寢宮

營業中

休息中

趁住週末出嚟輕鬆下，本來想喺諾士佛臺是但搵間bar坐下，見網上推介呢間樓上酒吧，話除咗酒有特色，食物嘅質素都唔錯。酒吧地方寬敞，枱同枱之間空間好夠，有好多大枱，仲有桌球玩，好適合成班朋友開party。Flower Market係蝶豆花加檸檬，有一杯小小嘅檸檬汁加糖漿，加入後攪勻就會由藍變紫，好夢幻。蝶豆花本身冇咩味道，所以飲落檸檬味比較突出，酸酸甜甜幾清新。朋友本來想叫Thaijito，感覺好有新意，但冇香茅所以整唔到，唯有叫Mojito， 薄荷味較重，味道清爽。蒜辣雞翼條非常有驚喜，開邊雞翼經過醃製，味道香濃，外皮炸得酥脆，加上蒜粉，非常之惹味！同朋友一人點咗一份set meal，先送到嘅係簡單嘅沙律，以沙律菜同青瓜為主，淋上小量日式芝麻醬，清新開胃。南瓜湯味道濃郁，質地微稠，入口非常creamy，我同朋友都大愛。燒羊鞍質感嫩滑，幾乎入口即溶，加入香草芥末配露絲瑪莉汁，食落一啲都唔羶，如果份量大啲就完美。肉眼扒五成熟，色澤粉嫩而且一啲血絲都冇，入口肉汁豐富，肉味突出，水準唔錯，如果厚啲就更好。另外必須一讚佢嘅伴碟，炸蓮藕片非常酥脆，味道帶有絲絲微甜，食多幾塊都唔會膩。酒吧地方大又有私

一聽到寢宮呢個名，感覺似係食中菜，點知望真d原來入面大有乾坤一行入去就覺得好似酒吧格局，又有桌球枱，而且仲有可以比你坐比你玩既搖搖櫈，用來打卡一流呀叫左2個dinner set, 首先食個頭盤，新鮮青瓜沙律，配埋紅白蘿蔔絲同埋烘多士粒，口感又脆又爽而且好fresh餐湯飲得出絕對唔係用粉開出黎，而且非常足料香蒜辣椒檸檬汁炒蝦 - $128叫左dinner set 之後想加d 小食，侍應哥哥話呢款佢自己都鍾意食，相信下佢，大大隻鮮甜爽滑大蝦配埋辣椒汁檸檬汁，刺激味蕾，醒神又開胃蒜辣雞翼條 - $88雞皮炸至金黃色，賣相已令人垂涎，炸粉厚度適中，食落不算油膩，配埋惹味蒜辣粒，令人一食難忘美國肉眼牛扒配燒肉汁 - $328一塊靚既牛扒係唔洗太熟架，所以叫左5成就剛剛好，d鮮嫩肉汁鎖晒喺入面，一切開香氣瞬間爆發，口滑更加係嫩滑無比香煎盲鰽魚柳保雲絲 - $258鍾意食煎魚既朋友一定唔可以放過呢個盲鰽喇，煎得香脆之餘又唔會dry, 值得一提係上面既香脆甜薯片同埋香芋薄片，非常有心思最後飲埋餐茶就走喇

由尖沙咀站B1岀口行去要8-10分鐘，地理位置容易去。每張枱都會有獨立一盞枱燈，現場既氣氛唔錯，有適合情侣坐既枱，亦有適合一班朋友聚既枱，但要影到靚既野食相就要花啲功夫打燈啦。前菜有沙津有湯，份量都岩岩好，開胃同埋好飲既，重點係個碟好靚。Coffee special mix: Up to you被佢個名吸引到，餐牌冇解釋到係咩黎，但杯野飲黎到既時後server就有解釋到係咩黎。其實係一大杯齋啡，側邊有四個細杯分别裝住奶、朱古力醬、糖水同酒，落咩落幾多都“up to you”，幾有趣亦十分乎合佢既名稱。Beauty with King: King Mud-Lun-Yam 傾乜撚飲又係被佢個名吸引到，有以中國四大美人為名既cocktail系列，友人就揀左皇帝。係以Whisky,Bianco, Fresh Line同Soda溝岀黎既，飲落似加左酒既檸檬汁。係個杯幾特别，用兩個杯黎裝住，個款又真係幾皇帝既。香蒜辣椒炒牛柳粒擺碟好靚，有心機，份量岩好夠兩個人食，似豉椒排骨既醃料，牛柳煮得夠冧，切到一啖一粒，好食。蒜辣雞翼條份量頗多，有五六隻雞翼分開兩舊骨去炸成條狀，乾身唔油膩，咬落去唔會岀油，有

上次朋友黎過話啲野食唔錯同地方幾舒服, 所以帶左我黎試下.可能我地比較早, 所以比左梳化位我地.地方問算好大, 都擺左幾樣娛樂設施比大家玩.我叫左杯西施, 係橙汁底加左Rum酒, 同水蜜桃果泥, 甜甜既酒好好飲。朋友就叫左杯王昭君, 佢話酒味比較重, 帶點酸味.香草青醬雞肉芝士意式飯球, 炸到香脆既米飯夾雜住雞肉, 包住濃烈既芝士, 又特別又好味.蒜辣雞翼條, 將雞翼分半易熟又方便進食, 炸粉薄而且炸到好脆, 少少辣幾惹味.沙律無加調味, 健康食法.青豆湯, 好濃縮但又好少草青味, 第一次飲好覺得好特別.慢煮脆鴨脾配鵝肝, 塊皮脆脆地, 肉質鮮嫩, 味道適中.香煎盲鰽魚柳保雲蘇, 得一次食保雲蘇呢個煮法, 麵包糠面非常香脆, 魚肉仲保持到嫩滑.