玖子茶 (長發廣場)

營業中

休息中

最近發現咗青衣長發廣場有間抵食嘅食馬菜餐廳。玖子茶嘅裝修好有馬來西亞同新加坡夜市嘅特色，有唔少燈籠掛喺天花，同埋放咗唔少模擬夜市店名嘅招牌，晚市去到，叫咗一個二人套餐$228，有好多款特色菜🤗🤗😁砂煲肉骨茶配白飯原個砂煲熱辣辣咁上枱，肉骨茶味道香濃，係傳統馬拉系嘅藥材湯底，排骨不過不實，豆卜金菇等配菜盅吸湯底味道變得非常入味😋😋👍海鮮蝦白喇沙米粉蝦肉及魷魚爽口彈牙，湯底香濃惹味，微辣但又食到甜甜地嘅味道，米粉容易掛湯，所以可以完美吸收湯汁，好食！🥰🥰🌟麻辣口水雞同平時常見嘅紅色口水雞有唔同，呢度加咗蒜粒同醬油，比平時嘅口水雞更加好食。蒜蓉味道突出，口感豐富，令口水汁成為極好下飯嘅菜式。雞肉滑嫩，皮下脂肪不多🐥🐥👍🏻藥膳浸菜用咗肉骨茶嘅藥膳湯底浸菜，如果叫咗肉骨茶，呢個唔叫都冇損失😁😋牛肉串燒牛肉串燒嫩滑，牛肉同牛脂肥瘦傷間，加埋沙嗲汁，令人停唔到口咁食🥳🥳🤪

青衣長發開咗間星馬餐廳，平時都見幾多人幫襯，今日收工見唔算多人就試下。內裡裝修都幾靚。我一直都好想食肉骨茶，所以我點咗砂煲肉骨茶一嚟到好濃嘅藥膳香氣，濃好濃，都有幾多肉，仲有好吸湯汁嘅豆卜同腐竹，湯好濃但唔鹹，撈飯食真係好正另外，仲叫咗個招牌星馬雞配油飯，雞好滑，油飯好香，但雞份量偏少，仲有雞湯，幾清甜，檸檬梳打幾開胃又解膩。藥膳浸菜，湯好濃藥膳味，浸白菜仔幾特別，好少有呢種味。椒鹽雞軟骨好脆，好好味

見佢新開，門口又有兩個姐姐熱情叫客就入去試左個二人餐二人餐包左砂煲肉骨茶、海鮮蝦粉麵、麻辣口水雞、藥膳浸菜和串燒(兩串)首先講講砂煲肉骨茶。呢味菜式應該有濃郁湯底同豐富嘅肉骨味而聞名。但呢間嘅肉骨茶雖然都食得出佢有當歸、黨蔘等藥材，有d藥膳嘅風味。但係d 肉略略有d 硬，做唔到一般入口即散開嘅口感，所以呢到真係扣左分。但係搭配一碗香噴噴嘅白飯，呢個砂煲肉骨茶都絕對比到我一種滿足感。之後海鮮蝦粉(我揀左喇沙湯米粉)。呢碗粉聞到有濃郁的海鮮香氣。但係食落唔夠醇厚，可以係調味到加強少少，但配上彈牙的米粉同鮮蝦，都不過不失嘅。麻辣口水雞就係比較好嘅一碟。佢起曬朋嘅雞肉，相當嫩滑，辣椒醬嘅辣味同麻味相得益彰，比我嘅味蕾一下子刺激到。每一啖都食到到辣椒嘅辛辣和雞肉的鮮嫩。藥膳浸菜是就普普通通，不過不失。用左肉骨茶做底味，碌熟左嘅白菜仔清甜得黎又食到藥膳湯嘅感覺。總結來說，呢間餐廳做到基本之上，作為一間屋邨餐廳足夠有餘。