味火鍋 (雅仕洋樓)

有朋友極力推薦這間味火鍋，剛好有兩位朋友生日要食生日餐，所以就決定試呢間，裝修幾特別，而且座位寬敞坐得舒服，因為我們有九個人，餐廳特意安排了房間給我們，非常細心！這是任食的我們六點開始入座，食到10點！因為有九個人，所以我哋可以試齊酸菜魚、魚肉嫩滑，酸湯非常夠味，好味道我哋連湯都飲埋。雞煲~用自家製秘製汁去炒非常惹味,雞肉嫩滑不鞋口，吸收咗濃杰嘅秘製醬汁好好食。芝士焗龍蝦～ 新鮮彈牙，加入大量濃郁嘅芝士一齊焗超正。到達芝士焗生蠔~又係落大量芝士同焗，生蠔非常鮮甜肥美。每人試少少不敢食得太飽，因為之後仲有重點海鮮打邊爐！非常推介手砌牛很美味九個人可以開兩個喎，要咗一個鴛鴦鍋，一邊冬陰功一邊同椰子雞湯底，冬陰功湯底超級夠味，食材都唔使再點醬料，椰子雞就冇乜特別！除太量醬料任你溝之外，仲有大量汽水任攞任飲。最後個個都食到捧住個肚話飽，嗰陣時間都只不過係8:30，大家都不約而同話下次再嚟呢間食，最重要係不限時間，而且性價比超高！

4️⃣部曲：首先簡頭盤先，有焗龍蝦、焗生蠔、雞煲或酸菜魚簡，樣樣都好吸引😍之後開始打邊爐，簡湯底同火鍋配料。首先會送四式前菜拼盤，款式都唔馬虎👍🧀焗生蠔有3隻😍龍蝦🦞口感唔錯，佢地上面層芝士好正🤤鴛鴦湯🥘蕃茄薯仔濃湯鍋 x 四川麻辣鴨血鍋湯底足料，蕃茄味好濃，鐘意茄湯既朋友必叫👍，麻辣鍋小辣唔算好辣，好惹味皇牌火鍋拼盤開頭唔駛落食物住，佢會送上兩大拼盤同蔬菜拼盤，都好多野食。時令海鮮拼盤勁豐富💯有墨魚、北海道大元貝、龍躉片、海蝦、鮑魚、自家製手打墨魚丸同蝦丸、廣島蠔同日式蟹棒。海鮮好出色，勁推鮑魚，好爽彈，而且唔韌。美國安格斯牛肉拼盤有手切牛小排、牛肩胛、封門柳、牛板鍵，都好正，肉味濃。佢會比張QR code你落單，都幾多野叫，有肥牛、黑豚肉、丸類、水餃、菜類、鴨血、魚皮響鈴等。出面有樽裝汽水任飲😍😍仲有果汁茶等好多選擇。我地加單叫左支酒飲🍶最後埋單只要like社交平台，就有Mövenpick雪糕食😋第一次黎食，絕對滿意，估唔到食物款式同質素都有水準，仲要無限時任食。