吹過，加上望到個天空，心情特別好。泰燒豬頸肉，咬落去都有不少肉汁，口感比較軟身不夠紮實，可能有用過梳打粉去鬆肉，影響口感。炸蝦餅好出色，所有蝦餅炸過後一開二，表面炸得脆身，而入面的蝦膠好彈牙，味道不算重，配上泰式辣醬岩岩好。冬蔭功(中)，大約可以盛到8-9碗，份量十足，好多蝦頭同蝦身(分開哂)。味道不算太辣及太酸，味道易於入口。蝦肉的口感唔錯幾結實，好開胃。要食咖喱當然要食薄餅啦。薄餅煎完之後比較硬身，餅身不夠鬆軟香口，好普通。泰式肉碎生菜包好好味，辣味好過癮，酸酸辣辣好開胃，包哂係生菜包入面，口感大爆發！泰式炒通菜，冇咩特別，炒得比較油膩，麻麻地木瓜沙律，味道偏辣，幾酸下。唔食得辣的朋友唔好挑戰。豬牛雞串燒，真心係麻麻地，肉質全部都好有鬆肉粉的感覺，不夠結實香口。沙嗲醬都冇咩特別，唔夠出色。泰式炒金邊粉，呢個好食，味道岩岩好，好香口。金邊粉炒得乾身，配上花生碎，好味道。豬仔脾咖喱，豬仔

雖然去既時間係星期日，不過因為早既關係（11:00），所以無咩人客，唔使等位：p去到d 阿姨態度好好，會介紹下d野食跟著就揀左冬陰公湯（小），泰霸道，芒果糯米飯，椰青同椰汁糕。芒果糯米飯既椰汁好足而且好香好濃郁，所以我呢個椰汁控食得好開心。而糯米係熱既而且尚算煙韌，芒果好甜好香，總括黎講唔錯唔錯。冬陰功湯好足料，雖然叫左小size，但都有三隻蝦同好多好多香料。望落色澤鮮艷好吸引又好香，飲落好濃郁，而且辣度適中，會feel到喉嚨有d灼熱既感覺，唔錯泰霸道係一個好大好大好次蒜蓉包既野，上碟既時候會預先切開一塊塊，包下低係一片金黃色既咖哩汁。食落真係好驚喜，熱辣辣又香濃既咖喱汁配上軟綿綿微溫既包，呢個組合無得彈相比之下椰汁糕無咩特別，有西米係入面，同埋都有椰香，但係唔算抵食。@@最失望係椰青，飲落次糖水，覺得完全唔值呢個價錢＝_=不過總括黎講係好滿意既一餐，同埋建議大家要小心選菜色；pp