金滿庭京川滬菜館 (時代廣場) (已結業)

行街行到咁上下,又口乾....在CWB既TIMES見到金滿庭就上左去試一試可能因為都比較夜成8點半所以都唔需要等位坐得左就叫左人參烏龍茶先講一講個茶,真係好香好正...今日加完一次又一次既水都仲好有味,甘香既茶同平時飲既好唔同今日叫左以下3樣食品螞蟻上樹,雙拼冷盤,雞絲粉皮,招牌燻魚.麻婆豆腐雙拼冷盤,雞絲粉皮,招牌燻魚--個雞絲粉皮冇咩特別,而個燻魚好香口,口感唔錯螞蟻上樹---個粉絲炒得幾香口,用黎送飯食都幾夾..少少辣都唔油　麻婆豆腐--都係送飯特品,有這個真係可以食兩碗飯都冇問題少少辣之外仲有D幾特別既味道,個汁就杰左少少,可能食得太慢凍左不過整體上都好正

東北亂炖：肉丸好鮮甜，蔬菜.瓜.豆.薯炖得好淋好入...味。備註：柯打要等30分鐘一口小籠飽：皮薄.汁肉鮮甜，必食螞蟻上樹：D粉絲炒得好爽，肉碎同辣椒剛好不太辣好味。花彫醉雞：雞好滑花彫夠香不太濃好...正本人必食。

呢間餐廳可以算係我最鐘意嘅一間餐廳，黎過咁多次冇一次係唔滿意嘅今次我就同男朋友兩個人黎食左個午餐，不過黎左咁多次第1次坐到卡位咋多數都係坐細台嘅平時兩個人砂窩雲吞雞見佢MENU個砂窩雲吞雞整得咁靚就叫左四份一隻試下雲吞大概6隻啦，1隻雞脾，仲有菜有湯都係$7x，簡直係抵啦仲要整得好好味，雲吞皮薄餡靚，菜又好入味，隻雞有特別嘅汁送下都幾好味架我覺得佢係落左少少酒去煮嘅仲叫左螞蟻上樹其實呢個菜好睇個人口味，我個人就好鐘意，因為送飯係一流架仲有金華火腿炆津白雖然同砂窩雲吞雞一樣係有津白，不過煮法完全唔同佢係硬身少少，冇雲吞雞D菜咁淋，不過同樣係好入味嘅我平時就叫開翅湯浸白菜，同樣都推介，大家可以試下呢間餐廳係我最鐘意嘅，不過一分錢一分貨，環境舒服味道好嘅餐廳一定會貴少少不過我都覺得我會繼續幫襯，因為真係食得好開心