Sixer Burger (已結業)

荃灣越黎越多漢堡店，身為漢堡控既我， 最希望可以試晒所有既店第一站就試下呢間商場開業不久既店先，聽聞呢度最出名龍蝦漢堡，不過價錢太貴，都係吃住其他先.....夏天熱辣辣，當然要嗌杯飲品消下暑啦~咁啱見到有沙冰，水蜜桃荔枝或藍莓菠蘿沙冰，最後大家決定齊齊試下呢杯藍莓菠蘿沙冰...不過飲唔到菠蘿味，酸酸甜甜咁，又幾開胃~~飲完野，當然要醫肚啦，叫個小食吃住先，海鮮炸籃！有炸蝦、蠔、魚柳、薯條...熱辣辣送上枱，不過略嫌個炸粉有d厚藍青口卡邦尼意粉~~吃漢堡前都要吃返個意粉先...除左藍青口無味之外，其他無乜特別...最後出場既主角啡菇芝士漢堡同珍寶牛肉煙肉蛋漢堡~~一上枱已經吸引大家眼光，個個都拎定電話出黎相機食先~~~影完靚靚相，問待應可否幫我地切開，待應好好幫我地拎入廚房切開一半，咁就方便我地4個女仔分啦...味道方便，啡菇芝士漢堡比珍寶牛肉煙肉蛋漢堡優勝，珍寶牛肉煙肉蛋漢堡太多料，吃到有點狼狽，而且吃左少少已經過得好膩... 相反啡菇芝士漢堡就啱啱好，材料少，容易放入口，而且啡菇又淋又入味整體都唔錯，店員有禮，有問有答。地方雖少，但較寧靜。食物種類唔會單一化，適合朋友吃飯傾計...

荃灣就好多好嘢食 今日嚟到千色匯 見到呢間小舖 由於係星期五 收工梗係要拆餐飽 就入嚟試吓大過我個拳頭嘅漢堡包呢度嘅服務員禮貌非常好 講嘢好客氣同唔會感覺吹你食完趕你走 因為間鋪唔算大但都坐滿好 隆重介紹一下我個套餐 龍蝦牛肉漢堡配香草忌廉檸檬汁 $198望番啲相都覺得垂涎欲滴 原隻龍蝦連牛肉 即係surf and turf以burger形態展現 實在係啖啖肉 加上好清新嘅檸檬汁一啲都唔漏 我就加左$26升級到跟餐湯同薯條 個薯條一定要加！外脆內軟！一定唔會後悔 蕃茄羅勒忌廉湯 非常開胃 我發現呢度好識利用酸去去平衡食物嘅整體味道 食完唔覺膩 最後叫咗個藍青口卡邦尼意粉青口放喺四邊點綴吓咁 始終漢堡做主打嘅地方都係漢堡出色啲 呢道菜式就比下去喇總括來講呢度值得一試 會返嚟試吓其他漢堡同一定會跟餐 真係要發掘多啲正嘅小店去支持

鍾意食burger既我，同老公行完荃灣街街，係商場見到呢間食burger既，入黎o既時間仲有好多位，可能時間太早，唔係好多人本來好想試下個龍蝦牛肉漢堡，但俾老公拒絕左，因為我唔食得海鮮住最後只揀返個好似簡單d既牛肉啡菇芝士漢堡其實個牛肉啡菇芝士漢堡唔簡單，同menu睇一樣咁有份量，啡菇同牛肉漢堡扒特別厚將佢切半一齊share, 一邊切，啡菇同漢堡既汁不停流出黎，制止唔到牛肉漢堡扒嫩口但唔鬆散，味道濃，夠Juicy揀呢個burger揀得啱，加左啡菇，多左份清新口感不過芝士唔夠多，味道比較light，食落唔太食得出就算切半左，burger都好巨形，所以個價錢都幾合理Burger加錢轉set跟薯條同餐湯，薯條即炸，香脆可口而餐湯就係周打蜆湯，材料除左蜆，仲有好多薯仔粒，味道唔錯一份burger當然唔夠二個人食，於是叫多碟藍青口卡邦尼意粉卡邦尼意粉，香濃忌廉好掛汁好creamy，令我印象深刻，食到又唔會感覺好飽飽滯滯意粉彈牙，份量足藍青口同卡邦尼無融為一體，似擺盤多d，味道都正常意粉加$10 就可以配飲品，要左檸樂 一間有齊哂我鍾意既burger，薯條，Carbonara， 樣樣都咁出色，下次

餐廳位於千色匯商場地下轉角位，非常易找，晚上6時半，商場人流一般今日同肥仔食漢堡包!店內環境裝潢似扮船，藍白色水手配搭，牆上有船舵配合主題珍寶牛肉煙肉蛋漢堡$98點了必食的漢堡，開頭以為珍寶牛肉是大塊的，誰不知原來是雙重牛肉，一塊在漢堡外，另一塊在漢堡內，十分有趣。而且牛肉非常juicy，配上太陽蛋和煙肉，口感豐富，賣相吸引。牛肉啡菇芝士漢堡$88啡菇的菇味十足且好JUICY，大塊過牛肉!大啡菇和牛肉配搭非常合拍，喜歡菇類的朋友值得一試! 芝士肉醬薯條$48薯條即叫即炸，加上極多的肉醬和芝士，十分邪惡！　＄４８真係好值！份量兩個人剛剛好。藍青口卡邦尼意粉$88餐廳除了漢堡外每晚也會有幾款意粉給客人選擇。因為肥仔唔夠飽，帶住半點好奇試下係食漢堡包既地方點了個意粉，今次我們就選了藍青口卡邦尼意粉！藍青口有4隻，略嫌青口不夠水份，同卡邦尼意粉有小小唔襯，但只係食卡邦尼意粉都好CREAMY! 好正宗!如果你朋友帶你BURGER你唔想食, 我覺得食意粉都係一個唔錯既選擇!+$26 可轉餐，有餐湯／salad +野飲點了ice latte同ice mocha