魚一壽司 (教育路)

營業中

休息中

📍魚一壽司 (元朗)元朗教育路68號兆豐樓地下7號舖———————————————蒲燒鰻魚飯 (💰: 62 hkd) (午市定食) 抵食高質鰻魚飯✨雖然餐牌上括住半條鰻魚，但目測有平常原條長度嘅2/3‼️鰻魚外皮煎得好香脆，內裏卻仍能保持細嫩多汁，入口即溶但不油膩。而且鰻魚肥美、肉質軟冧，重點係冇細骨啖啖肉🤩唔算十分厚切，但食完已經大滿足☺️鰻魚醬汁味道濃郁，但唔會蓋過魚肉鮮味，底層白飯則帶有柚子清新味，中和上層豐富味道，令人百吃不膩！唯一可以挑剔，可能係白飯有啲多，醬汁可能未夠撈飯🤣 但絕對唔怕唔夠飽～最後，午市定食仲奉送三文魚麵豉湯、前菜、雪米糍，性價比十分高呢😋整體評分 (6個🐽為滿分)味道：🐽🐽🐽🐽🐽🐽抵食：🐽🐽🐽🐽🐽🐽環境：🐽🐽🐽🐽🐽服務：🐽🐽🐽🐽🐽🐾: 朗屏站 C出口步行13分鐘#mugmugeats_元朗 #元朗好去處 #元朗美食 #元朗日本菜 #香港日本菜 #美食推介 #yuenlongfood #yuenlongeats #foodie #foodpics #lunch #dinner #globaleats #eelrice

今晚去元朗開聖誕派對，當然順路去元朗覓食一下，教育路都係元朗覓食重鎮，就決定行到邊食到邊。經過魚一壽司，見到午餐價錢都幾抵幾多選擇，就一於入去食午餐。開頭以為魚一壽司只得地下的吧枱位，原來佢還有一層閣樓，上到去樓底都唔矮，幾個人傾計仲覺得好有私隱。星期六下午都有午餐定食，當然仲可以單點，而且無論單點定午餐定食，價錢都好相宜。我們今次叫了兩個套餐加單點壽司。套餐包括前菜沙律、三文魚麵豉湯、主菜和甜品糯米糍，加$5仲有汽水。好新鮮的前菜沙律，酸咪咪好開胃。三文魚麵豉湯熱辣辣，入面仲有不少三文魚及蘿蔔。其中一個主菜是京葱拖羅蓉丼，拖羅蓉好香好濃好滑，將鵪鶉蛋放在飯內拌勻，更添香滑，配上的紫菜更可包著拖羅及飯食，好細心的設計。另一個主菜為蒲燒鰻魚飯，鰻魚厚身，入口軟綿綿，配上香甜鰻魚汁的飯，更添美味。甜品為冰凍糯米糍。另外，叫了幾件單點壽司，質素唔錯，價錢仲好抵。三文魚腩是厚切的，而且好長，味道好香濃；大拖羅是日本直送的，入口即溶無根；活赤貝是原隻的，好爽好脆；左口魚邊魚味香濃，回味無窮。

元朗人留意啦！教育路有間食日本嘢嘅叫魚一，食物價錢唔貴之餘，整體質素都唔錯，真係幾平靚正㗎😆.首先必叫嘅係蔥吞拿魚腩薄脆($68)！！！下面嘅薄脆類似米通咁，薄脆上有好足料嘅蔥吞拿魚腩蓉，夾埋食係好match好正！好想encore呢個小食！！！.然後鰻魚飯($68)真係抵食之選！鰻魚雖然未至於係超級厚身，但都絕對唔會係好薄嗰種，食落都幾有肉嘅🤣鰻魚肉嫩滑，重點係冇細刺😝68蚊一份真係完全收貨😛隔離枱見到我地盒鰻魚飯之後，都加單要份鰻魚飯拎走😂.我見隔離枱一次過叫好多款壽司，所以🍣係成大盤咁上😂火炙壽司好食😋呢到有我好鐘意嘅火炙左口魚邊壽司😝油脂豐富，好正㗎呢😋8蚊一件抵食呀！活赤貝壽司係店員推薦，食落果然唔錯，活赤貝幾新鮮。.炸物同卷物都同平時食到嘅差唔多，價錢合理。.特別一提係店員服務態度都好好😆推薦俾住元朗而又鐘意食日本嘢嘅你地呀🙆🏻‍♀️