芝麻綠豆甜品屋

營業中

休息中

剛剛在黃埔紅磡附近吃完晚飯後，想食甜品。附近看到有這間叫芝麻綠豆的店，這個名字令人印象深刻啦，哈哈。本身想顧名思義食芝麻糊加綠豆沙，但係頭先食得太飽，所以都係嗌返招牌的芝麻蛋白燉奶好似冇咁飽肚。這個芝麻蛋白燉奶有幾有創意，雖然芝麻糊同埋蛋白燉奶好似都好常見，但係將佢哋溝埋一齊，就有一種新鮮感。而且兩者的配搭也不錯，食熱的蛋白燉奶會比凍的更加有奶味同埋會更加嫩滑。枱面上有一個教學教你點樣食呢一個芝麻蛋白燉鮮奶。所以用一碗嘅價錢就可以食出三種感覺，食到一口芝麻糊的感覺，食到一種蛋白燉鮮奶的感覺，最後就食到入口芝麻糊溝蛋白燉鮮奶的感覺。令人哋覺得好抵咁同埋好似好過癮。推薦，可以再來。

特色甜品是一門藝術，享用時亦有竅門。🤩就像 #芝麻綠豆 的 #芝麻蛋白燉奶，先品賞蛋白，再讓芝麻糊震撼舌尖，最後把兩者拌勻享用。芝麻糊甜度適中，燉奶、蛋白嫩滑。😋物價高漲的香港，性價比亦是重點， #雪耳馬蹄露 用料足，馬蹄爽、雪耳潤、蛋花滑，價格物超所值。😘還想試蕃薯糖水、燉雪梨！可惜已飽飽😂有人話我的食評很少負面意見，只因好味與否是主觀的，因我的正評而嘗試可能有驚喜；然而因我的負評而不嘗試可能走寶。#嘴刁Raymond #宇宙級嘴刁 #MagicRaymond

天氣涼涼地最岩食中式甜品潤一潤第一次試呢間芝麻綠豆。貪佢中式得黎又有啲西。仲有佢入面啲座位都幾寬敞。唔似好多甜品店為求做多幾枱生意就將啲枱逼埋晒一齊。焗促到坐多陣都唔想第一次黎當然要試下人地啲招牌甜品見佢咁得意特登整番芝麻呢點係個面。決定撩下佢睇下變成點結果係咁。。。個人覺得撈埋晒咁食其實唔好食。。可能我唔係芝麻糊fan屎。啲味道撈埋晒好似什麼都不是咁都係一羮羮咁保留番大部分係燉奶。小部分係芝麻糊個味會出啲另外仲叫左個馬蹄露講真我就唔係好覺有雪耳。可能係咁岩我果碗冇?? 不過味道係唔錯!食馬蹄露最正梗係要有馬蹄口感啦佢真係有好多馬蹄架仲要個size好岩。唔會大到好over.但又唔會細到咬唔到好似茸咁。所以推呢個！

上次和同事吃過之後已經想寫食評，但沒有影相，所以最後沒寫。難得今日再去，決定再encore這個芝麻蛋白燉鮮奶。我喜歡芝麻糊，但平時要我一個人完成一碗，我好會覺得太多，會好飽，做不了飯後甜品。但這碗因為有一半是燉奶，所以覺得會減低小小飽肚感，而且又可以滿足一次吃兩款甜品的慾望，個人特別滿意，哈哈。先吃第一層的燉奶，好滑好滑，只有小小甜。之後第二層，是比燉奶甜一點的芝麻糊，芝麻味好濃好香。第三層就是就是把兩者混在一起吃，變成它說的全球首創芝麻蛋白燉奶。下次路過這裡聞到陣陣芝麻香時，不仿入去試試。

食完串燒，B先生仲話未飽，醒起附近有間糖水店不錯，雖然等位等到傻，不如去碰一下運氣。走過去的時候，看見很多人聚在店外，以為一定要等位，但阿姐招手讓我們進去，原來２個人不用等位，LUCKY～桌上有說明書說先吃燉奶，再混合芝麻糊一起吃出MIX的感覺。燉奶甚為滑口，我挖啊挖，挖到燉奶的深處才看見黑糊迸發而出。其實這樣的設計很適合不能吃太多芝麻糊的朋友，而外表看來，白茫茫中有那小黑點相當的趣緻可愛，比黑乎乎的一碗要好看。兩者相比，我則喜歡芝麻糊多於燉奶。在芝麻糊底燉奶面的情況下，芝麻糊要夠濃夠杰，才能支撐起燉奶，以免在製作過程中就已經二合為一，可見這樣的設計的前提，要對芝麻糊的品質有絕對的信心。我原本不太好芝麻糊，但它芝麻味濃又不太甜（也可能是只有半碗的份量，哈），混上清淡的燉奶，VERY GOOD!隔籬來了三個人，叫了四碗芝麻糊吃就知這裡的芝麻糊有多足料。在選擇這個甜品時，B先生的理由是：其他個D都係香港首創，呢個係全球首創喎！呢個勁Ｄ!最初我以上它是「綠豆／芝麻／爽爽冰」，上來才知道是「綠豆／芝麻爽爽／冰」。綿花冰和汁底是花奶做的，綠豆蓉綿綿的（B先生問我綠豆為什麼是黃色的=.=），但芝麻