蒸廬

營業中

休息中

由於3-1-2024（Wed）冇飯帶，就約女同事PM食晏，我揀嚟呢間。我哋嚟到時都重有位，坐抵後掃QR code落單，決定要:2. 叫全日套餐以特價$52.00要原價$68.00黨參天麻川弓燉加魚頭湯。呢個即時送到，見到有好多料，PM嗅到一大陣藥材味，我先舀嚟飲，有好多紅棗，湯係有啲甘苦，又唔太過，OK嘅，不過PM只飲細半碗就唔飲。3分1.$68.00 嘅蒸廬拼美點(9件）呢個熱騰騰，由於有薑汁紅豆糕，所以要趁熱食呢個先，薑汁味濃，口感軟腍腍，OK嘅。2.8分馬蹄糕大大件，呢個正常嘅甜。3分大大粒燒賣，都係正常冇問題。3分潮州粉粿個皮軟腍腍，味道都正常，但竟然有雞肉。2.8分蝦餃都係OK冇問題。3分其他我冇食到。5. $30.00嘅煎瑤柱臘味蘿蔔糕都大大件，口感唔係實，材料好似唔多，胡椒味重咗啲。2.9分4. $34.00嘅黑椒醬皇金錢肚呢個熱騰騰，牛肚夠腍亦入味。5分3. 叫全日套餐以優惠價$14.00加配紅豆杞子桂花糕兩件呢個係食食吓嘢，喺適當時候送上，因為佢係雪凍嘅，咁我哋食完嘢唔使再等攤暖食就啱啱好。紅豆糕部份份量多，唔太甜但紅豆係腍晒，好少部份嘅桂花糕係試唔真。2.5分抵食係

返咗十幾個鐘頭工，拖着疲累嘅身軀去到石門京瑞廣場食晚飯，我同男朋友都好鍾意食點心，朋友都推介過我食呢間，今晚終於有機會嚟試吓😍 Weekday嘅夜晚8點幾來到，不用等位🤭 店舖較細，坐位亦較迫，不過小店就是這樣，都不成問題😊 呢度係用QR code落單，快捷又方便。 我哋order咗5樣嘢，一個金銀蒜香海蝦飯、一個9件點心拼盤、一籠雲石芝麻包、一碟瑤柱臘味蘿蔔糕、一碟金銀蒜籠仔蒸娃娃菜。 瑤柱臘味蘿蔔糕🥕 $30蘿蔔糕個面煎得幾香脆，大大件，滿足🤭 雲石芝麻包🍽 $26芝麻包好好味啊😍😍😍 芝麻味濃，芝麻餡夠多，一咬開個包就咇出來😋😋 雖然唔係流心，但係味道好出色！鍾意芝麻味嘅朋友一定會好鍾意呢個包❤️ 蒸廬拼美點（9件）🍽 $60原來呢個拼盤都有一個芝麻包，即係我哋兩個人總共食咗四個芝麻包ssss😂😂😂 不過除咗芝麻包之外，呢個拼盤仲有好多唔同嘅點心可以試😍 每件點心都偏大件，最鍾意係個素菜餃，好足料😋 其他點心都係正常發揮，勝在性價比夠高！👍🏻 金銀蒜香海蝦飯🦐🍚 $58蒸飯面頭有啲菜心碎，即刻感覺健康咗😂👍🏻 不過呢個飯其實冇乜味，都係需要加豉油或者其他汁去吊吊味，而d蝦係無鮮味，

石門店停業完之後重開返，都仲要繼續去支持🤫順帶一提黃埔店已經無左，不過黎緊會開係荃灣🤭呢度採用QR Code自行點餐，食物整體較清淡無味精，算係合我口味▪️ 蒸廬拼美點（9件）（7/10）💲55一次過試曬九款點心，全部都好巨型😲有兩粒飽滿燒賣，用左蝦膠同埋豬肉，肥肉比例多唔係好彈牙嗰種；蝦餃、粉果、菜肉餃皮略厚；叉燒包外皮較黏，餡料幾足；馬拉糕亦都唔會好濕，質感鬆軟；薑汁糕整得軟糯煙韌，薑味香濃帶點微辣；馬蹄糕既馬蹄夠爽口偏甜😚▪️ 田園雙菇雞粒飯（7/10）💲45面頭有啲惹味蒜蓉粒，加上冬菇同埋蘑菇、切粒菜心、嫩滑雞粒🐔不過飯底偏濕同黏，主要係靠自行落豉油黎調味🙈▪️ 瑤柱蝦米煎腸粉 （7/10）💲29本身係想食腸粉，好可惜太夜已經賣曬😭叫住個煎腸粉頂癮，煎香左外層幾香口，內裏又保持滑身，有陣陣米漿香味，可以配上甜醬或者麻醬，如果再多點蝦米會更滿足🦐🔎 整體評分（7/10）

記得細個嘅時候，逢星期日都會一家人去茶樓飲茶食點心，但人大了，兄弟姐妹各自有家庭，好少再一家人去茶樓了。所以而家無咩機會食點心，一係就去買叮叮點心返屋企叮，但叮嘅點心又乾又硬，味道更加無得比。於是的起心肝，上網搵下邊度有全日供應點心，就約埋阿爸阿媽一齊去啦。今次搵到呢間喺沙田石門嘅蒸廬，喺馬鐵石門站過對面京瑞廣場就係了，非常方便。夜貓一族要注意啦，呢度係9pm last order，太遲就無得食架啦。不得不提除左全日供應點心外，原盅燉湯都係呢度嘅招牌菜，共有5款選擇，可能我地都晏左了，A-D款全部賣晒，只剩E款，我呢個湯怪當然唔會放過，即時ORDER一人一盅先，落完我地張單，店員大呼一聲「燉湯全數賣晒」，門外等緊嘅人都無奈「唉，賣晒啦」可能爭番黎嘅特別好飲，呢個酸棗仁茯神燉瘦肉湯原盅上檯，標明原味、無添加，又夠足料，飲得出係用心製作，一定要試。話明黎食點心，梗係想試多啲唔同款式架啦，呢個蒸廬拼美點絕對係必叫，一籠有9件，兩個义燒包、蝦餃、燒賣同豆苗餃再加件馬蹄糕，睇見都吸引呀。呢個臘味蘿蔔糕唔會太粉，煎得又夠香口。而家四圍都叫自己做蝦餃皇，但呢度絕對配得上呢個稱號。蝦餃裡面起碼有兩隻蝦