影片
更多
2012-12-07
1364 瀏覽
有親友由外地來港探訪，大肥老豆同姨丈一齊宴客款待，以示歡迎，XO仔係自己人，當然有份參與啦！姨丈話想帶我地試個新地方「浙江軒」食上海菜，仲話會負責安排訂座及食物。「浙江軒」只招待會員，要會員姨丈帶我地黎先有機會品嚐，入會費當時好似係港幣三千。喺openrice做定功課，print定地圖，所以完全唔難搵。小肥收工行去「浙江軒」需時大概15分鐘，唔行都可以搭電車，對我黎講好方便，不過其他客人就投訴話灣仔勁塞車，的士跳極錶都唔到，坐地鐡又行得遠，所以見仁見智啦。唔去過真係唔會知道灣仔夜巿居然會有間咁旺o既餐廳，而且仲要有兩層！二樓係散枱，三樓係房；我地當晚有成十六個人，所以坐房，滿座率係100%！上到三樓最震撼就係牆上個木製雕刻品，非常精細。入到房，覺得地方寬敞，光線充足，格調唔會俗套，地方都好乾淨企理，只係略嫌冷氣唔夠。其次，好欣賞浙江軒o既服務生，尤其係負責我地間房嗰位小姐同經理姐姐。佢地兩個態度友善熱情，而且好落力，換碟加酒全部自動波；知道我要影相，上每道餸之前都會先放喺我面前，加以介紹，感激感激！食物方面，姨丈一早打點好哂，餐單內有多款菜式更要預訂，真係非常周到： 金華豬手：豬手非常
喺openrice做定功課，print定地圖，所以完全唔難搵。小肥收工行去「浙江軒」需時大概15分鐘，唔行都可以搭電車，對我黎講好方便，不過其他客人就投訴話灣仔勁塞車，的士跳極錶都唔到，坐地鐡又行得遠，所以見仁見智啦。唔去過真係唔會知道灣仔夜巿居然會有間咁旺o既餐廳，而且仲要有兩層！二樓係散枱，三樓係房；我地當晚有成十六個人，所以坐房，滿座率係100%！上到三樓最震撼就係牆上個木製雕刻品，非常精細。
入到房，覺得地方寬敞，光線充足，格調唔會俗套，地方都好乾淨企理，只係略嫌冷氣唔夠。其次，好欣賞浙江軒o既服務生，尤其係負責我地間房嗰位小姐同經理姐姐。佢地兩個態度友善熱情，而且好落力，換碟加酒全部自動波；知道我要影相，上每道餸之前都會先放喺我面前，加以介紹，感激感激！食物方面，姨丈一早打點好哂，餐單內有多款菜式更要預訂，真係非常周到：
金華豬手：豬手非常香口入味，完全唔覺得油膩，意外地好好食！
醬蘿蔔（HK$ 68）：此乃最受在座賓客歡迎之餐前小食。醬蘿蔔爽脆無比，酸酸甜甜得黎有少少辣，送酒一流！
我地人多，當晚姨丈其實叫左好多其他冷盤，只係揀飲擇食o既小肥怕骨怕酸，所以冇食到，不過同桌o既親友都話味道口感都唔錯：鹽水鴨，無錫脆脆鱔，長江燻魚，香醋雲耳。清炒河蝦仁：有水準o既上海菜館炒蝦仁必定選用河蝦，貪佢細隻得黎有肉地。見到餐單上寫上「河蝦仁」其實已經係信心o既保證，正如XO仔所料，浙江軒個蝦仁爽口彈牙，鮮甜美味！
蝦子蔥燒海參：海參本身冇味，所以用蝦子蔥燒煮製非常適合，令爽脆o既海參好野味，讚！
野生浙江菌菇燉雞湯：雞湯味道清甜，竹生爽口，冬菇同鮑魚菇都夠腍，好簡潔。龍鬚桂魚：所謂「龍鬚」，原來係指師傅先把桂魚起骨，再用桂魚肉切成魚絲，造成龍鬚狀。師傅真係好心機，做左咁多功夫後，上碟都要砌返條魚樣出黎。桂魚絲肉質幼嫩，配上大頭菜口感變得爽脆，加上少油，所以食得好健康，正！
蜜汁烤雙肪：菜式o既熟材分開上後，姐姐仔好細心地為客人包製，所以甜上加甜。第一次連薄脆o既腐皮一齊食，口感唔同左，食落又冇咁油，妙呀！
清蒸鰣魚：鰣魚出名多骨，而且啲骨仲要開哂叉，真係好誇張！雖則如此，小肥咁怕魚骨都捨得用成二十分鐘去細嚼一件鰣魚，可想而知魚質有幾鮮嫩，味道有幾香甜！
見我地成條魚食哂，經理姐姐話其實碟上仲留有好多魚碎，提議叫師傅用魚碎及魚汁煮個麵比大家試下，一人一細碗。嘩，真係冇介紹錯，魚鮮味索哂入個麵度，帶軟腍o既麵條又唔會過熟，寫返都足以令小肥回味無窮！
煙燻子母雞：必先一早預訂之菜式。「子母雞」代表雞，即母，及蛋，即雞之子。其實XO仔對煙燻過o既食物頗為抗拒，不過此道菜個煙燻味唔會太濃，小弟尚可接受。親友們勁讚個蛋做得好，尤其係個蛋黃唔會太生或過熟。
蟹粉獅子頭：「蟹粉獅子頭」比「清燉獅子頭」貴約一陪，每客有兩隻獅子頭，蟹粉份量亦唔算少。因為好入味，大肥爸爸極為欣賞。
灌湯小籠包：新鮮熱辣辣，睇相都可以見到籠發出黎啲煙。小籠包皮薄餡靚又夠湯，好掂！
高力豆沙：個甜品做得好鬆軟，而且唔會過甜，好啱媽咪口味！
兩個大人請客，所以價錢不詳，只係聽到句「唔算貴」。不過，整體黎講，「浙江軒」食物質素高尚，菜式有創意，師傅廚功細膩，加上地方坐得舒適，服務生細心體貼，眾親友都好滿意！
張貼
