侘寂珈琲 (西九文化區)

營業中

休息中

試過晒西九文化區海邊嘅餐廳，唔覺得呢間特別好，都唔覺得佢有咩唔好。食物味道OK好食，但感覺唔夠豐富，唔係唔夠飽。環境對住個海食當然係正啦，室內又夠冷氣，靜靜地啱一個人同情侶。個西京三文魚意粉幾好，不過冇咩特別，賣相都普通咗少少🤏🏻。朱古力就有兩款，揀咗款秘魯嘅，但都係馬達加斯加（即係出面正常嗰啲朱古力）好飲啲⋯⋯餐廳又有同動物慈善機構合作，有啲領養嘢咁，可以自己了解一下。P.S. 清楚寫明毛孩要室外，冇得歎冷氣～

☀️Sunny Monday☀️ 閒日放假諗住去西九海濱行下望下海🌊好多餐廳都無開，見到依間日式咖啡店營業中，環境又幾舒服，就揀左佢。餐廳裝潢係簡單木系設計，入到去好舒服同寧靜，閒日客人唔多，可以靜靜地坐下。望下藍天白雲同海景，真寫意😌見到西京味噌鮭魚意大利麵係推介，即刻來一客先!!意大利麵麵質偏硬，個人比較鐘意淋少少嘅口感，鮭魚味道較濃，搭配意大利麵味道剛好，唔多太淡或太咸👍🏻因為好耐無食過大阪燒，忍唔住叫嚟過下口癮，醬汁同配料都好足，食落好野味，唯一美中不足係粉感較重，麵粉比例多咗。和風餃子就一般，算唔上好好味，皮唔算厚，入邊啲餡就比較咸啲，值得讚嘅係煎得啱啱好，表面有少少金黃香脆。放假可以係咁舒服既環境，望住海食個下午茶，食物唔會太油膩，清清淡淡，都係一種享受🫶🏻🌟

泥完m+博物館食塭餐廳, 因為落大雨緣故, 就好快去左一間沿海旁既餐廳~ 五重芝士披薩@$88焗披薩既上菜速度快, 感覺係已做好的翻熱(｀・∀・´)不過披薩口感䍓好, 好有芝士味餅底是薄批,份量就偏向迷你西京味噌鮭魚意大利麵@$98扁麵意粉有油份唔會太乾, 鮭魚都有剛好既鹹味~ Hot Matcha Latte@$78Latte既價錢少貴, 除了勝在美櫻花杯同拉花Hot Oat Milk@$42Oat Milk 都幾大杯, 係落兩既天氣飲番杯熱飲最好不過可惜當天落雨, 如果唔係對住個海景都幾chill( ´ ▽ ` )

長假期第3 日, 同主子們出去西九文化區散步兼晚飯。一到假日, 西九文化區就有好多一家大細同寵物, 果度好多餐廳都好PET FRIENDLY。假期關係, 好多餐廳都滿晒, 要排隊! 行咗一陣, 見到侘寂珈琲 • 喫茶D 野比較啱食, 而且戶外位較疏, 所以決定試吓! 基本上排隊O既人都係等戶外位, 等候期間職員都好NICE 咁同我哋講今晚最低消費係每人$80, 又會同我哋傾下計, 問佢哋免費泊車O既事, 都好欣勤咁拎相關資料俾我睇。大約等咗半小時就有位了。坐位較細, 我哋帶住2 隻狗, 係有D 迫同唔方便。不過可以對住呢個景食飯, 感覺寫意。食物同飲品都多選擇, 除左主食仲有小食, 以日式食物為主, 混咗西式煮法, 感覺新鮮同期待。我哋今次試左和風卡邦尼意大利麵、西京味噌鮭魚意大利麵同關西風章魚燒。和風卡邦尼意大利麵 - 卡邦尼意粉配上日本產O既蒽同三文魚碎。卡邦尼汁唔會好膩再配搭日本蒽O既蒽香, 好搭,  令意粉清新咗。不過份量偏小。西京味噌鮭魚意大利麵 - 呢個等咗起碼20 分鐘先有得食。味道較清淡, 普普通通, 下次可以試其他。關西風章魚燒 - 唔好意思, 因為環境較黑, 所以呢