玉桃軒酒家 (利舞臺廣場)

營業中

休息中

好耐冇食過中餐啦，今晚同屋企人黎到呢家酒樓食飯，由於大廳有宴會，所以安排左係偏廳食！餐牌有好多唔同款式選擇，最後揀左一個套餐再加片皮鴨兩食，飽到傻呀！套餐有魚有雞再加一個小菜，都係$358，幾抵食！一品蒜香雞半隻，雖然得半隻，但份量都幾多，雞皮係炸子雞咁，所以好脆口，雞肉嫩滑！清蒸沙巴斑，好耐冇食蒸魚，呢到既蒸魚蒸得剛剛好，魚肉好滑！魚香茄子魚腐煲，佢既味道唔會好濃，魚腐質感有啲似琵琶豆腐，口感唔錯！北京片皮鴨($188)，呢度既片皮鴨都係會有店員係你面前皮的，都幾大隻！皮燒得夠脆夠香，張鴨皮夾到薄皮中，加上京蔥、青瓜同埋醬汁一齊食好惹味！鴨鬆生菜包($78)，片皮鴨兩食只要加$78就可以多一個餸！這個菜式份量都好多，鴨肉碎餐有西芹、粉葛等配料拌在一起，連生菜一齊很fresh!酒樓是跟屋企人食飯的好地方！

是日同朋友又來到玉桃軒開飯，星期六一定要訂位，而且訂6點，8點要交枱。我們一行5大2小，是日點了3餸套餐，包括有清蒸沙巴班、蒜香雞及自選菜式雜菜粉絲煲。食小菜前，先飲個合掌瓜豬骨老火湯消消暑先！湯又入味又清甜，真係好適合夏天既一款湯水。非常足料。芝士龍蝦伊面好快來到我們面前，1斤只係$128，好抵食！肉質厚實而且好彈牙至於蒜香雞一如既往好香口，沾上醬汁勁好送飯。雜菜粉絲煲不過不失，粉絲份量好多而且入味，不失為一個抵食之選！最後到清蒸沙巴班，第一個豉油真的好好送飯第二魚既肉質好滑好嫩，無魚不歡的我一個人都可以吃完一整條！是日5大2小埋單$880 坐得舒服又好食，聚會還是玉桃軒好

今日等朋友收工後就去了玉桃軒吃飯聊天，這次是我第二次來。以一間坐得舒適，食物好味又抵食，玉桃軒的確係一間優質既酒樓。玉桃軒位於利舞臺的20樓，一出𨋢就會見到。酒樓裝修富麗堂皇，而且非常整潔，但你千萬唔好以為食物好貴。請睇睇以下餐牌半隻蒜香雞，一條沙巴班再加任選菜式一款只係$328！平民既價錢，優質的享受其他小菜價錢都非常合理！是日波士頓龍蝦都非常抵食，可惜我地只有兩個人。最後我們叫左一個$328套餐，自選菜式要滬江賽磅蟹。賽磅蟹首先上枱，淋上淅醋後，賣相令到饑餓既我地更肚餓！好，試一啖。蛋白非常滑溜，酒樓在蛋白中加上適量蟹肉，加強口感又好味再來就係沙巴班，呢個份量剛好兩人份，細班比大班肉質嫩，配上香蔥及豉油，簡單既調味已經帶出魚既鮮，送飯一流蒜香雞其實係外皮炸得香脆既炸子雞，配上加上蒜蓉醬汁，真的非常惹味！下飯絕配！還有一樣要稱讚的是酒樓的茶，茶葉香醇，比外面一般酒樓見更高一班！玉桃軒絕對能俘虜不同年齡階層的心！