定食 Doraya (駱克道)

營業中

休息中

此店開業已久，筆者亦常光顧，畢竟吃了多次仍覺得好吃的店不多，此乃其一。這裡雖以藍鰭吞拿魚馳名，菜單上仍能找到鰻魚飯、烤牛肉、生薑燒等定食，專為那些不吃生魚的人而設。大部分的菜式筆者均已試過，始終認為藍鰭吞拿魚扒飯定食性價比最高；此外，香蔥伴藍鰭吞拿魚腩腩拼吞拿魚大腩飯定食也值得一嚐。依舊點了藍鰭吞拿魚扒飯定食。壽司飯放底，魚扒輕炙其表後切片放飯面，澆些照燒汁再灑上蔥花黑椒，即成。先吃飯，醋飯以珍珠米入饌，粒粒分明，不冷不熱不酸；拌上照燒汁，少甜後鹹酸，汁份量剛好，使飯不寡不搶。魚片每片兩吋長一吋闊，厚一分，魚油經輕炙後逼出，包裹整塊魚肉。夾一塊入口，表少實油潤，咬下軟腍，嚼感猶在；細嚼下藏在肉紋之間僅餘的油分溢出，甘香不膩，美妙。定食也包括了茶碗蒸、麵豉湯、水果、漬物及涼拌菠菜，不過不失；畢竟那些都不是重點，魚生飯好吃便好了。

每個月都總會有一日出銅鑼灣食定食Doraya，既有質素，價錢又合理，最重要食得飽飽滿足。定食的前菜亦毫不馬虎，酸青瓜和蘿蔔的酸甜味適中，爽脆可口，十分開胃。玉子燒屬前菜，凍食，有蛋香味有夠厚身，帶有少少甜。豆腐海帶麵豉湯都不錯，熱呼呼的，足料又有麵豉濃香。我每一次都是點藍鰭吞拿魚扒飯定食，重點是當定食上枱時，我就會覺得好幸福眼見十多片厚厚的藍鰭吞拿魚扒鋪滿飯面，魚扒表層經過被火輕輕燒過，逼出來的魚油沾到珍珠米上，加上簡單的調味鹽、黑椒和葱花，令到每一口口感更豐富。處理吞拿魚上亦應記一功，既沒有筋，確保食客每啖吞拿魚都是爽滑。男朋友食池魚定食，份量十足，共有十片厚厚的池魚。當造的池魚肉質甜美爽口，配以酸薑，帶走魚腥味，亦可減低油膩感。另外我欣賞提供新鮮即磨山葵，並非粉開的wasabi，既不會太刺激搶走食物的原味，又可提昇味蕾的滿足。我試過尖沙咀厚福街分店，但我仍然覺得銅鑼灣較出色，質素有保證。

今日同雨神食飯, 因為同親佢食飯10次有9次都落雨, 唔想響中環排長龍, 所以又去咗銅鑼灣碰運氣啦! 富豪雨神話要食吞拿魚腩喎, 可能因為落雨, 嚟到的確唔駛等位.店員話MENU內嘅定食會比SET LUNCH份量多D, 我哋兩個黑洞當然點MENU嘅SET啦, 費事食唔夠又要去搵其他嘢填肚. 藍鰭吞拿魚扒飯定食$128 - 吞拿魚扒舖滿成碗飯, 見到都開心. 麵豉湯滾熱辣, 咸淡適中. 泡菜微辣爽脆, 唔酸唔咸. 甜蛋唔太甜, 不過有少少乾. 主角吞拿魚扒邊位少少燒過, 內裡粉紅肥美, 食落充滿油香, 日本飯粒煙韌再配上芝麻醬汁同蔥花非常惹味香口.香葱伴藍鰭吞拿魚腩蓉飯定食$125 - 吞拿魚腩蓉拌入葱粒, 撈混食, 魚脂滲晒入飯粒, 每一啖都係肥美甘香。