牛牛日式火鍋放題 (北角匯二期)

營業中

休息中

牛牛日式火鍋放題，位於北角匯，超近地鐵站，舖面好靚好繽紛既感覺👻做⼀人⼀鍋既日式放題，好多選擇不論係肉、海鮮、熟食、甜品、飲品💡新推日式紙包火鍋，配有機鮮菌，好有特色又吸引🤩揀左膠原豬骨湯配菌，奶白色湯非常好飲，藥膳咁🫶🏻菇湯正，羊肚菌浸湯都好味睇睇自助吧，火鍋料多到，熟食就關東煮、咖哩牛腩、燒賣都有，味道唔錯😋蒲燒鰻魚好驚人，任夾，又新鮮又肥美，好好味👍🏻自家製韮菜餃，炸大大粒韮菜餃，爆汁好濃韮菜味，正😎豬骨湯淥海鮮食，越南鳳尾蝦爽口彈牙，相當唔錯，海扇貝正常，都算鮮味💡另一個叫左傳統山椒味增鍋，超香，淥牛夠曬濃味，A5宮崎和牛肩肉，⼀個人送⼀碟，超肥美重牛油味，正😄澳洲和牛、丹麥牛小排、澳洲黑安格斯，啖啖肉而牛味好濃，食得好爽😍澳洲M8和牛前胸腩，另一種口感，牛味獨特👍🏻丹麥封門柳，較瘦，唔想太膩可以食下，基本上所有牛都好好味🫶🏻熟食火鍋都咁正，又靚又食得，仲有唔同既火鍋湯底慢慢試🍲好有特色又抵食既日式火鍋放題！❣️

同朋友去赤柱打波之後揸車出返北角附近搵食非常之肚餓基本上有咩就食咩肚餓都唔可以再等啦呢間餐廳嘅火鍋係一人一鍋的每個人可以選擇自己鍾意嘅湯底概念係幾好既因為有時候朋友想食蕃茄湯底我想食壽喜燒大家意見唔同一人一鍋可以唔使就人自己想點就點美國特選牛肉 / 豚肉我個人非常喜歡去打邊爐連鎖店火鍋都係好多間呢間餐廳嘅牛肉豚肉質素就中規中矩所以冇乜特別好講反而最令人驚喜嘅係 鰻魚夾緊配菜嘅途中發現一大盤鰻魚咁就拎少少試吓啦一試之後就返唔到轉頭了鰻魚非常之肥美厚身沒有泥味 入口魚肉鬆軟嫩滑某幾舊仲有少少啫喱狀的膠質非常好食！好食到我熄咗個電磁爐出去不停咁樣夾鰻魚返嚟食自製一個鰻魚飯老實講呢度嘅鰻魚好過出面啲日式居酒屋我簡直冇辦法相信！我估唔到我原意黎食火鍋但係呢個鰻魚令到我熄咗個電磁爐真心好食！呢一間餐廳鰻魚好過火鍋係比火鍋耽誤咗嘅鰻魚專門店黎！🤣🤣🤣