品坊 (已結業)

母親節唔響香港所以星期二夜晚食左呢間自助餐同母親大人補祝！因為買團購飛，所以人頭計大約$250，真係好抵食！一埋位個個都去排生蠔同蟹腳，我又習慣自助餐食熟食先所以去左熟食area，點知比我發現好野！係大大條蟶子皇！好新鮮好爽口味道岩岩好！好想食多幾條但廚房不定時拎出黎，每次又最多拎得3-4條，所以要食既真係要無時無刻𥄫住！見過有個女人唔甘心分得一條瀨死要個廚師拎出黎何必做得咁核突呢🤣另外想推薦下切肉，因為好香牛味好好食！有時出面食既扒又貴又無牛味，但佢呢度既牛肉真係好好食！一放入口成陣牛味出哂黎，配埋佢一路加熱滾住既醬汁真係一流！後悔無食多幾塊！蟹腳唔錯，好大隻又有海水味好新鮮，而且fill得好快唔擔心無得食！生蠔就最多人排隊，我都拎左2隻試，味道係幾濃好有海水味，而且陣味響個口度stay好耐，但我個人唔鐘意生蠔既口感，所以試完都無再拎。甜品選擇好多，我自己就食左Haagen dazs、tiramisu同焦糖燉蛋。Haagen dazs仲要係我最鐘意既雪芭！焦糖燉蛋我都食左3杯，但fill得好慢，臨尾先出多round好彩仲食到！總括黎講呢間自助餐種類幾多、味道唔錯，值得encore既一

是日臨放工約左朋友即興食Buffet，朋友就介紹左位於佐敦的酒店Buffet，果然今晚食得好滿足，整體食物質素都唔錯，除左遇到一件不愉快的事情外。當晚星期四無分時段，可以由6:30，食到9:30，慢慢食都得。一開始夾左沙律打下底先，蔬菜新鮮，什果沙律，酸酸甜甜好開胃。 之後食完沙律，就拎冰鎮海鮮，我的最愛-蟹腳，好大隻，肉質又飽滿，食落有蟹既鮮味，一個字講曬。 生蠔係即開，所以好新鮮，好重海水味，一次拎2隻，男開蠔師食完再拎都無黑面< <點解要強調睇到下面就知點解 熟食味道一般，西冷有筋，好難咬，即煎魚柳無點醬汁，味道都好鹹。 跟住出面拎多塊西冷，諗住再試質下素，但負責扒爐個位似越南藉既女廚，話I gave you already，唔肯比，當堂呆左，真係未試過自助餐遇到如此差劣的服務態度，明明係任食，黑面唔想比，跟住我堅持先肯比，仲要塊牛肉係切得勁薄。唔想比人食咁，可以係menu一早寫明唔包，但都唔好咁小家唔想比人食，希望餐廳可以注意及改善下。Häagen-Dazs™雪糕係自己潷，好少地方有，不過可能係方便客人容易潷，所以雪櫃唔夠凍，好快溶。總括以言: 食物質素OK，女

同事聚舊，選了品坊食Dinner自助餐，由於openrice 有優惠券, 星期一至四 HK$188 +10% services charge. 今期主打上湯龍蝦同鵝肝。食物款色不多, 冷盤有長腳蟹、蝦、青口。長腳蟹: 都幾好新鮮,有海水味，略嫌細隻。魚生: 三文魚，鯖魚。三文魚都OK,其他沒有試熟食的款更不多。上湯龍蝦:可以加其他料 (例如: 粉，烏冬，菇，芽菜…) 都幾好食。鵝肝:不斷供應，都幾香，油就油D，如果食鵝肝的人，都ok.燒牛肉:都好嫩，好食。甜品: 款式不多，有芝士餅，焦糖燉蛋，還有4款hagen daz無限供應生果得粒粒生果: 西瓜,蜜瓜,哈蜜瓜。

今晚生日book了位去食自助餐, 之前我公司都會幫襯灣仔的酒店的lunch buffet的,都唔錯~6:30去到後,就出去拎野食啦~刺身: 只有三款, 三文魚, 立魚, 八爪魚~全晚食得最多都係這幾款.....三文魚都算新鮮(70分)蟹腳: 好快比人拎晒.....無論係6:30定係9:30,廚房d人加左都係好快手比人搶晒.....唯一一次, 拎到兩至三隻~大部份都好幼, 係得蟹鉗就多d肉食(70分)大蝦+鵝肝: 蝦都幾大隻, 見住佢即煎的~鵝肝就好油膩.......(70分)忌廉湯: 乜料都無.....真係好難飲......(50分)青口+西蘭花炒姑類: 青口用白酒醃的, 感覺都幾清新~西蘭花炒姑類就麻麻地........無乜味道,而且草姑係罐頭的,好難食....(65分)Haggen Dazs: 我們一共食了10杯~正!!全晚最抵都係任食Haggen Dazs雪糕(80分)