華園甜品專家

營業中

休息中

呢間中式甜品店係出名食燉蛋嘅但係【芒果河粉】反而令我有驚喜多啲😆 用椰漿整成嘅河粉 片片都好薄同滑 相信係坊間真係好難揾到間整得咁出色 加上同甜嘅芒果一齊食 呢碗河粉俾我好快食曬(⁎⁍̴̛ᴗ⁍̴̛⁎) 但係唔知點解冇人介紹呢個高質甜品要係到幫佢平反番😂但係相反【蛋白燉鮮奶】口感唔夠滑 會實左啲 冇乜特別( ･᷄ὢ･᷅ )天氣凍左個人係會想食中式糖水多過西式 係咪得我一個係咁🤨食完晚飯可以同朋友一齊去試下啦(♡ơ ₃ơ)

依間糖水舖小編由細食到大，係得到米芝蓮推介嘅老字號，長期一入夜就滿座！店舖裝修簡潔，價錢便宜，走街坊路線；主打舊式傳統糖水，可能會覺得老餅野唔啱我哋後生仔食，不過小編真係好鍾意食佢嗰度真材實料味道十足嘅綠豆沙、咋喳糖水同楊枝甘露👍🏻會令你愛上傳統糖水😛今次夜晚食完飯突然間想食燉蛋鮮奶😳👓蛋白燉鮮奶 $22燉鮮奶奶味濃郁，又滑又嫩。下單後店員才立即從蒸櫃端出燉奶，所以非常夠熱辣辣。可能有人會覺得偏甜左少少不過小編覺得還好。燉奶質感比較實，但終究不是雙皮奶所以不會有那種登下登下的效果。以二十幾蚊呢個價錢來講呢個質素算係咁好抵食，咁當然唔能夠跟義順充滿奶羶味的質素比～評分：7/10👓芝麻燉鮮奶 $23起初以為只係芝麻糊淋在燉奶表面，但原來係將芝麻糊注入燉奶中間，食到中間芝麻糊隨即流出來，黑白相襯令燉奶外觀很吸引。芝麻糊本身芝麻味香濃，但由於燉奶本身已有奶甜味， 所以兩者溝埋一齊令味道變得過於複雜🤔都係就咁原味燉鮮奶最好食🤣評分：6.5/10👓合桃燉鮮奶 $23合桃糊本身亦都好香甜好食，不過同樣當溝埋燉奶味道就變得複雜無原味咁好食，而且合桃糊沒有芝麻跟鮮奶這麼匹配。評分：6/10

我細細個就住依區，由細到大每當食完飯後都扭計要公公帶我去糖水鋪，細個就鍾意咩都叫凍既甜品，而家大左就鍾意食熱甜品，食落有種情懷，我好耐無踏足依區了，經過點都要黎食碗糖水回憶下而家黎到都要等一陣位，因為真係長期爆滿，座位與座位間雖然迫，但我鍾意佢夠地道，等左一陣有位，餐紙都係放係枱玻璃底，價錢合理夠哂新民，我叫左個熱合桃露，我朋友叫左凍蛋白燉鮮奶。補腎合桃露: 用左個舊懷豆腐碗裝，成碗熱辣辣，食入口好香合桃味，合桃磨得好滑，少少沙都無，真係超正點蛋白燉鮮奶: 好重蛋白味，口感好滑，食落一D都唔覺得有濟膩感，好好食

今日行過見到有間喱間甜品舖，望入去都算多人，於是心思思行左入去食個甜品，間舖唔算大，不過勝在夠乾淨坐低之後見到有好多選擇，最後揀左蛋白燉鮮奶 $14 價錢都算大眾化個蛋白燉鮮奶仲有凍同熱揀，天時熱揀左個凍既。一黎到見個面好滑，食第一啖非常之滑，又唔甜，可惜奶味同蛋白味唔太突出，可能熱食會好d 份量唔算太多，一個3 點3 就啱啱好，又唔洗同人share，幾個朋友食可以一人一碗試均唔同款有機會都會再去食